قارجى ءمينيسترى ءاليحان سمايلوۆ ايەلدەردىڭ زەينەت جاسىن تومەندەتۋ تۋرالى ۇسىنىسقا قاتىستى پىكىر ءبىلدىردى، Qamshy.kz اقپارات اگەنتتىگى.

بۇل كۇندەرى قازاقستاندىق ايەلدەر زەينەتكە 59 جاسىندا شىعادى. ۇلتتىق قوعامدىق سەنىم كەڭەسىنىڭ العاشقى وتىرىسىندا جانىبەك قوجىق ايەلدەردى زەينەت دەمالىسىنا ەرتە شىعارۋ باستاماسىن كوتەرگەن بولاتىن. 

"ءبىز بۇل ۇسىنىس تۋرالى ەستىدىك. الايدا بۇكىل الەمدە كەرى ءۇردىس ءجۇرىپ جاتىر. ادامداردىڭ ءومىر ءسۇرۋ دەڭگەيى مەن ۇزاقتىعى جوعارىلاۋدا. سايكەسىنشە ايەلدەر زەينەتكە 65-67 جاستا شىعادى. بىزدە دە ءومىر ۇزاقتىعى مەن 65 جاستان اسقان تۇرعىنداردىڭ سانى ارتىپ كەلەدى. ەگەر زەينەتاقى جۇيەسىنىڭ تۇراقتى، زەينەتكەرلەرلە لايىقتى ءومىر قامتاماسىز ەتەتىندەي دەڭگەيدە بولعانىن قالاساق، وندا تۇتاس جۇيەنىڭ ورنىقتىلىعىن ويلاۋىمىز قاجەت" – دەدى ءاليحان سمايلوۆ ءماجىلىس قابىرعاسىندا.

قازاقستاندا بۇگىندە ايەلدەردىڭ زەينەت جاسى بىرتىندەپ 63 جاسقا دەيىن كوتەرىلىپ كەلەدى. ءتيىستى زاڭ بىلتىر ەنگىزىلگەن بولاتىن.