ەلىمىزدىڭ مەملەكەتتىك قارىزى اعىمداعى جىلدىڭ 1 شىلدەسىندەگى جاعداي بويىنشا 15 ترلن تەڭگەنى قۇرايدى. قازىرگى تەڭگەنىڭ دوللارعا قاتىستى باعامىنا سايكەس، مەملەكەت قارىزى 40 ملرد دوللار.

ۆەدومستۆونىڭ ناقتىلانعان اقپاراتى بويىنشا 12 ترلن تەڭگە (31 ملرد دوللار) ۇكىمەتتىك قارىز: ىشكى – 6،7 ترلن تەڭگە (17 ملرد دوللار)، سىرتقى – 5،4 ترلن تەڭگە (14 ملرد دوللار).

قارجى مينيسترلىگىندە ۇكىمەتتىك قارىز رەسپۋبليكالىق بيۋدجەت قاراجاتىنان وتەلەتىنىن اتاپ ءوتتى.

بۇگىندە قازاقستانعا تەك گرۋزيا قارىز. بۇل سوما 25،4 ملن دوللاردى قۇراپ وتىر.

ەستەرىڭىزگە سالا كەتەيىك، وتكەن جىلدىڭ ناۋرىز ايىندا رەسپۋبليكانىڭ كۋمۋلياتيۆتى مەملەكەتتىك قارىزى 14،8 ترلن تەڭگەنى قۇرادى، بۇل ءبىر جىل بۇرىنعى كورسەتكىشپەن سالىستىرعاندا 20 پايىزعا ارتىق.

Tengrinews.kz