الماتىداعى دوستىق ۇيىندە وتكەن رەسپۋبليكالىق فورۋمنىڭ كۇن تارتىبىندە قازاقستان حالىقتارى اسسامبلەياسى قوعامدىق كەلىسىم كەڭەستەرىنىڭ قازاقستاندىقتاردىڭ ءومىر ءسۇرۋ ساپاسىن جاقسارتۋداعى ءرولى تۋرالى ايتىلدى.
فورۋمنىڭ جۇمىسىن اشقان الماتى قالاسىنىڭ اكىمى، الماتىداعى قحا-نىڭ ءتوراعاسى باقىتجان ساعىنتايەۆ قوعامدا بەيبىتشىلىك پەن كەلىسىمدى قامتاماسىز ەتۋدە اسسامبلەيانىڭ ءرولىن ەرەكشە اتاپ ءوتتى.
«الماتىدا 100-دەن استام ەتنوس وكىلدەرى تۇرادى. قالادا 19 رەسپۋبليكالىق جانە 37 قالالىق ەتنومادەني بىرلەستىكتەردىڭ وفيستەرى ورنالاسقان. ءتىپتى، الماتىدا 10 ەتنيكالىق ب ا ق تىركەلىپ، جۇمىستارىن جۇرگىزۋدە، ەتنومادەني بىرلەستىكتەر جانىندا ءۇش ۇلتتىق تەاتر جانە 27 شىعارماشىلىق ۇجىمدار بار»، – دەدى الماتى اكىمى.
سونىمەن قاتار، ول ازاماتتاردىڭ تۋعان تىلدەرىندە سويلەيتىنىن، وزدەرىنىڭ مادەنيەتى مەن داستۇرلەرىن ساقتايتىنىن، وزدەرىنىڭ ءداستۇرلى دىندەرىن ەركىن ۋاعىزدايتىنىن اتاپ ءوتتى.
بۇلاردان وزگە، ب. ساعىنتايەۆ اسسامبلەيا قۇرىلىمىنداعى قوعامدىق كەلىسىم كەڭەستەرىنىڭ ماڭىزدى ءرولىن باسا كورسەتتى.
«ولار قوعامدىق باقىلاۋ مىندەتىن اتقارۋدا، حالىقتى تولعاندىراتىن ماسەلەلەردى قاراۋدا، قوعامدىق ماڭىزدى شارالاردى ۇيىمداستىرۋدا، قايىرىمدىلىقتى، مەسەناتتىقتى، مەدياسيانى دامىتۋ ماسەلەلەرىمەن اينالىسۋدا. بۇل جۇمىستار ۇكىمەتتىك ەمەس ۇيىمدارمەن جانە جاستار بىرلەستىكتەرىمەن، ءدىني كونفەسسيالار وكىلدەرىمەن، ب ا ق جانە ءتۇرلى مەملەكەتتىك ۇيىمدارمەن ىنتىماقتاستىق اياسىندا جۇزەگە اسۋدا»، – دەپ اتاپ ءوتتى قالا باسشىسى.
ايتا كەتەرلىگى، فورۋم بارىسىندا قازاقستاندىقتاردىڭ ءومىر ءسۇرۋ ساپاسىن ارتتىرۋ مەن ءال-اۋقاتىن جاقسارتۋعا باعىتتالعان مىندەتتەردى ورىنداۋدا قوعامدىق كەلىسىم كەڭەستەرىنىڭ جۇمىسى تالقىلاندى.
«مەملەكەت باسشىسى قازاقستان حالقىنا جولداۋىندا قوعامداعى جۇيەلى وزگەرىستەرگە، سونىڭ ىشىندە حالىقتىڭ تابىسىن ارتتىرۋ مەن الەۋمەتتىك پروبلەمالاردى شەشۋگە باعىتتالعان ستراتەگيالىق مىندەتتەردى قويدى. پرەزيدەنت اتاپ وتكەندەي، «ءبىزدىڭ ورتاق مىندەتىمىز – ازاماتتاردىڭ بارلىق ماڭىزدى وتىنىشتەرىنە جەدەل ءارى ەرەكشە نازار اۋداراتىن «ەستي الاتىن مەملەكەت» قالىپتاستىرۋ.تەك بيلىك پەن قوعام اراسىندا تۇراقتى ديالوگ جۇرگىزۋ ارقىلى زاماناۋي گەوساياسات ماتىنىنە نەگىزدەلگەن ۇيلەسىمدى مەملەكەت قۇرۋعا بولادى»، – دەدى الماتى اكىمى.
ب. ساعىنتايەۆ قوعامدى تولعاندىرىپ وتىرعان بارلىق ماسەلەلەر بويىنشا ناقتىلى جوسپار جاسالعانىن، ولار مەديسينانى، ءبىلىمدى، قاۋىپسىزدىك پەن الەۋمەتتىك قولداۋدى دامىتۋ ەكەنىن اتاپ ءوتتى.
«قالا باسقارمالارىنىڭ باسشىلارى جانە اۋداندار اكىمدەرى حالىقپەن كەرى بايلانىس جاساۋ ءۇشىن الەۋمەتتىك جەلىلەردە اككاۋنتتار اشۋمەن قاتار، اشىق ەسىك كۇندەرىن تۇراقتى وتكىزىپ كەلەدى. نازارعا الىنباعان ءاربىر ءوتىنىش ءۇشىن ءبىرىنشى باسشىلار جەكە جاۋاپكەرشىلىككە تارتىلادى. كادرلىق شەشىمدەر ەڭ الدىمەن ولاردىڭ تۇرعىندارمەن جۇمىس جۇرگىزۋ باعاسى نەگىزىندە جۇرگىزىلەتىن بولادى»، – دەپ اتاپ ءوتتى ول.
ب. ساعىنتايەۆ الماتىنى دامىتۋدا جەتى ستراتەگيالىق باعىتتى اتاپ ءوتتى:
- الماتى مادەنيەت پەن وركەنيەت تۇيىسكەن الەمدىك قالا بولۋى، قالا تۇرعىندارىنىڭ ءومىر ءسۇرۋ ساپاسى مەن ەكونوميكالىق مۇمكىندىكتەرى بويىنشا 100 مەگاپوليستەر توپىنا ەنۋى ءتيىس.
- باستامالار قالاسى. جەرگىلىكتى جەرلەردەگى پروبلەمانى شەشۋ تۇرعىنداردىڭ بەلسەندىلىگىن قاجەت ەتەدى. پروبلەمانىڭ 90%-ى تۇرعىنداردىڭ باستاماسى بويىنشا جەرگىلىكتى جەردە شەشىمىن تابۋى ءتيىس.
- ىسكەرلىك استانا. ينۆەستيسيانى، تەحنولوگيانى جانە تالانتتاردى تارتۋدىڭ ورتالىعى.
- مادەني استانا. ءبىلىمنىڭ، تۇرمىستىڭ جانە بۇقارالىق مادەنيەتتىڭ جوعارى دەڭگەيىنىڭ ستاندارتتارى مەن ءسانىن كورسەتە الاتىن ەرەكشە زاماناۋي قالا.
تاعى ءبىر ماڭىزدى باعىت الماتىنى ەتنيكاارالىق كەلىسىم مەن ءدىنيارالىق ءوزارا تۇسىنىستىك ورتالىعى رەتىندە دامىتۋ.
«ەتنيكاارالىق كەلىسىم مەن ءدىنيارالىق ءوزارا تۇسىنىستىكتى نىعايتۋدى جالعاستىرامىز، قالامىزداعى بارلىق ەتنيكالىق توپتاردىڭ تىلدەرى مەن مادەنيەتىن دامىتۋعا جاعداي جاسايمىز، قازاق ءتىلىنىڭ ۇلتارالىق قاتىناس تىلىنە دەيىنگى ءرولىن كۇشەيتەمىز، ۇەۇ-دىڭ بەدەلىن ارتتىرامىز»، – دەپ اتاپ ءوتتى اكىم.
فورۋمنىڭ جۇمىسىنا قازاقستان حالقى اسسامبلەياسى ءتوراعاسىنىڭ ورىنباسارى – حاتشىلىق مەڭگەرۋشىسى ج. تۇيمەبايەۆ، ق ر پارلامەنتىنىڭ دەپۋتاتتارى، اسسامبلەيا كەڭەسىنىڭ، قوعامدىق كەلىسىم كەڭەسىنىڭ، قحا عىلىمي-ساراپتاما كەڭەسىنىڭ مۇشەلەرى، مەملەكەتتىك ورگانداردىڭ جانە ەتنومادەني بىرلەستىكتەردىڭ وكىلدەرى قاتىستى.
پىكىر قالدىرۋ