جامبىل وبلىسى اكىمدىگىنىڭ كاسىپكەرلىك جانە يندۋستريالدى يننوۆاسيالىق دامىتۋ باسقارماسىنىڭ جانىنداعى الەۋەتتى ينۆەستورلارعا قىزمەت كورسەتۋ ورتالىعىمەن بىرلەسە «قاراپايىم زاتتاردىڭ ەكونوميكاسى» باعىتىن دامىتۋ ماقساتىندا، بيزنەس-جوبالاردى ىزدەستىرۋ جۇمىستارى جۇرگىزىلۋدە. باعدارلامانى جۇزەگە اسىرۋ ماقساتىندا وتاندىق كاسىپورىندارعا 600 ميلليارد تەڭگە كولەمىندەگى قولجەتىمدى كرەديتتىڭ ايرىقشا شارتتارى مەن تەتىكتەرى ايقىندالعان. ونىڭ 400 ميلليارد تەڭگەسى وڭدەۋ ونەركاسىبىنە، ال 200 ميلليارد تەڭگەسى اگرو ونەركاسىپ كەشەنىندەگى ءوندىرىس پەن قايتا وڭدەۋگە باعىتتالماق. جەڭىلدەتىلگەن نەسيە بويىنشا ەكىنشى دەڭگەيلى بانكتەر كاسىپكەرلەرگە 7 جىلعا 15 پايىزبەن نەسيە بەرەدى. قايتا وڭدەۋ جوبالارى بويىنشا ونىڭ 7 پايىزى «دامۋ» قورى ارقىلى سۋبسيديالانادى، ال، اگروونەركاسىپتىك كەشەندەگى ءوندىرۋ بويىنشا ونىڭ 10 پايىزى اۋىل شارۋاشىلىعى باسقارماسى ارقىلى سۋبسيديالانادى. سوندا ءىس جۇزىندە كاسىپكەرلەر نەسيەنى 8 جانە 5 پايىزبەن وتەيدى.

ءبىر ايتا كەتەرلىگى، اتالعان باعدارلاما بويىنشا كرەديتتىڭ ەڭ جوعارعى سوماسى شەكتەلمەگەن. باعدارلاما بويىنشا حالىق كۇندەلىكتى تۇتىناتىن 365-كە جۋىق تاۋاردى وندىرۋگە جانە كولەمىن ارتتىرۋعا مۇمكىندىك بەرەدى. اتالعان تاۋارلاردىڭ قاتارىندا، كوستيۋم، كويلەك، توسەك جابىندىسى، شۇلىق، اياق كيىم، كىلەم، ۇستەل، ورىندىق سىندى تاۋارلار بار.

- «اتامەكەن» ۇلتتىق كاسىپكەرلىك پالاتاسى قالا اكىمدىگىنىڭ كاسىپكەرلىك، ونەركاسىپ جانە تۋريزم بولىمىنە ءتۇسىندىرۋ جۇمىستارىن جۇرگىزۋ ءۇشىن جالپى 1333 كاسىپكەرلەردىڭ ءتىزىمىن جولداعان بولاتىن. بۇگىنگى تاڭدا 899 كاسىپكەرلەرمەن ساۋالناما جۇرگىزىلسە، قالعان 434 كاسىپكەرمەن جۇمىستار جۇرگىزىلۋدە.

بۇگىنگى كۇنگە كاسىپكەرلىك سالاسى بويىنشا 9،7 ملرد. تەڭگەگە 165 جوبا «اتامەكەن» كاسىپكەرلەر ۇلتتىق پالاتاسىنا ۇسىنىلىپ، ونىڭ ىشىندە 4 جوبا 205،0 ملن. تەڭگەگە قارجىلاندىرۋ ءۇشىن ماقۇلداندى. ولار: جك «قىلىشبەكوۆا» مال وسىرۋگە 50،0 ملن. تەڭگە، جك «كوجابەكوۆا» تون تىگۋگە 110 ملن. تەڭگە، جك «جۋمابەكوۆا» بالاباقشا اشۋعا 18 ملن. تەڭگە، «مark of perfeسtion» ماكارون ءوندىرىسىن شىعارۋعا 27 ملن. تەڭگە. بۇل جوبالار ىسكە اسىرىلعان جاعدايدا 40 جاڭا جۇمىس ورنىن اشىلاتىن بولادى. قالعان 161 جوبانى «اتامەكەن» كاسىپكەرلەر ۇلتتىق پالاتاسى تاراپىنان ەكىنشى دەڭگەيلى بانكتەرگە ۇسىنۋ ءۇشىن زەردەلەۋ جۇمىستارى جۇرگىزىلۋدە،-دەيدى تاراز قالاسىنىڭ اكىمى ق.دوسايەۆ.