كەيىنگى جىلدارى تاراز قالاسى ادام تانىماستاي وزگەرىپ كەلەدى. شاھاردىڭ ساۋلەتىمەن قاتار داۋلەتى دە ارتا تۇسۋدە. مىسالى، 2019 جىلدىڭ قاڭتار-تامىز ايلارىندا قالا كاسىپورىندارى 183 ميلليارد 998،4 ميلليون تەڭگەنىڭ ونىمدەرىن ءوندىرىپ، فيزيكالىق يندەكس كولەمى 104،6 پايىزدى قۇرادى. وتكەن جىلمەن سالىستىرعاندا 29 ميلليارد 929،9 ميلليون تەڭگەگە ارتىق ءونىم وندىرىلگەن. حالىقتىڭ جان باسىنا شاققانداعى ونەركاسىپ ءوندىرىسىنىڭ كولەمى 514،1 مىڭ تەڭگە بولىپ قالىپتاستى.

ونەركاسىپ قۇرىلىمىنىڭ بارلىق سالالارى بويىنشا دا كورسەتكىشتەر كوڭىل كونشىتەرلىكتەي. مىسالى، وڭدەۋ ونەركاسىبىندە 149 ميلليارد 830،8 ميلليون تەڭگەگە ءونىم ءوندىرىلىپ، ناقتى كولەم يندەكسى 107،9 پايىزدى قۇراعان.

ال كەن ءوندىرۋ جانە كارەرلەردى قازۋ ونەركاسىبىندە 422،8 ميلليون تەڭگە ءنى قۇرادى. سونىمەن قاتار ەلەكترمەن جابدىقتاۋ، گاز بەرۋ سالاسىندا 31 ميلليارد 832،4 ميلليون تەڭگە نەمەسە ناقتى كولەم يندەكسى 101،5 پايىز كولەمىندە قالىپتاسىپ وتىر.

سول سياقتى سۋمەن جابدىقتاۋ، كارىز جۇيەسى، قالدىقتاردىڭ جينالۋىن جانە تاراتىلۋىن باقىلاۋ سالاسىندا 1 ميلليارد 912،3 ميلليون تەڭگەنى نەمەسە ناقتى كولەم يندەكسى 115،6 پايىزدى قۇرادى.

حيميا سالاسى قالاداعى جالپى ونەركاسىپ ءوندىرىسىنىڭ نەگىزىن قۇراۋشى بولىپ تابىلادى. بۇل سالاداعى «كازفوسفات» ءجشس-نىڭ جاڭاجامبىل فوسفور جانە مينەرالدى تىڭايتقىشتار زاۋىتتارىن قوسا العاندا، جالپى 94 ميلليارد 931،8 ميلليون تەڭگەنىڭ ونىمدەرىن وندىرگەن. بۇل كورسەتكىش 2018 جىلى 70 774،6 ميلليون تەڭگە بولعان ەدى. ياعني، وتكەن جىلدىڭ ەسەپتى كەزەڭىمەن سالىستىرعاندا 24 ميلليارد 157،2 ميلليون تەڭگەگە ارتىق ءونىم ءوندىرىپ وتىر. جالپى ونەركاسىپتەگى شىعارىلعان ونىمىندەگى ولاردىڭ ۇلەس سالماعى 51،6 پايىزدى قۇرادى.

ەسەپتى كەزەڭدە ءونىم كولەمىنىڭ ناقتىلاي كورسەتكىشى بويىنشا 1 ميلليون 3،1 مىڭ تونناعا ءونىم ءوندىرىلىپ، وتكەن جىلمەن سالىستىرعاندا 196 مىڭ تونناعا ارتىپ وتىر. ونىڭ ىشىندە، نەگىزگى ونىمدەرىن اتاپ وتەتىن بولساق: مايدا تاراتىلعان فوسفور 41،3 مىڭ تونناعا، سارى فوسفور 7،9 مىڭ تونناعا، امموفوس 50،8 مىڭ تونناعا ارتسا، ناتريي تريپوليفوسفاتى 2،9 مىڭ تونناعا، فوسفور قىشقىلى 3،3 مىڭ تونناعا جانە ازىق تريكالسيي فوسفاتى 6،5 مىڭ تونناعا كەمىگەن. فوسفوس كاليي تىڭايتقىشى وتكەن جىلدىڭ دەڭگەيىندە ساقتالعان. ال، كۇكىرت قىشقىلىن 2018 جىلى وندىرمەسە اعىمداعى جىلدىڭ ەسەپتى كەزەڭىندە 108،7 مىڭ توننا وندىرگەن.