جۇمىسپەن قامتۋ ورتالىقتارىنا تىركەلگەن قازاقستاندىقتاردىڭ سانى جىل باسىنان بەرى 92 پايىزعا ارتقان.
LS پورتالىنىڭ جازۋىنشا، ورتالىقتارعا جىل باسىندا 91،6 مىڭ ادام جۇمىسسىز رەتىندە تىركەلسە، تامىز ايىنىڭ قورىتىندىسى بويىنشا 175،7 مىڭ ادام تىركەلىپتى. بۇل 92 پايىزعا جوعارى.
اتالمىش دەرەكتەر ەۋرازيالىق ەكونوميكالىق وداق اياسىندا ەڭ جوعارى بولىپ وتىر. ماسەلەن، قىرعىزستانداعى جۇمىسسىزدار جىل باسىنان بەرى 17،2 پايىز – 83،1 مىڭ ادامعا دەيىن وسسە، رەسەيدە 2،7 پايىز – 712،3 مىڭ ادامعا ارتقان. ارمەنيا مەن بەلارۋستە كەرىسىنشە 4 جانە 4،8 پايىزعا قىسقارعان.
ەۋرازيالىق ەكونوميكالىق وداقتاعى جۇمىسپەن قامتۋ قىزمەتتەرىنىڭ دەرەگىنشە، وداق بويىنشا 1 ملن ادام جۇمىسسىز.
پىكىر قالدىرۋ