1. ستاندارتتاۋ
جۇمىس ءبىر داعدىعا تۇسكەن كەزدە ماقساتىڭىز ارقىلى مۇمكىندىكتەرگە يە بولاسىز. ناتيجەلى ءىس اتقارا الاسىز. جۇمىسىڭىزدى ستاندارتقا كەلتىرۋ ءۇشىن ءار قادامىڭىزدى جازىپ، بارىنشا جاقسارتۋعا بولادى.
«كايزەن» ءادىسىنىڭ نەگىزى 5 نەگىزگى ەلەمەنتتەردەن تۇرادى: «5 S» —
• Seiri — ۇقىپتىلىق
• Seiton — رەتتىك
• Seiso — تازالىق
• Seiketsu — ستاندارتتاۋ
• Shitsuke — ءتارتىپ
سوندىقتان دا بۇل جەردە ستاندارتتاۋدىڭ ماڭىزى زور. ىستەگى جانە ويداعى جۇيەلىلىك پەن تۇراقتىلىق ءادىستىڭ جاقسارۋىنا ىقپال ەتەدى.
2. ولشەۋ
جاسالىناتىن جۇمىس شەگىمەن ولشەنىپ، ناقتى ءبىر جۇيەگە تۇسكەن كەزدە تەزىرەك ناتيجەگە جانە تۇراقتىلىققا اينالادى.
جۇمىس پەن ومىردە جاسالىناتىن ءىس ولشەممەن جانە تۇراقتىلىقپەن بولعانى ابزال. كۇندەلىكتى بىتپەيتىن جۇمىس ءسىزدى اقىر سوڭىندا جالىقتىرىپ، مۇلدە توقتاتىپ تاستاۋعا اكەلىپ سوعادى.
3. ءوندىرۋ
ءادىستىڭ تاعى ءبىر ەرەكشەلىگى ءوندىرۋ. ءوزىڭىز ءۇشىن عانا ەمەس، وزگەلەر ءۇشىن دە جاڭا دۇنيەنى ءوندىرۋ. كايدزەندەگى باستى ماقساتتىڭ ءبىرى ۇزدىكسىز دامۋ مەن ميداعى رەتتىلىك. ميدى قوقىستان تازارتىپ، وي جۇيەلەنگەن كەزدە ءارىقارايعى قادام انىق بولادى.
4. تازارتۋ
ستاندارتقا ۇيرەنىسكەن ادام ءوز ءىسىن سۇزگىدەن وتكىزىپ، جەدەل تۇردە ناقتىلىققا داعدىلاناتىن بولادى.
كۇندەلىكتى جاساۋ كەرەك دەپ تابىلعان ىستەردىڭ ىشىنەن ناقتى ەكى-ۇش مىندەتكە عانا فوكۋس جاساۋ قاجەت. تاڭنان تۇرا سالىسىمەن سول كۇنگى جوسپاردى قاعازعا ءتۇسىرىپ، ويداعى شاشىراڭقىلىقتى رەتتەۋگە تىرىسىڭىز.
پىكىر قالدىرۋ