مەملەكەت باسشىسى ءوز جولداۋىندا اۋىلدىق جەرلەردىڭ الەۋمەتتىك ورتاسىن جاڭعىرتۋ قاجەتتىلىگىن ايتقان بولاتىن. «اۋىلدىق جەرلەردىڭ الەۋمەتتىك ورتاسىن جاڭعىرتۋعا دا كىرىسۋىمىز قاجەت. وسىعان بايلانىستى ارنايى «اۋىل - ەل بەسىگى» اتتى جوبانى جۇزەگە اسىرۋ قاجەت. بۇل ارقىلى قازاقستاندىقتاردىڭ جەرگىلىكتى جەردەگى ەڭبەگىنە قاتىستى يدەولوگيانى قولعا الۋىمىز كەرەك. بۇل اكىمشىلىكتەردىڭ مىندەتى»، - دەدى مەملەكەت باسشىسى.

اۋىلداردىڭ جاعدايىن جاقسارتىپ، اۋىل حالقىنىڭ تۇرمىس ورەسىن كوتەرۋ ءۇشىن قولعا الىنعان «اۋىل - ەل بەسىگى» جوباسى قارقىندى جۇمىس ىستەۋدە. سونىڭ ءبىر جارقىن مىسالى بايزاق اۋدانىندا دا كورىنىس تابۋدا. جوبا اياسىندا اۋدان ورتالىعى – سارىكەمەر اۋىلىن دامىتۋعا باعىتتالعان ناقتى ىستەر جۇزەگە اسىرىلۋدا.

اتاپ ايتار بولساق، «اۋىل - ەل بەسىگى» جوباسى بويىنشا ۇسىنىلعان جوبالاردان سارىكەمەر اۋىلىندا بارلىعى 948،0 ملن. تەڭگەگە 29 جوبا ىرىكتەلىپ الىندى. ونىڭ ىشىندە، كوشەلەردى جارىقتاندىرۋعا 4 جوبا 372،6 ملن. تەڭگە، ءبىلىم نىساندارىن كۇردەلى جانە اعىمداعى جوندەۋگە 4 جوبا 253،7 ملن. تەڭگە، دەنساۋلىق ساقتاۋ سالاسى نىساندارىن كۇردەلى جانە اعىمداعى جوندەۋگە 2 جوبا 93،9 ملن. تەڭگەگە، سپورت نىساندارىن كۇردەلى جانە اعىمداعى جوندەۋگە 3 جوبا 60،1 ملن. تەڭگە، مادەنيەت سالاسىندا 5 جوباعا 52،5 ملن. تەڭگە، جولداردى جوندەۋگە 10 جوبا بويىنشا 108،0 ملن. تەڭگە جانە جۇمىسپەن قامتۋ ورتالىعىنىڭ عيماراتىن اعىمداعى جوندەۋگە 7،2 ملن. تەڭگە قارالعان.

قازىرگى تاڭدا، 29 جوبانىڭ جەڭىمپازدارى انىقتالىپ، 28 جوبا بويىنشا جۇمىستار جۇرگىزىلىپ، ونىڭ 11 جوباسى اياقتالدى. ناقتىسىن ايتقاندا، سارىكەمەر اۋىلىنداعى ورتالىق اۋرۋحانانى، بالالار جاسوسپىرىمدەر سپورت مەكتەبىن، سارىكەمەر اۋىلىنداعى ع.مۇراتبايەۆ اتىنداعى گيمنازيانىڭ شاعىن ستاديونىن، سارىكەمەر اۋىلىنداعى ورتالىق كىتاپحانا عيماراتى مەن مۇراجايدى، بايزاق باتىر، د.قونايەۆ، تولە بي، ج.ديداربەكوۆ، ۇ.سىزدىقبايەۆ، ناۋرىز، ساپارالييەۆ، م.اۋەزوۆ، م.اۋەزوۆ بۇرىلىسى، رايىمبەك بابا، بۇرالقييەۆ، ى.سۇلەيمەنوۆ، قۇلىمبايەۆ، سىپاتاي باتىر، بايدىبەك بابا، م.مامەتوۆا كوشەلەرىن اعىمداعى جوندەۋ جانە بايتەرەك اۋىلدىق وكرۋگىندەگى نوۆايا جانە بايزاق باتىر كوشەلەرىن ەلەكترمەن جارىقتاندىرۋ، اعىمداعى جوندەۋ جۇمىستارى اياقتالدى.

اعىمداعى جىلدىڭ شىلدە ايى مەن تامىز ايىنا يگەرۋگە جوسپارلانعان قاراجات 185 260 ملن. تەڭگەنى قۇراسا، ونىڭ 184 798 ملن. تەڭگەسى يگەرىلىپ، يگەرىلمەگەن قارجى كولەمى جەرگىلىكتى بيۋدجەتتەن 5 690 ملن.تەڭگەنى قۇراپ وتىر.

«اۋىل — ەل بەسىگى» اۋقىمدى جوباسىنىڭ اياسىندا ەل دامۋىنىڭ التىن بەسىگى بولعان اۋىلدار قارقىندى دامىپ كەلەدى. بۇل جوبا الداعى ۋاقىتتا بۇدان دا ۇلكەن جەتىستىكتەرگە باستايتىنى ءسوزسىز.