ەكى كۇننەن بەرى جەزقازعانداعى كوممۋنالدىق قىزمەتتەر ءۇيتاس-ايدوس سۋ جيناعىشىنان قالاعا تارتىلعان قۇبىرداعى اپاتتىڭ سالدارىن جويۋمەن اينالىسۋدا دەپ جازادى Qamshy.kz اقپارات اگەنتتىگى. 

كەشە قالا اكىمى ق.بەگىموۆ اپات سالدارى بۇگىن جويىلىپ، قالاعا سۋ بەرىلەتىنىن ايتقان بولاتىن. الايدا بۇگىن اكىم ءوز پاراقشاسىندا قالپىنا كەلتىرۋ جۇمىستارىنىڭ ءالى جالعاسىپ جاتقانىن حابارلادى.

ەستەرىڭىزگە سالساق، كەشە قاراعاندى وبلىسىنىڭ اكىمى ج.قاسىمبەك ق.بەگىموۆكە سوگىس جاريالادى.

ال، وبلىستىڭ جاڭا اكىمى جەڭىس قاسىمبەك اپات تۋرالى بىلاي جازدى.

"جەزقازعان سۋ قۇبىرىن جوندەۋ كەزىندە قۇبىر جارىلىپ كەتكەنىن ءبىلىپ وتىرمىن. سوڭى اۆارياعا ۇلاسقان. جەلىنىڭ جالپى ۇزىندىعى – 60 كم ەكەن. اپات قالادان 25 شاقىرىم جەردە بولعان. بۇعان  50 جىل بۇرىن سالىنعان قۇبىردىڭ ابدەن توزۋى سەبەپ بولىپ وتىر.
ءدال قازىرگى ۋاقىتتا 389 كوپ قاباتتى ۇيدە سۋ جوق. سۋ 3 قاباتتان جوعارى ورنالاسقان پاتەرلەرگە تۇسپەيدى. تۇرعىندارعا تاۋلىك بويى سۋ تاسىمالداۋ ۇيىمداستىرىلدى.
ءقازىر جوندەۋ ءارى قالپىنا كەلتىرۋ جۇمىستارى جۇرگىزىلۋدە. بارلىق قاجەتتى تەحنيكا مەن ماماندار تارتىلدى. سونداي-اق مەنىڭ ورىنباسارىم ەرماعانبەت بولەكپايەۆ، جەزقازعان قالاسىنىڭ اكىمى قايرات بەگىموۆ پەن ءتيىستى ماماندار اپات ورنىندا ءجۇر بۇل جاعداي مەنىڭ تۇراقتى باقىلاۋىمدا ەكەنىن جەتكىزگىم كەلەدى"،- دەپ جازدى جەڭىس قاسىمبەك ءوزىنىڭ فەيسبۋك پاراقشاسىنا.