جامبىل وبلىسىندا ەلباسىنىڭ «ۇلى دالانىڭ جەتى قىرى» ماقالاسىن جەرگىلىكتى تۇرعىندار اراسىندا ناسيحاتتاۋ ماقساتىندا 67 شارا ۇيىمداستىرىلدى، دەپ جازادى Qamshy.kz اقپارات اگەنتتىگى. 

بۇگىندە جامبىل وبلىسىنىڭ «رۋحاني جاڭعىرۋ» جوبالىق ءوفيسى مەن سالالىق باسقارما، مۇددەللى مەكەمە قىزمەتكەرلەرىنىڭ قاتىسۋىمەن باعدارلامالىق ماقالانىڭ «ارحيۆ-2025»، «ۇلى دالانىڭ ۇلى ەسىمدەرى»، «تۇركى الەمىنىڭ گەنەزيسى»، «ۇلى دالانىڭ ەجەلگى ونەر جانە تەحنولوگيالار مۋزەيى»، «دالا فولكلورى مەن مۋزىكاسىنىڭ مىڭ جىلى»، «تاريحتىڭ كينو ونەرى مەن تەليەۆيزياداعى كورىنىسى» ارنايى جوبالارىمەن جۇمىس قولعا الىندى.

–جاقىندا عانا وبلىس اكىمدىگىنىڭ مادەنيەت، ارحيۆتەر جانە قۇجاتتاما باسقارماسى مەن تاراز مەملەكەتتىك پەداگوگيكالىق ۋنيۆەرسيتەتى «ەرلىككە تاعزىم – ۇرپاققا پارىز» اتتى حالىقارالىق عىلىمي-پراكتيكالىق كونفەرەنسياسى ۇيىمداستىرىلدى. قازاقستاندىق ارحيۆ سالاسىندا كەزەك كۇتتىرمەس ماسەلەلەر قارالعان جيىنعا ارحيۆ-2025» عىلىمي-ادىستەمەلىك ورتالىعىنىڭ باسشىسى بەرىك ءابدىعالي، قازاقستان رەسپۋبليكاسى پرەزيدەنتى ءارحيۆىنىڭ جانىنداعى قوعامدىق كەڭەس ءتوراعاسى بوريس جاپاروۆ، قازاقستان رەسپۋبليكاسىنىڭ پرەزيدەنتى ءارحيۆىنىڭ ديرەكتورى ءجاميلا ءابدىقادىروۆا، پولشا رەسپۋبليكاسىنىڭ گدانسك قالاسىنداعى پومورسك گەنەولوگيالىق قوعامى پرەزيدەنتىنىڭ ورىنباسارى، تەحنيكا عىلىمىنىڭ كانديداتى، ولكەتانۋشى ۆويسەح بەششينسكيي جانە وزگە دە وڭىرلەردىڭ ارحيۆ باسشىلارى مەن ماماندارى قاتىسىپ، كوتەرلىپ وتىرعان ماسەلەلەرە قاتىستى ءوز ويلارىمەن ءبولىستى–دەيدى جامبىل وبلىسىنىڭ «رۋحاني جاڭعىرۋ» جوبالىق ءوفيسىنىڭ جەتەكشىسى سەرىكبول بەرىكقوجا.

باعدارلامانىڭ «تاريحتىڭ كينو ونەرى مەن تەليەۆيزياداعى كورىنىسى» ارنايى جوباسى اياسىندا دا جامبىلدىق مادەنيەت سالاسى ماماندارىمەن بىرگە ولكە تاريحىنان سىر شەرتەتىن دەرەكتى جانە قىسقا مەتراجدى فيلمدەر ءتۇسىرۋ ماسەلەسىن دە مۇقيات ويلاستىرىپ جاتىر. ءدال وسى ماقساتتا وبلىس اكىمدىگىنىڭ مادەنيەت، ارحيۆتەر جانە قۇجاتتاما باسقارماسىنىڭ ۇيىمداستىرۋىمەن جاستار اراسىنداعى «ۇزدىك سەنارييلار»، «جالىندى جاستىق شاق» بەينەروليكتەر بايقاۋى ۇيىمداستىرىلدى. بۇل شارالارعا اۋدان اكىمدىكتەرى دە بەلسەنە اتسالىپ جاتىر. مەركى اۋدانى اكىمدىگىنىڭ ۇيىتقى بولۋىمەن ولكەدەگى تاريحي ورىندار جايىنداعى دەرەكتەر ءفيلمنىڭ ءتۇسىرىلىمى قولعا الىنسا، جۋالى اۋدانىندا جازۋشى شەرحان مۇرتازانىڭ «قىزىل جەبە» رومانى جەلىسىمەن تۇرار رىسقۇلوۆ جايىندا قىسقا مەتراجدى فيلم ءتۇسىرۋ جوسپارعا ەنگىزىلدى.