شاعىن جانە ورتا كاسىپكەرلىكتى دامىتۋ، اگروونەركاسىپ كەشەنىن وركەندەتۋ-مەملەكەت باسشىسى قاسىم-جومارت توقايەۆتىڭ قازاقستان حالقىنا جولداۋىندا ايقىندالعان ماڭىزدى مىندەتتەردىڭ ءبىرى.

جالپى تاراز قالاسىنىڭ ونەركاسىپ سالاسىنا تيەسىلى جەر تەلىمى 4297 گەكتاردى نەمەسە قالا اۋماعىنىڭ 22،9 پايىزىن قۇرايدى. بۇل جەرلەردەگى پايدالانۋشىلار سانى بۇگىندە 3400 بىرلىككە جەتكەن. وسى ورايدا تاراز قالاسىنىڭ تولە بي، نيەتقالييەۆ، يساتاي، سۇلەيمەنوۆ جانە ءال-فارابي كوشەلەرى بويىنشا وندىرىستىك اۋماقتىڭ كارتاسى ازىرلەنىپ، 1487 گەكتاردى قۇرايتىن 379 جەر يەلەنۋشى كاسىپكەرلەردىڭ كارتاسى جاساقتالدى. ول جەرلەردە، ينۆەنتاريزاسيالاۋ جۇمىستارىنىڭ ناتيجەسى بويىنشا 209،2 گەكتاردى قۇرايتىن 21 نىساننىڭ وندىرىستىك قىزمەتى توقتاپ، ءتيىستى جەر تەلىمدەرىنىڭ بوس تۇرعانى انىقتالدى. سونىمەن قاتار، سىپاتاي، مامبەت باتىر كوشەلەرىندەگى 217 گەكتاردى قۇرايتىن 209 جەر پايدالانۋشىلار سانى بار بولسا، وندا 28،1 گەكتاردى قۇرايتىن 8 بوس ءوندىرىس نىساندارى انىقتالدى. قازىرگى تاڭدا وسى اۋماقتاردى ءتيىمدى پايدالانۋ بويىنشا ماقساتتى جۇمىستار جۇرگىزىلۋدە.

تاراز قالاسىندا اگروونەركاسىپ كەشىنىن دامىتۋ باعىتىندا دا ناقتى جوسپارلار تۇزىلۋدە، ەسەپتى كەزەڭدە اۋىلشارۋاشىلىق سالاسىندا 2 ميلليارد 913،1 ميلليون تەڭگەنىڭ ءونىمى ءوندىرىلىپ، ناقتى كولەم يندەكسى 100،2 پايىزدى قۇرادى. ونىڭ ىشىندە: مال شارۋاشىلىعى بويىنشا 924،3 ميلليون تەڭگەگە، وسىمدىك شارۋاشىلىعى بويىنشا 1 ميلليارد 766،7 ميلليون تەڭگەگە ءونىم وندىرىلگەن. وسى سالا بويىنشا ءىرى قارا مال – 263 باسقا نەمەسە 5،8 پايىزعا، جىلقى 2 باسقا نەمەسە 0،2 پايىزعا، ەشكى – 47 باسقا نەمەسە 6،2 پايىزعا ، ءۇي قۇستارى 27 840 باستى قۇراپ، وتكەن جىلمەن سالىستىرعاندا 710 باسقا ءوسىپ وتىر. ال، قوي - 345 باسقا نەمەسە 4،6 پايىزعا ءوسىپ وتىر. بۇل كورسەتكىش 2018 جىلى – 7546 باستى قۇراسا، 2019 جىلى – 7201 باس دەڭگەيىنە جەتىپ وتىر. سونداي-اق ءسۇت ءوندىرۋ 1،4 تونناعا نەمەسە 0،1 پايىزعا ارتقان. ياعني 2018 جىلى – 3562،6 توننا ءسۇت وندىرىلسە، 2019 جىلى بۇل كورسەتكىش 3564 توننانى قۇرادى. سول سياقتى ەت ءوندىرۋ 0،9 تونناعا نەمەسە 0،3 پايىزعا كوبەيگەن. ناقتىراق ايتقاندا 2018 جىلى – 268،2 توننا ەت وندىرىلسە، 2019 جىلى بۇل مەجە 269،1 توننا شاماسىندا. سونىمەن قاتار جۇمىرتقا 1،0 مىڭ داناعا نەمەسە 0،1%-عا ءوسىپ وتىر.

وسىلايشا تاراز قالاسىندا اۋىل شارۋاشىلىعى سالاسىندا اۋىز تولتىرىپ ايتارلىقتاقتاي كورسەتكىشتەر قالىپتاسۋدا.