2019 جىلى جوسپارلانعان 13 جوبانىڭ ىشىندە جالپى قۇنى 976 ملن. تەڭگە بولاتىن 2 جوبا پايدالانۋعا بەرىلدى. ەكى جوبانىڭ ارقاسىندا 37 جۇمىس ورنى قۇرىلدى. ولار بيتۋم ەمۋلسياسى نەگىزىندە گيدرو وقشاۋلاعىش ماتەريالداردى وندىرەتىن «SatexChemie» ج ش س جانە «Best group» جەل ەلەكتر ستانسيالارىن سالۋ مەكەمەسى. كەلەر 2020 جىلى 119 ملرد تەڭگەگە 11 جوبانى ىسكە قوسۋ جوسپارلانعان. ناتيجەسىندە 1500-1700-دەي جاڭا جۇمىس ورىندارىن اشۋ كوزدەلىپ وتىر.
ايتا كەتەيىك، قازىرگى ۋاقىتتا ماڭعىستاۋ وبلىسىندا 840 شەتەلدىك كومپانيا جۇمىس ىستەيدى.
-«ماڭعىستاۋدا ينۆەستيسيالىق احۋال جاقسى. قىسقاشا توقتالسام، قاڭتار –تامىز ايىنىڭ ارالىعىندا ماڭعىستاۋ وبلىسىنىڭ ونەركاسىپ كورسەتكىشىنىڭ نەگىزگى كولەمى 98،8% قۇراپ وتىر. وزدەرىڭىز بىلەتىندەي ماڭعىستاۋ وبلىسىنىڭ ونەركاسىبىنىڭ 90% ۇلەسى تاۋ-كەن ءوندىرۋشى كاسىپورىندار، ياعني مۇناي مەكەمەلەرى بولىپ تابىلادى»،- دەدى ماڭعىستاۋ وبلىستىق يندۋستريالىق-يننوۆاسيالىق باسقارماسى باسشىسىنىڭ ورىنباسارى تالعات ءابدىقادىروۆ.
ماڭعىستاۋ وبلىسىندا 2020 جىلعا جوسپارلانعان ايرىقشا ماڭىزدى جوبالار:
- تۇركيالىق ينۆەستورلاردىڭ باستاماسىمەن اقتاۋ قالاسىنىڭ اۋماعىندا قۇنى 60،8 ملرد.تەڭگە بولاتىن تۋريستىك قوناق ءۇي كەشەنىنىڭ قۇرىلىسى قارقىندى جۇرگىزىلۋدە. 2020 جىلدىڭ اياعىنا دەيىن 1-كەزەڭى ىسكە قوسىلماق. ناتيجەسىندە 600-دەن استام جاڭا جۇمىس ورنى اشىلادى دەپ كۇتىلۋدە.
- سينگاپۋرلىق "WestGasOil” (ۋەستگازويل) كومپانياسىنىڭ باستاماسىمەن قۇنى 684 ملرد.تەڭگەنى قۇرايتىن «مەتانول جانە ولەفين ءوندىرۋ» زاۋىتى ىسكە قوسىلادى دەپ جوسپارلانعان
- قۇنى 76 ملرد.تەڭگە بولاتىن شويىن وندىرەتىن مەتاللۋرگيالىق زاۋىتتىڭ قۇرىلىسىن «تەحنوگران-اكتوبە» ج ش س سالۋدى قولعا العان.
- «ماڭعىستاۋ ويل رەفاينينگ» ج ش س قۇنى 7،6 ملرد.تەڭگە بولاتىن «مۇناي وڭدەۋ زاۋىتى» قۇرىلىسىن جۇرگىزۋدى جوسپارلاپ وتىر.
پىكىر قالدىرۋ