ءبىلىم سالاسىنىڭ دامۋى – بۇگىندە وركەنيەتتىڭ ولشەمى، قوعام دامۋىنىڭ باستى كورسەتكىشى. ادامي كاپيتال، ەڭ الدىمەن، ءبىلىم بەرۋ سالاسى ارقىلى قالىپتاسادى. ونى قالىپتاستىرۋداعى ءبىلىم سالاسىنىڭ ۇلەسى كەز كەلگەن باسقا سالادان الدەقايدا جوعارى. سوندىقتان دا ەلباسى «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا ءبىلىم سالاسىنىڭ دامۋىنا ايرىقشا نازار اۋداردى.

ەلىمىزدىڭ قازىرگى كەزدەگى ءبىلىم بەرۋ ساياساتى ەڭ الدىمەن مەكتەپكە دەيىنگى ءبىلىم بەرۋ جۇيەسىنە بالا قابىلەتىن اشاتىن العاشقى ساتى رەتىندە جوعارى تالاپتار قويادى جانە بالالاردىڭ ەرتە دامۋى مەن وقۋ داعدىسىن دامىتاتىن باعدارلامالاردى ەنگىزۋدى كوزدەيدى. بۇدان ەلىمىزدىڭ زياتكەرلىك الەۋەتىنىڭ بولاشاعى بالالارعا مەكتەپكە دەيىنگى ساتىدا ساپالى ءبىلىم بەرۋ مەن ەرتە جاستاعى بالالاردىڭ قابىلەتتەرىن دامىتۋدىڭ قوعامداعى الار ورنى ماڭىزدى.

سارىسۋ اۋدانىندا مەكتەپكە دەيىنگى تاربيەمەن جانە وقۋمەن قامتىلعان 25 مەكەمە بار. وندا 11 بالاباقشا مەن 14 شاعىن ورتالىقتا 2385 بالا تاربيەلەنۋدە.

جالپى سانىنداعى جەكەمەنشىك مەكتەپكە دەيىنگى ۇيىمدارداعى ورىنداردىڭ ۇلەسى 7،9%. اۋدان بويىنشا 2018 جىلى 3-6 جاستاعى بالالاردىڭ تاربيەمەن جانە وقۋمەن قامتۋ كورسەتكىشىن 99%- عا جەتكىزۋ ماقساتىندا 130 ورىن اشىلىپ، كورسەتكىش ورىندالدى. 2019 جىلى مەكتەپكە دەيىنگى تاربيەلەۋمەن جانە وقىتۋمەن قامتىلعان 3-6 جاستاعى بالالاردىڭ ۇلەسىن 100%-عا جەتكىزۋ جوسپارلانۋدا. بۇل مەجە دە ورىندالاتىن بولادى. جالپى ورتا ءبىلىم بەرەتىن مەكتەپتەردىڭ بارلىعى بۇگىنگى كۇننىڭ سۇرانىسىنا تولىق جاۋاپ بەرۋ ماقساتىندا قىزمەت اتقارادى. ءبىلىم بەرۋ جۇيەسىنىڭ وركەنيەت ۇردىسىنە ساي بولۋى-مەملەكەت باسشىسىنىڭ الدىمىزعا قويىپ وتىرعان باستى تالابى. بۇل رەتتە تۇڭعىش پرەزيدەنت ن.ءا.نازاربايەۆ: «بىزگە ۇلتتىق ينتەللەكتىنىڭ ءدىڭىن قۇرۋ قاجەت، بىزگە حالىقارالىق دەڭگەيدە باسەكەگە تۇسە الاتىن ەرۋديسيالى ادامدار كەرەك»،- دەپ اتاپ كورسەتكەن بولاتىن. وسىدان-اق بولاشاقتاعى باسەكەلەستىك كىلتى – بىلىمدە جاتقانى ايقىن اڭعارىلادى.

– ءبىزدىڭ جۇمىسىمىزدىڭ باستى باعدارى –تالاپ بيىگىنەن كورىنۋ.بۇگىنگى تاڭدا اۋداندا 27 مەكتەپ جۇمىس جاسايدى ونىڭ ىشىندە 1 باستاۋىش مەكتەپ، 4 نەگىزگى مەكتەپ، 21 جالپى ورتا مەكتەپ، 1 تىرەك مەكتەبى، 1 مەكتەپ-ليسەي، 2 مەكتەپ-گيمنازيا بار. اتالعان مەكتەپتەر سوڭعى ءۇش جىلدا 699 ءبىلىم الۋشىلارعا كوبەيىپ، 2018-2019 وقۋ جىلىن 8665 بالامەن اياقتادىق. مەكتەپتەردىڭ جىل بويى اتقارعان جۇمىسىنىڭ ناتيجەسى – ءبىلىم ساپاسى دەسەك، وسى ءبىلىم ساپاسى بويىنشا اۋدانىمىز جاقسى ناتيجە كورسەتىپ كەلەدى (70،5%). ءبىلىم ساپاسىنىڭ ارتۋىنا وزىندىك ۇلەسىن قوسىپ جۇرگەن مەكتەپتەردە 1233 ءمۇعالىم جۇمىس جاسايدى، – دەيدى سارىسۋ اۋدانى اكىمدىگى ءبىلىم ءبولىمىنىڭ باسشىسى ءىلياس بايماعانبەتوۆ.