جامبىل وبلىسى اكىمى اپپاراتىنىڭ «قوعامدىق كەلىسىم» كوممۋنالدىق مەملەكەتتىك مەكەمەسى «مەدياسيا-بىرلىك نەگىزى» الەۋمەتتىك جوباسى اياسىندا تاراز قالاسىنىڭ دوستىق ۇيىندە «مەكتەپ مەدياسياسى» اتتى سەمينار-ترەنينگ وتكىزدى. «جاڭعىرۋ جولى» قحا جاستار قوزعالىسىنىڭ وكىلدەرى، كوللەدج ستۋدەنتتەرى مەن قالا مەكتەپتەرىنىڭ وقۋشىلارى ءبىلىم بەرۋ ورتاسىنداعى جانجالداردى بولدىرماۋ جانە شەشۋ بويىنشا مەدياتيۆتىك تاسىلدەر بويىنشا ءدارىس الدى دەپ جازادى Qamshy.kz اقپارات اگەنتتىگى. سەمينار باعدارلاماسى زاماناۋي مەدياسياداعى شەشەندىك شەبەرلىك جۇيەسىندە نەگىزدەلگەن جانە ارازدانۋشى جاقتارىمەن كوممۋنيكاسياداعى باستى سپيكەر رەتىندە مەدياتور بەينەسىنىڭ سىرتقى جانە ىشكى ەلەمەنتتەرىن، سونىمەن قاتار، كوممۋنيكاتيۆتىك داعدىلارىن نىعايتۋعا باعىتتالعان تاجىربيەلىك جاتتىعۋلارىنان تۇرادى.

ءىس-شارانى اشا وتىرىپ، «قوعامدىق كەلىسىم» كمم باسشىسى ۋبايدۋللايەۆا رانو ماحسۇد قىزى جاستاردىڭ قولىندا ءبىزدىڭ مەملەكەتىمىزدىڭ بولاشاعى تۇرعانىن جانە وسىنداي وقىتۋ كۋرستارىن وتكىزۋ جانجالدى جاعدايلاردا ءوزىن-وزى ۇستاۋدىڭ پراكتيكالىق داعدىلارىن الۋدا بەلگىلى ءبىر ناتيجەلەر بەرەتىنىن اتاپ ءوتتى:

-قۇقىق بۇزعان بالا ءوز قۇربىلارى تاراپىنان ايتىلعان ۋاجدەرگە توقتاپ، ءوزىنىڭ قاتەلىگىن تۇسىنەدى. بۇل ونىڭ سونداي ارەكەتتى قايتالاماۋىنا جانە جانجالدى جاعدايدان ۇرىس-كەرىسسىز، رەنىشسىز شىعۋىنا كومەكتەسەدى. اتا-انالار بالالارىنىڭ اراسىنداعى داۋ-جانجالداردى ورشىتپەي باسۋعا، بالالارىنىڭ اشۋشاڭ، كەكشىل بولماي، كوپشىل بولىپ وسۋىنە جاعداي جاساۋعا مۇمكىندىك الادى. وسى ورايدا، ولار بالا جانىن تەرەڭىرەك ءتۇسىنىپ، بالا تاربيەسىنىڭ ماڭىزىن سەزىنە تۇسەدى. مەنىڭ ويىمشا، مەدياسيانى جالپى ءبىلىم بەرەتىن مەكتەپتەردە عانا ەمەس، كوللەدجدەردە، ۋنيۆەرسيتەتتەردە دە ەنگىزگەن ءجون. كاسىبي جانە جوعارى وقۋ ورىندارىندا دا جاستار اراسىنداعى جانجالدى وقيعالار ءالسىن-السىن ورىن الىپ جاتادى. ال، مەدياسيا قىزمەتى ونى ەكى تاراپتىڭ مۇددەسىنە ساي شەشىپ قانا قويماي، مۇنداي كەلەڭسىزدىكتەردىڭ الدىن الۋعا دا يگى ىقپالىن تيگىزەتىن بولادى، -دەدى ر.ۋبايدۋللايەۆا.

مەدياتور-جاتتىقتىرۋشى سافونوۆا لاريسا ۆلاديمير قىزى ءىس-شاراعا قاتىسۋشى جاستاردى وقۋ ورىندارىندا مەدياسيانى قولدانۋ جانە ءار قولايسىز جاعدايدا ءقاۋىپسىز كەڭىستىكتى قۇرۋ تاسىلدەرىمەن تانىستىرا وتىرىپ، ءدارىستى ينتەراكتيۆتى ترەنينگ فورماتىندا وتكىزدى. وقىتۋ بارىسىندا شاعىن-دارىستەر، پراكتيكالىق جاتتىعۋلار، رولدىك ويىندار، «ميعا شابۋىل»، ديسكۋسسيالار، جەكە بايلانىستارى بار يميتاسيالىق مەدياسيا ادىس-تاسىلدەرى قولدانىلدى. قاتىسۋشىلارعا داۋ-جانجالدى جاعدايلاردى شەشۋ جولدارى مەن مەدياسيانى ءتيىمدى قولدانۋ تاسىلدەرى ۇسىنىلدى، ولار دەلدالدىق جانە كەلىسسوزدەر ارقىلى تابىستى .

سەمينار-ترەنينگتەن كەيىن قاتىسۋشىلارعا سەرتيفيكاتتار مەن ادىستەمەلىك ۇسىنىمدار بەرىلدى.