بيىل زايسان اۋدانىندا 338 جاڭا جۇمىس ورنى اشىلدى. بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە زايسان اۋدانىنىڭ اكىمى سەرىك اقتانوۆ ءمالىم ەتتى.

– اۋدان تۇرعىندارىنىڭ ورتاشا ايلىق جالاقىسى 124906 تەڭگەنى قۇرايدى، – دەدى سەرىك اقتانوۆ.  

اعىمداعى جىل باسىنان بەرى اۋدانداعى جۇمىسپەن قامتۋ ورتالىعى ماماندارىنىڭ كومەگىنە 1478 ادام جۇگىنگەن. ونىڭ ىشىندە 969 ەڭبەكپەن قامتاماسىز ەتىلگەن. اۋداندا 2017-2021 جىلدار ارالىعىندا حالىقتى جۇمىسپەن قامتۋعا باعىتتالعان «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ مەملەكەتتىك باعدارلاماسى ءۇش باعىتتا جۇزەگە اسىرىلۋدا.

اتالعان باعدارلامانىڭ ءبىرىنشى باعىتى بويىنشا 95 ادام قىسقا مەرزىمدى كاسىپتىك وقۋدان ءوتتى، بۇل ماقساتقا 15،1 ملن. تەڭگە قاراستىرىلعان.

ال ەكىنشى باعىت بويىنشا جاپپاي كاسىپكەرلىكتى دامىتۋ ماقساتىندا «باستاۋ-بيزنەس» جوباسى ارقىلى 129 ادام وقىتۋعا جولداما الىپ، بارلىق قاتىسۋشى سەرتيفيكاتتارعا يە بولدى.