بۇگىندە ەلباسىنىڭ «بولاشاققا باعدار: رۋحاني جاڭعىرۋ»، «ۇلى دالانىڭ جەتى قىرى» باعدارلامالىق ماقالالارىنان تۋىنداعان مىندەتتەردى ىسكە اسىرۋ ماقساتىندا وقۋشىلاردى وڭىردەگى ولكەتانۋ مۋزەيلەرىمەن تانىستىرۋ جۇمىستارى قولعا الىندى. سايكەسىنشە قۇلاندىق وقۋشىلار دا اۋداندىق ولكەنتانۋ مۋزەيىندە بولىپ ونداعى جادىگەرلەر ارقىلى ايماق تاريحىنا قاتىستى كوپتەگەن تىڭ دەرەكتەر قانىقتى، دەپ جازادى Qamshy.kz اقپارات اگەنتتىگى.
تۇرار رىسقۇلوۆ اۋداندىق مۋزەيى 1983 جىلدان بەرى جۇمىس جاسايدى.
–مۇنداعى 9557 جادىگەر ءۇش ەكسپوزيسيالىق زالعا ورنالاسقان. مۋزەيگە كەلۋشىلەرگە ارحەولوگيالىق، ەتنوگرافيالىق، تاريحي زالدار قىزمەت كورسەتەدى. جادىگەرلەردىڭ دەنى وڭىردەگى تاريحي قۇلان قالاشىعىندا جۇرگىزىلگەن ارحەولوگيالىق قازبا جۇمىستارى كەزىندە تابىلعان بۇيىمدار جانە تۇرمىستىق زاتتاردان تۇرادى. سونداي-اق مۇراجايدا ۇلى وتان سوعىسى تاريحىنان حابار بەرەتىن جادىگەرلەر، اۋدانداعى سوعىس ارداگەرلەرىنىڭ قۇجاتتارى مەن ماراپاتتارى لايىقتى ورىن العان.
اۋدانىمىز اتىن يەلەنگەن قازاقتىڭ اسىل پەرزەنتى تۇرار رىسقۇلوۆقا ارنايى ەكسپوزيسيا دا جاساقتالعان.ءقازىر مۋزەيگە ولكە تاريحىمەن تانىسۋعا قۇشتار مەكتەپ وقۋشىلارىنىڭ كوپتەپ ات باسىن بۇرۋدا، –دەيدى اۋداندىق مۋزەي مەڭگەرۋشىسى ەسنازار قۇرىمبايەۆ.
ءوز كەزەگىندە وقۋشىلار دا مۋزەيدەگى ساپاردىڭ ولكە تاريحىن تانۋعا زور سەپتىگىن تيگىزەتىندىگىن العا تارتادى.
–ءبىز سىنىپتاستارىمىزبەن بىرگە مۋزەيدىڭ ارحەولوگيالىق، ەتنوگرافيالىق، جانە تاريحي زالدارىن ارالاي ءجۇرىپ، اۋدان تاريحىنا قاتىستى مول مالىمەتتەرمەن تانىستىق. اسىرەسە ەجەلگى قۇلان قالاشىعىنىڭ جىبەك جولى بويىنداعى ءىى-حىى عاسىرلارعا جاتاتىن وزگە حان سارايلارىىنىڭ ماكەتتەر، «قۇلان توبەدەن» تابىلعان تۇرمىستىق زاتتار مەن تاس مۇسىندەر ەرەكشە اسەر ەتتى. ال ەتنوگرافيا زالىندا سمايل ىرعالبەكوۆ اعامىزدىڭ قولىنان شىققان اشەكەيلەردىڭ جاسالۋ تاسىلىنە قىزىعا قارادىق. مۋزەيگە ءار جىلدارى مەكتەپ وقۋشىلارىنىڭ قولىمەن تاپسىرىلعان جادىگەرلەردىڭ قويىلۋى دا بىزگە اۋدان تاريحىنا اسقان ىجداھاتتىلىقپەن قاراۋدى ۇندەگەندەي بولدى. ەڭ باستىسى ەرتە زاماندار مەن وتكەن عاسىرلاردا عۇمىر كەشكەن اتا-بابالارىمىزدىڭ كۇندەلىكتى تۇتىنعان زاتتار سول داۋىرلەردىڭ كۋاگەرى بولىپ ءبىزدىڭ زامانىمىزعا جەتكەن، –دەيدى ت.رىسقۇلوۆ اۋدانىنداعى №2 شاعىن ورتالىقتى ورتا مەكتەبىنىڭ وقۋشىسى ارۋجان بايعۇتتى.
