قازاقستاندىق كاسىپقوي بوكسشى گەنناديي گولوۆكين ۋكراينالىق سەرگەي دەريەۆيانچەنكونى جەڭىپ، شارشى الاڭداعى 40-جەڭىسىنە قول جەتكىزدى، دەپ جازادى Qamshy.kz اقپارات اگەنتتىگى.
جەكپە-جەك نيۋ-يوركتەگى (اقش) Madison Square Garden ارەناسىندا ءوتتى. 12 راۋندقا سوزىلعان كەزدەسۋدىڭ العاشقى راۋندىندا گولوۆكين ۋكراينالىق بوكسشىنى نوكداۋنعا جىبەردى. قالعان راۋنتاردا كەزدەسۋ سالىستىرمالى تۇردە وتە جاقىن ءوتتى.
وسىلايشا، GGG ءبىر كەزدەرى وزىنە تيەسىلى بولعان ورتا سالماقتاعى IBF جانە IBو تيتۋلدارىن يەلەندى. ورتا سالماقتاعى وزگە WBC، WBA بەلبەۋلەرى مەكسيكالىق كانەلو الۆارەسكە تيەسىلى.
گولوۆكين اتالعان جەكپە-جەك قورىتىندىسى بويىنشا 15 ملن دوللار، دەريەۆيانچەنكو ءوزى ءۇشىن رەكوردتىق سوما 5 ملن دوللار تابىس تاپتى.
پىكىر قالدىرۋ