م.ح.دۋلاتي اتىنداعى تاراز مەملەكەتتىك ۋنيۆەرسيتەتىندە «تاريحي تۇلعالار: تاريحي-رۋحاني ساباقتاستىق» تاقىرىبىندا حالىقارالىق عىلىمي-پراكتيكالىق كونفەرەنسيا بولدى. وتاندىق تاريح عىلىمىنىڭ بەلگىلى عالىمدارى قاتىسقان جيىندا وزگە مەملەكەتتىڭ تاريحشىلارى دا قاتىسىپ، قازاق تاريحىنا قاتىستى تىڭ دەرەكتەرىمەن ءبولىستى، دەپ جازادى Qamshy.kz اقپاراتتىق اگەنتتىگى. 

ەلباسىنىڭ «بولاشاققا باعدار:رۋحاني جاڭعىرۋ»، «ۇلى دالانىڭ جەتى قىرى» ماقالالارىنىڭ نەگىزگى وزەگى تاريحتى تانۋ ارقىلى وتكەننەن ساباق الۋدى كوزدەيتىنى جاسىرىن ەمەس. بۇگىندە قازاق شەجىرەسىندەگى كەي جۇزدەرگە رۋ رەتىندە ەنگىزىلگەن كەي تايپالالىق وداقتاردىڭ قازاق ەتنونيمى پايدا بولعانعا دەيىن ءىرى مەملەكەت بولعانىنا تاريح. ءتىپتى ولاردىڭ ەۋرازيا مەملەكەتتەرىندەگى گەوساياسي جاعدايعا ىقپالى وتە زور بولعان.

بۇل تاقىرىپ توڭىرەگىندە «تاريحي تۇلعالار: تاريحي-رۋحاني ساباقتاستىق» تاقىرىبىندا حالىقارالىق عىلىمي-پراكتيكالىق كونفەرەنسيا قاتىسۋشىلارى مول مالىمەتتەرىمەن ءبولىستى. كونفەرەنسيا جۇمىسىنا مەملەكەت جانە قوعام قايراتكەرى، ومىربەك بايگەلدى، قازاقستان جازۋشىلار وداعىنىڭ مۇشەسى، فيلولوگيا عىلىمدارىنىڭ دوكتورى، پروفەسسور مەكەمتاس مىرزاحمەت ۇلى، شىعىستانۋ ينستيتۋتىنىڭ ديرەكتورى، فيلولوگيا عىلىمدارىنىڭ دوكتورى، پروفەسسور دەربىسالى ءابساتتار ، ق ر ۇعا قۇرمەتتى اكادەميگى، تالاس وماربەكوۆ سىندى بەلگىلى تاريحشىلار مەن قوعام قايراتكەرلەرى قاتىستى.

سونداي-اق شاراعا ارنايى قاتىسقان بولگاريا، رەسەي، وزبەكستاننىڭ شىعىستانۋشى عالىمدارى قازاق حالقىنىڭ ەتنيكالىق تاريحى، سونىڭ ىشىندە دۋلات تايپاسى مەن ۇلى بابالارىمىزدىڭ مۇراسىنا قاتىستى زەرتتەۋ جۇمىستارىنىڭ ناتيجەسىن ورتاعا سالدى. ماسەلەن چۋۆاشيا عىلىم اكادەمياسىنىڭ اكادەميگى، رەسەي، چۋۆاش جازۋشىلار وداعىنىڭ مۇشەسى ءابدۋقادىر داۋىتبەك ءوز عىلىم زەرتتەۋلەرىندە دۋلات تايپاسىنىڭ تەرەڭنەن تامىر تارتاتىن تاريحىمەن بىرگە ولاردىڭ كەيىنگى ۇرپاقتارىنىڭ ەۋرازيا دالاسىنداعى ءبىرقاتار مەملەكەتكە باسشىلىق ەتىپ، كارى قۇرلىقتاعى گەوساياساتتا ىقپالدى تۇلعالار بولعاندىعىن ايعاقتايدى.

سايكەسىنشە قازاقستاندىق تاريحشى عالىمداردا ۇلى بابالارىمىز جايىنداعى مول دەرەكتەردىڭ ءبىرقاتار شەتەلدىك مۇراعاتتاردا ساقتالعانىن ايتىپ، ونى زەرتتەۋ جۇمىستارىنا جان بىتىرۋدەگى ەلباسى نۇرسۇلتان نازاربايەۆتىڭ «ۇلى دالانىڭ جەتى قىرى» ماقالاسىنداعى «ارحيۆ 2025» باعدارلاماسىنىڭ مۇمكىندىكتەرىنە كەڭىنەن توقتالدى.