جامبىل وبلىسى مەركى اۋدانىنداعى «ءۇمىت» وقۋشىلار سارايىندا «رۋحاني جاڭعىرۋ» باعدارلاماسىن ىسكە اسىرۋ اياسىندا اۋدان مەكتەپتەرىنىڭ وقۋشىلارى اراسىندا كوركەم جانە ساندىك-قولدانبالى بالالار شىعارماشىلىعىنىڭ «التىن قازىنا» كورمە-بايقاۋى ءوتتى.

وقۋشىلاردىڭ شىعارماشىلىق قابىلەتتەرىن دامىتۋ، تاربيە بەرۋ جانە تۇلعالىق دامىتۋ، رۋحاني-ادامگەرشىلىك جانە مادەني قۇندىلىقتاردى دارىپتەۋ، وقۋشىلار شىعارماشىلىعىنىڭ كوركەم جانە قولدانبالى ساندىك ونەرىنە دەگەن قىزىعۋشىلىعىن ارتتىرۋ ماقساتىندا وتكەن بايقاۋعا جالپىعا ءبىلىم بەرەتىن 14 مەكتەپتىڭ وقۋشىلارى قاتىستى.

بايقاۋعا قاتىسۋشىلار 11 مەن 14 جانە 15 پەن 17 ارالىعىنداعى جاس ەرەكشەلىكتەرىنە قاراي ءبولىندى. كورمە-بايقاۋعا 5 نوميناسيا بويىنشا، 1 اتالىمنان ءبىر جۇمىستان قابىلداندى. اتاپ ايتقاندا، توقىما بۇيىمدارى: گوبەلەن، كەستەلەۋ، باتيك، كيىز باسۋ، قۇراق پلاستيكاسى؛ اعاش، سۇيەك، تەرىنى كوركەمدەپ وڭدەۋ: كولەمدى جانە تەگىس كەسۋ، قايىڭ قابىعىنان جاسالعان بۇيىمدار؛ شىنىنى كوركەمدەپ وڭدەۋ: ۆيتراج جاساۋ؛ مەتالدى كوركەمدەپ وڭدەۋ: زەرگەرلىك بۇيىمدار، شاعىن فورمالاردىڭ ءمۇسىنى، بەدەر سالۋ، سوعۋ، سازدان، تاستان، سابان، شيدەن شاعىن فورمالارداعى مۇسىندەر جاساۋ باعىتتارى بويىنشا جۇمىستار تىركەلدى.

بايقاۋدا جۇمىستىڭ كورمە نوميناسياسىنا سايكەستىگى، جۇمىستىڭ ورىندالۋ ساپاسى جانە كوركەمدىك دەڭگەيى، ۇلتتىق داستۇرلەردى ساقتاۋ جانە قولدانۋى سەكىلدى ولشەمدەرمەن باعالاندى. قازىلار القاسىنىڭ قاتاڭ قاداعالاۋىنان وتكەن جۇمىستار ءوز دەڭگەيىنە قاراي باعاسىن الدى. ناتيجەسىندە، «باس جۇلدە» جانە وبلىستىق بايقاۋعا جولداما «ءۇمىت» سارايىنىڭ وقۋشىلارى – «قاعازدى كوركەمدەپ وڭدەۋ» نوميناسياسى بويىنشا ەلدانا قازىبەكوۆا، «باتيك» نوميناسياسى بويىنشا فاتيما رىزايەۆا، «شىنىنى كوركەمدەپ وڭدەۋ» نوميناسياسى بويىنشا گۇلنۇر مىرزاحان، «كەستە» نوميناسياسى بويىنشا فاتيما لاتيفوۆا يەلەندى.

ال، I ورىنعا «كەستە» نوميناسياسى بويىنشا «وركەن» شىعارماشىلىق ورتالىعىنىڭ وقۋشىسى اياجان تورەباي، №20 مەكتەپتەن «كيىز» نوميناسياسى بويىنشا ۆيكتوريا شيحاۆسوۆا، «اعاش» نوميناسياسى بويىنشا №14 مەكتەپتەن بەيبارىس تىلەك ۇلى، «تەرى» نوميناسياسى بويىنشا №13 مەكتەپتەن مەيىرلان مەيىرحان، «تاسقا سۋرەت سالۋ» نوميناسياسى بويىنشا №35 مەكتەپتەن ايمان بازاربايلار لايىق دەپ تانىلدى.

سونداي-اق، بايقاۋ قورىتىندىسى بويىنشا وزگە دە جۇلدەلى ورىندارعا يە بولعان ونەرى جاستاردىڭ جۇمىستارى انىقتالىپ، ماراپاتتالدى.