"Nur Otan" پارتياسى ءتوراعاسىنىڭ ءبىرىنشى ورىنباسارى باۋىرجان بايبەك ءوزىنىڭ ءىnstagram پاراقشاسىندا ەلىمىزدىڭ پەداگوگتارىن كاسىبي مەرەكەلەرىمەن قۇتتىقتادى، دەپ حابارلايدى Qamshy.kz اقپارات اگەنتتىگى. 

"ءقادىرلى ۇستازدار! بارشاڭىزدى كاسىبي مەرەكەلەرىڭىزبەن شىن جۇرەكتەن قۇتتىقتايمىن!
⠀
تاۋەلسىزدىكتىڭ العاشقى كۇنىنەن باستاپ ەلباسى ءبىلىم بەرۋ ىسىنە ۇلكەن كوڭىل ءبولىپ، بۇل سالا مەملەكەتتىك ساياساتتاعى باسىمدىقتاردىڭ ءبىرى بولىپ بەلگىلەندى. سوعان بايلانىستى ۇستازدار قاۋىمىنا قازاقستاندىقتاردىڭ جاڭا بۋىنىن تاربيەلەۋدە زور جاۋاپكەرشىلىك جۇكتەلدى. "ەلىمىزدىڭ ەرتەڭى بۇگىنگى جاس ۇرپاقتىڭ قولىندا، ول جاس ۇرپاقتىڭ تاعدىرى ۇستازداردىڭ قولىندا"، – دەپ نۇرسۇلتان ءابىش ۇلى نازاربايەۆ ايتپاقشى، بۇگىندە ولار بۇل ماڭىزدى مىندەتتى تەرەڭ سەزىنىپ، ابىرويمەن اتقارىپ كەلەدى.
⠀
"Nur Otan" پارتياسىنىڭ ساياسي دوكتريناسىندا دا جالپىعا ورتاق تابىسقا قول جەتكىزۋدىڭ نەگىزگى فاكتورلارىنىڭ ءبىرى زياتكەرلىك ۇلت قالىپتاستىرۋ ەكەنى ايتىلعان. بۇل ىستە دە ۇستازدىڭ الار ورنى ەرەكشە.
⠀
ۇستازدىق – جاي كاسىپ ەمەس، جان-دۇنيەڭمەن بەرىلە اتقارار ۇلى ءىس، جاۋاپتى ميسسيا، ەلگە قىزمەت ەتۋدىڭ وزىق ۇلگىسى. سوندىقتان وسىناۋ ۇلى ەسىمگە داق تۇسىرمەي، ەل بولاشاعى جولىندا ايانباي ەڭبەك ەتىپ جۇرگەن ءقادىرلى ماماندىق يەلەرىن قۇتتىقتاي وتىرىپ، جۇمىستارىنا تابىس پەن ساتتىلىك تىلەيمىن".