مەملەكەت باسشىسى ق.توقايەۆ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا شاعىن جانە ورتا كاسىپكەرلىكتى دامىتۋ،ا ينۆەستيسيالىق كليماتتى جاقسارتۋعا كوڭىل بولگەنى بەلگىلى. وسى ورايدا تاراز قالاسىندا دا اۋىز تولتىرىپ ايتۋعا تۇرارلىقتاي جۇمىستار قولعا الىنۋدا. مىسالى، شاھاردا قازاقستاننىڭ يندۋستريالدى كارتاسىنان تىس، ءبىر ينۆەستيسيالىق جوبا ىسكە اسىرىلۋدا. اتاپ ايتقاندا: «GOODLOOK» ءجشس-نىڭ كۇنباعىس پىستەسىنەن ماي ءوندىرۋ زاۋىتىنىڭ قۇرىلىسىن جۇرگىزۋدى قولعا الماق. جوبانىڭ قۇنى – 1 ملرد. 264 ملن. تەڭگە. قۋاتتىلىعى جىلىنا 160،0 مىڭ توننا. سونىڭ ناتيجەسىندە 36 جاڭا جۇمىس ورىندارى اشىلماق.

تاعى ءبىر ايتا كەتەرلىگى، قازىرگى تاڭدا قوسىمشا ينۆەستيسيالار تارتۋ ماقساتىندا، تاراز قالاسىنداعى اينالما تاس جولىنىڭ بويىندا ورنالاسقان 94،2 گەكتار جەر تەلىمىنە يندۋستريالدى ايماق قۇرۋ جوسپارلانىپ وتىر. اتالعان ايماققا ينجەنەرلىك ينفراقۇرىلىم تارتۋ ءۇشىن جوبالىق-سمەتالىق قۇجاتتامالاردى ازىرلەۋ ءۇشىن تاراز قالاسى اكىمىنىڭ 2019 جىلعى 29 تامىزىندا №3034 قاۋلىسىمەن تاراز قالاسى اكىمدىگىنىڭ تۇرعىن جاي-كوممۋنالدىق شارۋاشىلىق، اۆتوموبيل جولدارى بولىمىنە تاپسىرما بەرىلدى.

بۇگىنگى كۇنگە يندۋستريالدىق ايماققا قىزىعۋشىلىق بىلدىرگەن 9 كاسىپكەر انىقتالىپ وتىر. ال جوبالاردىڭ قۇنى 6،253 ملرد. تەڭگە. سونداي-اق 548 جاڭا جۇمىس ورنى اشىلادى دەپ كوزدەلۋدە.

مىسالى، "دوستىق" ج ش س 1،5 گا جەرگە قۇيۋ سەحىنىڭ قۇرىلىسى بويىنشا جانە مەتاللدان جاسالعان جابدىقتار مەن بۇيىمداردى دايىنداۋ جوباسىن جۇزەگە اسىرۋدى جوسپارلاپ وتىر. جوبانىڭ شارتتى قۇنى 283 ملن. تەڭگە.

ال "Novacom technology" ج ش س 2 گەكتارعا ينفراقىزىل سەنسورلىق اينەكتەر، اقپاراتتىق دۇڭگىرشەكتەر، باقىلاۋ جانە قول جەتكىزۋ جۇيەلەرى (تۋرنيكەت)، تولەم تەرمينالدارى مەن ەلەكتروندىق كەزەكتەر جۇيەلەرىن ءوندىرۋ بويىنشا جوبانى جۇزەگە اسىرۋدى كوزدەۋدە.

سول سياقتى «شينباتشايەۆ» جك 1 گەكتار جەر تەلىمىندە بىلعارى جانە بىلعارىدان بۇيىمدار شىعاراتىن زاۋىت قۇرىلىسىن جوسپارلاپ وتىر.

بۇدان بولەك «ەلىباي» جك 1،5 گا جەرگە كوكونىس ساقتاۋ قويماسى بار جەمىس-كوكونىس داقىلدارىن قايتا وڭدەۋ سەحىن، قانت قىزىلشاسىنىڭ تۇقىمىن قايتا وڭدەۋ سەحىن جانە قۇراما جەم مەن ءشوپ، ۇن ءوندىرۋ سەحىن ىسكە قوسۋدى ويلاستىرۋدا. جوبانىڭ شارتتى قۇنى 115 ملن. تەڭگە.

سونىمەن قاتار "Taraz Class" ج ش س 2 گەكتاردا قۇرعاق قۇرىلىس قوسپالارىن، گيپس پەن سۋ ەمۋلسيالىق بوياۋلاردى وندىرەتىن سەحتى كەڭەيتۋدى جوسپارلاپ وتىر. ال "مير-راش" ج ش س 4 گەكتاردا قۇرىلىس ماتەريالدارىن، بەتون بۇيىمدارىن جانە گرانيتتى وڭدەۋدى جولعا قويماق.