ەلباسى-قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆ ازاتتىقتىڭ العاشقى جىلدارىنان ءبىلىم سالاسىن دامىتۋ ماسەلەسىنە ايرىقشا نازار اۋدارىپ، بۇل باعىتتا باياندى باعدارلامالاردىڭ قابىلدانۋىنا، كەشەندى شارالاردىڭ قولعا الىنۋىنا ىقپال ەتىپ كەلەدى. مەملەكەت باسشىسى قاسىم-جومارت توقايەۆ تا ۇرپاق تاربيەسىنە جان-جاقتى كوڭىل ءبولىپ، ۇكىمەتكە ناقتى تاپسىرمالار بەرۋدە. پرەزيدەنت «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا دا سالاعا سەرپىلىس سىيلايتىن قاداۋ-قاداۋ مىندەتتەردى ايقىندادى.

2017-2018 وقۋ جىلىندا «ءبىلىم بەرۋ ۇيىمدارى قىزمەتكەرلەرىنىڭ تيىمدىلىگىن باعالاۋ» رەيتينگىسىنىڭ ناتيجەسىندە سارىسۋ اۋدانىنداعى شاعىن جيناقتالعان مەكتەپتەر اراسىندا ەڭ جوعارى كورسەتكىشكە يە بولعان جارىلقاسىن وتاربايەۆ اتىنداعى ورتا مەكتەبى وبلىستان «ەڭ ۇزدىك شاعىن جيناقتالعان مەكتەپ» نوميناسياسى بويىنشا ماراپاتتالسا، اۋداندا «يننوۆاسيالىق رەجيمىندەگى مەكتەپ» نوميناسياسىن مۇحتار اۋەزوۆ اتىنداعى مەكتەپ-گيمنازياسى يەلەندى.

بۇگىنگى تاڭدا ءبىلىم بەرۋ جۇيەسىندەگى باسىم باعىتتارىنىڭ ءبىرى – جاڭاشا يننوۆاسيالىق كوپتىلدى ءبىلىم بەرۋ مودەلىن قۇرۋ بولىپ تابىلادى. عىلىم مەن تەحنيكانىڭ قارقىندى دامۋى تىلدەردى ەركىن مەڭگەرۋ سۇرانىسىن جوعارىلاتىپ، تەوريالىق جانە پراكتيكالىق ءبىلىمدى تەرەڭ دە ساپالى مەڭگەرۋ شەبەرلىگى مەن داعدىسىن تالاپ ەتىپ وتىر. ءۇش تىلدە ءبىلىم بەرۋگە كوشۋدە قازىرگى تاڭدا اۋدان بويىنشا س1 دەڭگەيىن 3 ءمۇعالىم، ۆ1، ۆ2 دەڭگەيلىك كۋرسىن 29 ءمۇعالىم، ا1،ا2 دەڭگەيىن اياقتاعان 18 پەداگوگ وقىپ، بارلىعى 50 پەداگوگ تىلدىك كۋرسىنان ءوتىپ، ءوز بىلىمدەرىن جەتىلدىرسە، 2019 جىلدىڭ 25 اقپان مەن 20 قاراشا ارالىعىندا ا1،ا2،ۆ1،ۆ2 دەڭگەيىن 29 پەداگوگ وقىپ جاتىر.

2018 جىلدىڭ قىركۇيەك ايىنان باستاپ جاراتىلىستانۋ پاندەرى (حيميا، بيولوگيا، فيزيكا، ينفورماتيكا) بويىنشا 13 مەكتەپتىڭ كۋرستان ءوتىپ كەلگەن 21 ءمۇعالىم 8ء-شى سىنىپتاردا 328 وقۋشىعا ءينۆارياتيۆتى ساعاتتار ەسەبىنەن اعىلشىن تىلىندە ساباق بەرۋدە. ا1، ا2 دەڭگەيىن بىتىرگەن 29 ءمۇعالىم 5-8 سىنىپتار ارالىعىندا 29 سىنىپتا 427 وقۋشىعا تاڭداۋ ءپانى ەسەبىنەن ساباق بەرەدى. بارلىعى 755 وقۋشى قامتىلدى.

بالا جانىنىڭ باعبانى اتالاتىن ۇستازدار قاۋىمىنا جۇكتەلەتىن مىندەت پەن زاماناۋي تالاپ تا كۇننەن-كۇنگە ارتىپ وتىر. قازىرگى زاماناۋي پەداگوگ – سىن تۇرعىسىنان ويلايتىن، تەوريالىق ءبىلىمى تەرەڭ، وقىتۋدىڭ قازىرگى زامانعى ادىستەرىن جەتىك بىلەتىن، ساندىق تەحنولوگيالار مەن ينتەرنەت-رەسۋرستاردى ەركىن مەڭگەرگەن جاڭا قوعامنىڭ ۇستازى. ۇستازدىق شەبەرلىگىن جەتىلدىرۋ ماقساتىندا سارىسۋلىق مۇعالىمدەر ۇنەمى ىزدەنىس ۇستىندە. قازىرگى تاڭدا 1030 پەداگوگ جاڭارتىلعان مازمۇنى بويىنشا بىلىكتىلىكتى ارتتىرۋ كۋرستارىنان ءوتتى. ونىڭ ىشىندە: 33 مەكتەپ ۇيلەستىرۋشىلەرى، 27 مەكتەپ باسشىلارى، 45 ديرەكتوردىڭ ورىنباسارى، 86 مەكتەپ ترەنەرى، 839 ءپان ءمۇعالىمى.

2013-2018 جىلدار ارالىعىندا (9 ايلىق) مەكتەپ باسشىلارىنىڭ بىلىكتىلىكتى ارتتىرۋ كۋرسىن اياقتاعان 21 ديرەكتور، 1 ديرەكتوردىڭ تاربيە ىسى-جونىندەگى ورىنباسارى وقىپ كەلدى. قازىرگى تاڭدا 2019 جىلدىڭ 21 قاڭتار مەن 27 جەلتوقسان ارالىعىندا 2 ديرەكتور مەكتەپ باسشىلارىنىڭ بىلىكتىلىكتى ارتتىرۋ كۋرسىندا ءوز بىلىمدەرىن جەتىلدىرۋدە.