تاراز قالاسىنىڭ دوستىق ۇيىندە جامبىل وبلىسى قحا مەدياتورلار كەڭەسى «كامەلەتكە تولماعاندار مەن جاستاردىڭ قاتىسۋىمەن داۋلاردى رەتتەۋدىڭ بالامالى ءتاسىلى رەتىندە مەدياسيانى دامىتۋ شارالارى» اتتى كەڭەيتىلگەن وتىرىسىن وتكىزدى. ءىس-شارانى ۇيىمداستىرۋشى جامبىل وبلىسى قازاقستان حالقى اسسامبلەياسىنىڭ مەدياسيا كابينەتى دەپ جازادى Qamshy.kz اقپارات اگەنتتىگى. سۋديالار، زاڭگەرلەر، ادۆوكاتتار، قحا مەدياتورلارى، ەتنومادەني بىرلەستىكتەردىڭ وكىلدەرى، بەلسەندى جاستار كامەلەتكە تولماعاندار مەن جاستاردىڭ قاتىسۋىمەن داۋلى جاعدايلاردى رەتتەۋدە «مەدياسيا تۋرالى» زاڭدى قولدانۋدىڭ قيىندىقتارى مەن العا قويىلعان ءىس-شارالارى، جاستاردى جۇمىسپەن قامتۋدىڭ قازىرگى جانە الەۋەتتى ماسەلەلەرىن شەشۋ، ونىڭ الەۋەتىن جۇزەگە اسىرۋ جولدارىن، وتانشىلدىق پەن وتانعا دەگەن سۇيىسپەنشىلىك رۋحىندا تاربيەلەۋ ادىستەرىن تالقىلادى.

ماجىلىسكە قاتىسۋشىلاردىڭ ءبىرى جاننا مامىشيەۆا:

– «بۇقارالىق اقپارات قۇرالدارى قىزمەتكەرلەرىنىڭ قاۋىمداستىعى» جقب جەتەكشىسى، كامەلەتكە تولماعاندار مەن جاستاردىڭ قاتىسۋىمەن داۋلى جاعدايلاردى بالامالى رەتتەۋدىڭ قيىندىقتارى مەن العا قويىلعان مىندەتتەرىن اتاپ ءوتتى: - «مەن ءبىر تىڭ جاڭالىق اشپاي-اق قويايىن، دەگەنمەن دە، جاستاردىڭ باستى ماسەلەسىنە كەلىپ توقتالاتىن بولساق، جۇمىسسىزدىق، تالاپسىزدىق جانە العا ۇمتىلۋ جوسپارلارىنىڭ بولماۋى كوپ كەلەلى ماسەلەگە اكەپ سوقتىراتىنى ءسوزسىز. ەگەر قالادا مۇلدەم جۇمىس جوق دەپ ايتار بولسام، وبەكتيۆتى بولۋدان قورىقپايمىن. جۇمىس ءاردايىم بار! بۇعان باسقا ەلدەردەن كەلگەن ميگرانتتار سانىنىڭ جىل سايىنعى ءوسۋى دالەل. ءبىراق ماسەلە بار جۇمىس جاستاردىڭ تالاپتارىنا، سۇرانىستارىنا جانە امبيسياسىنا جاۋاپ بەرمەيدى. قالالىق جاستار رەسۋرستىق ورتالىعىنىڭ (جرو) مالىمەتتەرى بويىنشا، بۇگىنگى تاڭدا تاراز قالاسىنداعى جاستاردىڭ سانى 14 پەن 29 جاس ارالىعىنداعى 86 553 ادامدى قۇرايدى. ءبىر جاعىنان قالادا جاستاردىڭ دامۋى مەن ءوسۋى ءۇشىن بارلىعى بار! بۇل ءبىرىنشى كەزەكتە جوعارى (جوو) جانە ورتا (جقس) وقۋ ورىندارىنىڭ بولۋى. ستۋدەنتتەردىڭ جالپى سانى: 40 500 ادام، بۇل قالا جاستارىنىڭ جارتىسىن قۇرايدى. جىل سايىن 7689 تۇلەك شىعارىلادى، ءبىراق تەك 4152 تۇلەك جۇمىسقا ورنالاسادى، بۇل 54% قۇرايدى. بۇل باسقا مەملەكەتتەردە وقيتىن جاستاردى ساناماعاندا، وقىتۋ جانە كادرلاردى دايارلاۋ ۇردىستەرىنىڭ ايقىن وزگەرىسى. ەل پرەزيدەنتى ن. ءا. نازاربايەۆ ءوزىنىڭ «بولاشاققا كوزقاراس: قوعامدىق سانانى جاڭعىرتۋ» اتتى ماقالاسىندا بىلاي دەپ اتاپ ءوتتى: - «بۇگىنگى تاڭدا جەكە ادام عانا ەمەس، سونىمەن قاتار ۇلت ءوزىنىڭ باسەكەگە قابىلەتتىلىگىن دامىتا وتىرىپ، تابىسقا جەتۋگە مۇمكىندىگى بار» ءدال وسى قاجەتتىلىك پەن باسەكەگە قابىلەتتىلىك، ەڭبەك نارىعىنىڭ باستى كريتەرييلەرى! باسقاشا ايتقاندا، جىل سايىن قالانىڭ جوعارى وقۋ ورنى مەن سۋز-لارى ەلدىڭ بيۋدجەت قاراجاتىنىڭ جارتىسىن جانە ازاماتتاردىڭ جيناقتارىن ءتيىمسىز جۇمسايدى!، - دەپ ويىن تۇيىندەدى.

وتىرىسقا قاتىسۋشىلاردىڭ بارلىعى جاستاردى جۇمىسپەن قامتۋدىڭ قازىرگى جانە الەۋەتتى ماسەلەلەرىن شەشۋ جولدارىن ىزدەستىرۋگە ءبىر اۋىزدان كەلىسىلىپ، كامەلەتكە تولماعاندار مەن جاستاردىڭ قاتىسۋىمەن جانجالداردى شەشۋ سالاسىندا جۇمىس ىستەيتىن مەدياتورلارعا ارنالعان ادىستەمەلىك قۇرالدار ازىرلەۋ جونىندە ۇسىنىستار ەنگىزىلدى. مەكتەپتەردە، كوللەدجدەردە كونسۋلتاتيۆتىك-ادىستەمەلىك كەزدەسۋلەر ۇيىمداستىرىپ، توپتىق بىرلىكتى دامىتۋ جانە قالىپتاستىرۋ ءۇشىن رولدىك ويىندار وتكىزۋ، سوعان قوسا مەكتەپتەگى، وتباسىنداعى، اۋلاداعى جانجال بارىسىنداعى مەدياسيانىڭ ارالاسۋى، سونداي-اق سىنىپتىڭ، مەكتەپتىڭ داستۇرلەرى مەن قۇندىلىقتارىنىڭ ءبىرىڭعاي جۇيەسىن قۇرۋ شارالارىن قاراستىرۋ دا كوزدەلدى.