قازاقستاندا گاۋھار قوندىرماسى بار "كوشپەندىلەردىڭ عيبادات جانۋارلارى - توتەمدەرى" مونەتالار سەرياسىنان "ÚKI" كوللەكسيالىق مونەتالارىن اينالىمعا شىقتى دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.
قازاقستان رەسپۋبليكاسىنىڭ ۇلتتىق بانكى 2019 جىلعى 2 قازاندا نومينالى 5 000 جانە 500 تەڭگەلىك كۇمىستەن، نومينالى 200 جانە 100 تەڭگەلىك مەلحيور قوسپاسىنان "كوشپەندىلەردىڭ عيبادات جانۋارلارى - توتەمدەرى" مونەتالار سەرياسىنان "ÚKI" كوللەكسيالىق مونەتالارىن اينالىسقا شىعارادى.
"بۇل مونەتا "كوشپەندىلەردىڭ عيبادات جانۋارلارى - توتەمدەرى" مونەتالار سەرياسىن جالعاستىرادى. بۇل سەرياداعى مونەتالار ديزاينى بەينەلەنەتىن جانۋاردىڭ ناتۋراليستىك جانە ترافارەتتىك ءتۇرىن "ساق جانۋار ستيلىنە" اللەگوريالىق تۇرعىدان ۇيلەستىرىپ كورسەتۋگە نەگىزدەلگەن. ۇكى كوپتەگەن مادەنيەتتە دانالىق، ءبىلىم، جاسىرىن مۇمكىندىكتەر مەن بىرەگەي پايىم نىشانى بولىپ تابىلادى.
كوشپەندىلەر ۇكىنى قاسيەتتى قۇس دەپ ەسەپتەگەن. بۇل نانىم ۇكىنىڭ ادامداردى جىننان كۇزەتۋگە ىقپال ەتەتىن، دانالىقتى پاش ەتەتىن قۇس رەتىندەگى ءرولىن تۇسىنۋگە بايلانىستى"، - دەلىنگەن ۇلتتىق بانك حابارلاماسىندا.
نومينالى 5 000 جانە 500 تەڭگەلىك "ÚKI" مونەتالارى التىنداتۋ تەحنولوگياسىن قولدانا وتىرىپ كۇمىستەن جاسالعان جانە گاۋھار قوندىرماسى بار. مونەتالاردىڭ بەت جانە سىرت جاقتارىنداعى بەينەلەر بىردەي. مونەتالاردىڭ بەت جاعىندا (اۆەرسىندە) ۇلتتىق ويۋ-ورنەكتىڭ قورشاۋىندا قازاقستان تەڭگە سارايىنىڭ تاۋار بەلگىسى جانە مونەتا دايىندالعان مەتالدى، ونىڭ سىنامىن جانە ماسساسىن بىلدىرەتىن دەگەن جازبا بەينەلەنگەن.
مونەتانى اينالدىرا "QAZAQSTAN RESPÝBLIKASY" جانە "REPUBLIC OF KAZAKHSTAN" دەگەن جازبالار بار. مونەتالاردىڭ سىرت جاعىندا (ريەۆەرسىندە) گاۋھار قوندىرماسى بار ۇكىنىڭ باسىنىڭ ناتۋراليستىك جانە ترافارەتتىك بەينەسىنەن كومپوزيسيا، مونەتانىڭ جوعارى بولىگىندە "ÚKI" دەگەن جازبا ورنالاسقان. مونەتانى اينالدىرا دەكوراتيۆتىك رەسىمدەۋ ەلەمەنتتەرى بار ۇلكەن جيەك جۇرگىزىلگەن.
نومينالى 200 جانە 100 تەڭگەلىك "ÚKI" مونەتالارى من25 ساپالى مەلحيور قوسپاسىنان "رrووf-like" جانە "brilliant uncirculated" ساپاسىمەن دايىندالعان. "رrووf-like" دايىنداۋ ساپاسىمەن مونەتادا التىنداتۋ تەحنولوگياسى قولدانىلعان. مونەتالاردىڭ بەت جاعىندا (اۆەرسىندە) ۇلتتىق ويۋ-ورنەكتىڭ قورشاۋىندا سوعىلعان جىلى، نومينالى، قازاقستان تەڭگە سارايىنىڭ تاۋار بەلگىسى بەينەلەنگەن.
مونەتانى اينالدىرا "QAZAQSTAN RESPÝBLIKASY" جانە "REPUBLIC OF KAZAKHSTAN" دەگەن جازبالار بار. مونەتالاردىڭ سىرت جاعىندا (ريەۆەرسىندە) ۇكىنىڭ باسىنىڭ ناتۋراليستىك جانە ترافارەتتىك بەينەسىنەن كومپوزيسيا، مونەتانىڭ جوعارى بولىگىندە "ÚKI" دەگەن جازبا ورنالاسقان. مونەتانى اينالدىرا دەكوراتيۆتىك رەسىمدەۋ ەلەمەنتتەرى بار ۇلكەن جيەك جۇرگىزىلگەن. مونەتالار كوللەكسيالىق قۇنى بويىنشا ساتۋعا ارنالعان.
"نومينالى 5 000، 500، 200 جانە 100 تەڭگەلىك كوللەكسيالىق مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا، سونداي-اق بانك شوتتارىنا ەسەپتەۋ ءۇشىن جانە اۋدارىم جاساۋ ءۇشىن قابىلدانۋعا مىندەتتى، قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى كۇمىس مونەتالار كادەسىيلىق وراۋمەن شىعارىلادى جانە قازاقستان رەسپۋبليكاسى ۇلتتىق بانكىنىڭ مەملەكەتتىك، ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان. "Proof-like" دايىنداۋ ساپاسى بار مەلحيور قوسپاسىنان دايىندالعان مونەتالار كادەسىيلىق وراۋمەن شىعارىلادى. "Brilliant uncirculated" دايىنداۋ ساپاسى بار مەلحيور قوسپاسىنان دايىندالعان مونەتالار ارنايى پوليگرافيالىق وراۋمەن شىعارىلادى"، - دەلىنگەن ۇلتتىق بانك حابارلاماسىندا.
كوللەكسيالىق مونەتالاردى "قازاقستان رەسپۋبليكاسى ۇلتتىق بانكىنىڭ قازاقستان تەڭگە سارايى" شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى دايىنداعان. كوللەكسيالىق مونەتالاردى قازاقستان رەسپۋبليكاسى ۇلتتىق بانكىنىڭ بارلىق اۋماقتىق فيليالدارىندا، سونداي-اق www.nationalbank.kz سايتىنداعى ينتەرنەت - دۇكەن ارقىلى ساتىپ الۋعا بولادى.
پىكىر قالدىرۋ