ەلباسى ن.ءا.نازاربايەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا «ماقساتقا جەتۋ ءۇشىن ءبىزدىڭ سانامىز ىسىمىزدەن وزىپ ءجۇرۋ، ياعني ودان بۇرىن جاڭعىرىپ وتىرۋى ءتيىس. بۇل ساياسي جانە ەكونوميكالىق جاڭعىرۋدى تولىقتىرىپ قانا قويماي، ولاردىڭ وزەگىنە اينالادى» دەپ اتاپ كورسەتىلدى. بۇل مىندەتتەر ءاربىر قازاقستاندىققا، ونىڭ ىشىندە ۇستاز قاۋىمىنا دا تىكەلەي قاتىستى ەكەنى ءسوزسىز.

جىل وتكەن سايىن وتاندىق ءبىلىم بەرۋ سالاسى كوپتەگەن جاڭاشىلدىقپەن ەرەكشەلەنۋدە. «نازاربايەۆ زياتكەرلىك مەكتەپتەرى» دببۇ-نىڭ تاجىربيەسىن وقۋ ۇدەرىسىنە ەنگىزۋگە جانە پەداگوگيكالىق ىس-تاجىربيەسىن ناسيحاتتاۋ ماقساتىندا 2018-2019 وقۋ جىلىنىڭ قىركۇيەك ايىندا جامبىل وبلىسىنىڭ سارىسۋ اۋدانىندا 3 جەتەكشى مەكتەپ (شوقان ءۋاليحانوۆ اتىنداعى مەكتەپ –گيمنازيا، مۇحتار اۋەزوۆ اتىنداعى مەكتەپ-گيمنازياسى، ساكەن سەيفۋللين اتىنداعى ورتا مەكتەپ) بەكىتىلىپ، ءىس-شارا جوسپارى جاسالىنىپ، جۇمىستار جۇيەلى جۇرگىزىلدى. ورتا ءبىلىم بەرۋ مازمۇنىن جاڭارتۋ جاعدايىندا ءپان مۇعالىمدەرىنە ادىستەمەلىك قولداۋ كورسەتۋدە، تاجىريبە بولىسۋدە، اقپاراتتار الماسۋدا، وقۋ-تاربيە ۇدەرىسىن ءتيىمدى ۇيىمداستىرۋدا اۋداندا 7 «ادىستەمەلىك ترەنينگ»، 2 «اشىق ەسىك» كۇنى، 19 سەمينار، 7 ماستەر كلاسس، 47 اشىق ساباق وتكىزىلدى.

جامبىل وبلىسى اكىمدىگىنىڭ ءبىلىم باسقارماسىنىڭ باستاۋىمەن 2019 جىلدىڭ مامىر ايىنان باستاپ تاعى 3 مەكتەپ قوسىلىپ، جالپى 6 جەتەكشى مەكتەپ بەكىتىلدى. وقۋ-تاربيە ۇدەرىسىن ءتيىمدى ۇيىمداستىرۋ، اقپارات الماسۋ ماقساتىندا وبلىس ورتالىعىنداعى جوو-لار مەن نزم تاجىريبەسىن تاراتاتىن 6 جەتەكشى مەكتەپتىڭ اراسىندا ءوزارا ىنتىماقتاستىق تۋرالى مەموراندۋم جاسالىنىپ، اتقارىلاتىن ءىس-شارا جوسپارى قۇرىلدى. قازىرگى تاڭدا وسى 6 جەتەكشى مەكتەپكە 21 سەرىكتەس مەكتەپ بەكىتىلدى.

مۇعالىمدەردىڭ كاسىبي شەبەرلىگىن ارتتىرۋ ماقساتىندا وبلىستىق وقۋ ادىستەمەلىك كابينەتىنىڭ جانە اۋداندىق ءبىلىم ءبولىمى تاراپىنان بيىلعى وقۋ جىلىندا 16 دەسانت وتكىزىلدى. ادىستەمەلىك دەسانتتا مۇعالىمدەر كوۋچينگ (14)، اشىق ساباق (41)، شەبەرلىك سىنىپ (32)، دوڭگەلەك ۇستەلدەر (11) ارقىلى ءوز ىس-تاجىريبەسىمەن ءبولىستى.

بۇنداي ءىس-شارالاردىڭ تۇرلەرى اۋداندىق ادىستەمەلىك كابينەتىنىڭ ءىس-شارا جوسپارىنا سايكەس كوپتەپ وتكىزىلۋدە.

راسىندا دا دانا حالقىمىز «بىلەكتى ءبىردى جىعار، ءبىلىمدى مىڭدى جىعار» دەپ تەكتەن تەك ايتپاعان. بۇگىنگىدەي بوي ەمەس، وي جارىستىراتىن كەزەڭدە وسكەلەڭ ۇرپاققا ساپالى ءبىلىم، سانالى تاربيە بەرۋدىڭ ماڭىزى زور. بۇل تۇرعىدا سارىسۋلىق ۇستازدار مول تاجىريبەلەرىن ءتيىمدى پايدالانىپ، ايانباي ەڭبەك ەتۋدە.