تاراز قالاسىندا 2020 جىلى جالپى قۇنى 22 ملرد. 251،0 ملن. تەڭگەنى قۇرايتىن 3 ينۆەستيسيالىق جوبانىڭ ىسكە اسىرىلۋى جوسپارلانىپ، 264 جاڭا جۇمىس ورنىنىڭ اشىلۋى كوزدەلۋدە.

اتاپ ايتقاندا «سپ-تاراز PET» ءجشس-نىڭ قولدانىستا بولعان پلاستيكالىق بۇيىمداردى قايتا وڭدەۋ بويىنشا زاۋىت سالۋ جوباسى ىسكە اسىرىلۋدا. جوبا قۇنى – 3 ملرد. 860،0 ملن. تەڭگە. جوبانىڭ قۋاتتىلىعى 6،0 مىڭ توننا، اشىلاتىن جاڭا جۇمىس ورىندارى - 64 بىرلىك.

سول سياقتى «Ekojer» ج ش س «قوقىس وڭدەۋ زاۋىتى» جوباسىن ۇسىنىپ وتىر. ونىڭ قۇنى 17،5 ملرد. تەڭگە، جىلدىق قۋاتتىلىعى 100 مىڭ توننا قوقىس. ناتيجەسىندە 150 جاڭا جۇمىس ورىندارى اشىلادى دەپ جوسپارلانۋدا. ىسكە اسىرۋ مەرزىمى 2020 جىلدىڭ ەكىنشى جارتى جىلدىعىنا ىڭعايلاستىرىلىپ وتىر.

جامبىل وبلىسى اكىمدىگىنىڭ 2018 جىلعى 11 جەلتوقسانداعى ««Ekojer» جشس-نە ۋاقىتشا وتەۋلى جەر پايدالانۋ (جالداۋ) قۇقىعىمەن جەر ۋچاسكەسىن قىسقا مەرزىمگە بەرۋ تۋرالى» №254 قاۋلىسىمەن «Ekojer» جشس-نە جامبىل اۋدانى كولقاينار اۋىلدىق وكرۋگى جەرىنەن امەريكاندىق تەحنولوگيا نەگىزىندە ونەركاسىپتىك جانە تۇرمىستىق قالدىقتاردى قايتا وڭدەيتىن زاۋىتتىڭ قۇرىلىسىن جۇرگىزۋ جانە قىزمەت كورسەتۋ ءۇشىن جالپى 20،0 گەكتار جەر ۋچاسكەسى 5 جىل ۋاقىتشا وتەۋلى جەر پايدالانۋ (جالداۋ) قۇقىعىمەن قىسقا مەرزىمگە بەرىلگەن.

ال، ءۇشىنشى "TARAZLING" ج ش س سۇيىتىلعان تابيعي گازدى (مەتان) وندىرۋگە كۇش سالماق. جوبانىڭ قۇنى – 891،0 ملن.تەڭگە. جوبانىڭ جىلدىق قۋاتتىلىعى – 18000 توننا. جوبا بويىنشا 50 جاڭا جۇمىس ورىندارى اشىلادى. ىسكە اسىرۋ مەرزىمى 2020 جىلدىڭ ەكىنشى جارتى جىلدىعىنا جوسپارلانىپ وتىر. بۇگىنگى كۇنگە جەر قاتىناستارى بولىمىمەن جەر تەلىمىن ءبولۋ ماسەلەسى قاراستىرىلۋدا.

بۇدان بولەك، 2019 جىلدىڭ اقپان ايىندا جامبىل وبلىستىق ايماقتىق ۇيلەستىرۋ كەڭەسىنە قوسىمشا 2 جوبا ۇسىنىلعان بولاتىن.

ولاردىڭ قاتارىندا «ءدامدى سەبەت» ج ش س ۇسىنعان «ۇننان جاسالعان كونديتەرلىك ونىمدەردى ءوندىرۋدى ۇيىمداستىرۋ» جوباسىنىڭ قۇنى 320 ملن. تەڭگە. جىلدىق قۋاتتىلىعى 2160 توننا ۇن ونىمدەرى. ناتيجەسىندە 105 جاڭا جۇمىس ورىندارى اشىلادى دەپ جوسپارلانۋدا. ىسكە اسىرۋ مەرزىمى 2020 جىلدىڭ ەكىنشى جارتى جىلدىعىنا جوسپارلانىپ وتىر.

سول سياقتى «تاراز-ونەرپاز» ج ش س «تاراز قالاسىنىڭ يندۋستريالدىق ايماعىندا لوگيستيكالىق، تەحنيكالىق قىزمەت كورسەتۋ جانە ارنايى تەحنيكانى، جولاۋشىلار مەن جۇك كولىكتەرىن جوندەۋ بويىنشا وندىرىستىك قىزمەتتى ۇيىمداستىرۋ» جوباسىن ۇسىنىپ وتىر. ونىڭ قۇنى 120 ملن. تەڭگە، جىلدىق قۋاتتىلىعى 504 كولىككە قىزمەت كورسەتىلەدى، 21 جاڭا جۇمىس ورىندارى اشىلادى دەپ جوسپارلانۋدا. ال ىسكە اسىرۋ مەرزىمى 2020 جىلدىڭ ەكىنشى جارتى جىلدىعىنا جوسپارلانىپ وتىر.