جامبىل وبلىسىندا لاتىن نەگىزدى قازاق الىپبيىنە كوشۋ جۇمىستارىنا دايىندىق شارالارى قارقىندى جۇرگىزىلۋدە. بۇل ماقساتتا وڭىردەگى 3 ارنايى وقۋ ادىستەمەلىك كابينەتى جۇمىس جاسايدى، دەپ جازادى Qamshy.kz اقپارات اگەنتتىگى.
ءوڭىر تۇرعىندارىنا لاتىن نەگىزدى قازاق الىپبيىنە كوشۋدە وبلىس تۇرعىندارىنا ادىستەمەلىك كومەك كورسەتەتىن كابينەتتەر جوعارى وقۋ ورىندارىنىڭ قابىرعاسى مەن تىلدەردى وقىتۋ ورتالىعىنىڭ بازاسىندا اشىلعان. ماسەلەن م.ح.دۋلاتي اتىنداعى تاراز مەملەكەتتىك ۋنيۆەرسيتەتىنىڭ جانىنان لاتىن ءالىپبيىن ۇيرەتۋ وقۋ-ادىستەمەلىك كابينەتى جانە تاراز مەملەكەتتىك پەداگوگيكالىق ۋنيۆەرسيتەتىندە «قازاق فيلولوگياسى جانە لاتىن گرافيكاسىن وقىتۋ ادىستەمەسى» كافەدراسى، ال وبلىس اكىمدىگىنىڭ تىلدەردى دامىتۋ باسقارماسى جانىنداعى تىلدەردى وقىتۋ ورتالىعىندا «رۋحاني جاڭعىرۋ: لاتىن ءالىپبيى» كابينەتى جۇمىس جاسايدى. وڭىردەگى جەتەكشى جوعارى وقۋ ورىندارىنىڭ بازاسىندا قۇرىلعان لاتىن نەگىزدى قازاق ءالىپبيىن وقىتۋ كابينەتتەرى زاماناۋي ۇلگىدەگى وزىق تەحنولوگيالىق قۇرالدارمەن جابدىقتالعان سونداي-اق مۇندا بىلىكتى ءتىلشى عالىمدار ءدارىس وقيدى. سول سەكىلدى وبلىس اكىمدىگىنىڭ تىلدەردى دامىتۋ باسقارماسىنىڭ تىلدەردى وقىتۋ ورتالىعىندا اشىلعان «رۋحاني جاڭعىرۋ: لاتىن ءالىپبيى» كابينەتىندە لاتىن نەگىزدى قازاق ءتىلى ءالىپبيىن ۇيرەتۋگە تولىق مۇمكىندىكتەر جاسالعان. كابينەت زاماناۋي ينتەرنەت-تەحنولوگيالارمەن جابدىقتالعان.
جالپى جامبىل وبلىسىندا تۇرعىندارعا لاتىن نەگىزدى قازاق ءالىپبيىن مەڭگەرۋدى جۇمىستارى ءوز دەڭگەيىندە جۇرگىزىلۋدە. جىل باسىنان بۇل باعىتتا 74 ءىس-شارا وتكىزىلگەن. بۇل شارالارعا وعان 18 مىڭنان استام ادام قامتىلدى. جاڭا الىپبيىندە الىس اۋىلدار مەن اۋدان تۇرعىندارى اراسىندا ناسيحات جۇمىستارى دا جولعا قويىلعان. ەسەپتى كەزەڭ وبلىستاعى 10 اۋدان مەن تاراز قالاسى تۇرعىندارىنا ارنالعان كوشپەلى سەمينار-ترەنينگتەر ۇيىمداستىرىلدى. سونىمەن بىرگە وبلىس ورتالىعىندا ورنالاسقان 52 مەكەمەدە Qazalipbi.kz ونلاين وقىتۋ باعدارلاماسى تانىستىرىلدى.
ايتا كەتۋ كەرەك م.ح. دۋلاتي اتىنداعى تاراز مەملەكەتتىك ۋنيۆەرسيتەتىنىڭ «فيلولوگيا جانە جۋرناليستيكا» كافەدراسىنىڭ ءتىلشى عالىمدارىمەن جاسالعان بۇل باعدارلاما لاتىن نەگىزدى قازاق ءالىپبيىن كوپشىلىككە ۇيرەتۋدەگى بىردەن ءبىر ەلەكتروندىق ادىستەمەلىك كومەك قۇرالى سانالادى.
پىكىر قالدىرۋ