قازىرگى تاڭدا قازاقستاندىقتار ەمحاناعا تىركەۋدىڭ ءۇش ءتۇرلى جولىن پايدالانا الادى:
- تاڭداپ العان ەمحاناعا تىكەلەي بارۋ ارقىلى،
- ەلەكتروندى ۇكىمەت پورتالى ارقىلى ونلاين رەجيمىندە،
- حالىققا قىزمەت كورسەتۋ ورتالىقتارىنداعى Connectionpointءبولىمى ارقىلى.
وتباسىنىڭ وزگە مۇشەلەرىن تىركەۋ ءۇشىن ولاردىڭ جەكە كۋالىكتەرى مەن جازباشا كەلىسىمى قاجەت (ەرەسەكتەر ءۇشىن). ال، 18 جاسقا تولماعان تۇلعالاردى تىركەۋ ءۇشىن اتا-انالاردان (نەمەسە بالانىڭ قامقورشىسىنان) جەكە كۋالىك (نەمەسە بالانىڭ اتىنان وكىلدىك ەتە الاتىنىن راستايتىن قۇجات) پەن بالانىڭ جەكە قۇجاتى تالاپ ەتىلەدى.
ال، egov.kz پورتالى ارقىلى ەمحاناعا تىركەلۋ ءۇشىن جۇيەگە تىركەلۋ قاجەت. ءارى قاراي "دەنساۋلىق ساقتاۋ" بولىمىندەگى "باستاپقى مەديسينالىق-سانيتارلىق كومەك كورسەتەتىن مەديسينا ۇيىمىنا تىركەلۋ" قىزمەتىن باساسىز. ەلەكتروندى ءوتىنىشتى تولتىراسىز. قىزمەتتىڭ ناتيجەسىن جەكە كابينەت ارقىلى بىلۋگە بولادى. سونداي-اق، ءقازىر قاي ەمحانادا تىركەلىپ تۇرعانىڭىزدى دا egov پورتالىنداعى جەكە كابينەت ارقىلى انىقتاپ بىلە الاسىز. ەگەر بۇرىنعى ەمحانا قىزمەتى كوڭىلىڭىزدەن شىعاتىن بولسا قايتا تىركەلۋدىڭ قاجەتى جوق.
تىركەلۋدىڭ ءۇشىنشى جولى. حالىققا قىزمەت كورسەتۋ ورتالىقتارىندا Connection Points دەپ اتالاتىن ءبولىم بولادى. ونداعى كەڭەسشىلەر سىزگە ەلەكتروندى فورماتتا تىركەلۋ جولدارىن ءتۇسىندىرىپ بەرەدى.
پىكىر قالدىرۋ