ەلباسى نۇرسۇلتان نازاربايەۆ ەلىمىزدەگى مەكتەپكە دەيىن تاربيەلەۋ ىسىنە ايرىقشا نازار اۋدارىپ، كەلەر جىلى بۇلدىرشىندەردى بالاباقشامەن قامتۋ ماسەلەسىن تۇبەگەيلى شەشۋدى تاپسىرعانى ەستە. وسى ورايدا ت.رىسقۇلوۆ اۋدانىندا جەكەمەنشىك بالالاردىڭ سانى ارتىپ كەلەدى. جاقىندا عانا اشىلعان «Aziza» بوبەكجاي بالاباقشاسى ايماقتاعى توعىزىنشى جەكە مەنشىك بالاباقشا بولىپ تابىلادى، دەپ جازادى Qamshy.kz اقپارات اگەنتتىگى.
ت.رىسقۇلوۆ اۋدانى جۇرتشىلىعىنا «بالاپان» باعدارلاماسىنىڭ شاراپاتىن سەزىنۋگە مۇمكىندىك بەرگەن جەكە كاسىپكەر سەرىكباي دالىبايەۆتىڭ دەمەۋشىلىگىمەن جاقىندا عانا «Aziza» بوبەكجاي بالاباقشاسى پايدالانۋعا بەرىلدى. مۇندا 75 قۇلاندىق ءبۇلدىرشىن مەكتەپكە دەيىنگى تاربيە جۇمىستارىمەن قامتىلاتىن بولادى.
–بوبەكجاي بالاباقشادا بۇلدىرشىندەر مەكتەپكە دەيىنگى تاربيە جۇمىستارىنا تارتىلىپ قانا قويماي ءتۇرلى ۇيىرمەلەر ارقىلى وزدەرىنىڭ شىعارماشىلىق قابىلەتتەرىن شىڭدايدى. سونداي-اق بالاباقشا تاربيەلەنۋشىلەرىن ارنايى ماماندار سپورتقا دا باۋليدى. بۇل شارالار بۇلدىرشىندەردى سپورتقا باۋلۋدى تەتىگى رەتىندە قاراستىرىلىپ وتىر، –دەيدى بوبەكجاي بالاباقشاسىنىڭ مەڭگەرۋشىسى امينا يۋلداشيەۆا.
الداعى ۋاقىتتا اۋداندا تاعى ءبىر جەكەمەنشىك بالاباقشانىڭ اشىلۋىمەن ايماقتاعى مەكتەپكە دەيىنگى تاربيە بەرۋ مەكەمەلەرىمەن قامتۋ ماسەلەسى 100 پايىز شەشىمىن تاپپاق.
ايتپاقشى بالاباقشا ماسەلەسى تۇبەيگەلى شەشىلگەلى تۇرعان اۋدان تۇرعىندارى جاستار جىلى قارساڭىندا تاعى ءبىر تىندىرىمدى تىرلىكتىڭ كۋاگەرى اتاندى. اۋدانداعى اباي اۋىلدىق وكرۋگىندە «جاستار جىلىنا» وراي جاستار ورتالىعى پايدالانۋعا بەرىلدى. اتالمىش ورتالىق جاستاردىڭ بوس ۋاقىتىن ءتيىمدى ۇيىمداستىرۋدا سپورتتىق ۇيىرمەلەر مەن قاتار شىعارماشىلىققا باۋلۋ جۇمىستارىن جۇرگىزەدى. ارا تۇرا مۇندا جاستارعا ارنالعان ءتۇرلى فورماتتاعى ءىس شارالار تۇراقتى وتكزىلىپ تۇرادى.
اۋىل تۇرعىندارى دا وسىناۋ عيماراتتىڭ پايدالانۋعا بەرىلۋىن ەرەكشە قۋانىشپەن قابىلداپ ونىڭ اينالاسىن تازالاۋ، كوگەرىشتەندىرۋ جۇمىستارىنا ءوز ەرىكتەرىمەن ۇلەس قوسقان. ەلدى مەكەندەگى ورتا مەكتەپتى 20 جىل بۇرىن ءتامامداعان تۇلەكتەر ورتالىق ماڭىنا شىرشا اعاشتارى كوشەتتەرىن وتىرعىزعان ەكەن.
بۇل يگى شارالار تۇرار رىسقۇلوۆ اۋدانىنداعى مەملەكەتتىك جاستار ساياساتى مەن ءبىلىم بەرۋ ىسىنە ايرىقشا كوڭىل ءبولىنىپ كەلە جاتقاندىعىن ايعاقتايدى.
پىكىر قالدىرۋ