ادامي كاپيتالدى دامىتۋ-مەملەكەت الدىندا تۇرعان باستى مىندەتتەردىڭ ءبىرى. بۇل تۋرالى ەلباسى نۇرسۇلتان نازاربايەۆ ۇنەمى ايتىپ كەلەدى. مەملەكەت باسشىسى قاسىم-جومارت توقايەۆ تا قازاقستان حالقىنا العاشقى جولداۋىندا ءبىلىم بەرۋ سالاسىنداعى باعىتتاردى باعدارلاپ، ۇلت كوشباسشىسىنىڭ سارا جولىن لايىقتى جالعاستىراتىندىعىن ايتتى. وسى ورايدا وسكەلەڭ ۇرپاقتى تاربيەلەپ وتىرعان ۇلاعاتتى ۇستازدارعا جۇكتەلەر جاۋاپكەرشىلىك جوعارى.

قازىرگى ءبىلىم بەرۋ جۇيەسىندە وقۋ باعدارلاماسىن، ادىستەمەلىك قۇرالداردى، ادىس-تاسىلدەردى، وقىتۋدىڭ تەحنولوگياسى مەن فورماسىن تاڭداۋ – پەداگوگتىڭ ءوزىن-وزى شىڭداۋىنا، شىعارماشىلىقپەن جۇمىس جاساۋىنا جول اشسا، ەكىنشى جاعىنان، پەداگوگ جۇمىسىنىڭ جوعارعى دەڭگەيدە، ناتيجەلى بولۋىن تالاپ ەتەدى. بۇل تۇرعىدا 2018 – 2019 وقۋ جىلىندا سارىسۋ اۋدانىنىڭ پەداگوگتارى 165 جەتىستىككە قول جەتكىزگەنىن ايتا كەتۋ كەرەك.

جالپى ءبىلىم بەرەتىن پاندەر بويىنشا وبلىستىق وليمپياداعا سارىسۋ اۋدانىنان بارلىعى 34 وقۋشى 13 پاننەن قاتىسىپ، ونىڭ بىرەۋى ەكىنشى، جەتەۋى ءۇشىنشى ورىنداردى يەلەندى (23،5%). تەرەڭ ءبىلىمىن كورسەتكەنى ءۇشىن 12 وقۋشى گراموتامەن ماراپاتتالدى.

مەكتەپتەگى ءبىلىم الۋشىلاردىڭ تانىمدىق قابىلەتىن ارتتىرۋ ماقساتىندا 2018-2019 وقۋ جىلىندا 5 مەكتەپتە ءتۇرلى باعىتتاعى جوبالار ەنگىزىلگەن. جالپى 5-11 سىنىپتاردان 570 وقۋشى قامتىلعان.

2019-2020 وقۋ جىلىندا اقتوعاي، ايتەكە بي، ابىلاي حان، ب.ادامبايەۆ، تۇگىسكەن ورتا مەكتەپتەرىندە ماتەماتيكا-جاراتىلىستانۋ، قولونەر، تاربيە، سپورت ەكولوگيا باعىتتارىن ەنگىزۋ جوسپارلانىپ وتىر. جالپى 5-11 سىنىپتاردان 420 وقۋشى قامتىلادى.

جالپى، اۋداندا بالالاردىڭ ءبىلىمىن شىڭداۋمەن قاتار ولاردىڭ ءوي-ورىسىن دامىتۋعا، دەمالىس كەزىندە ساۋىقتىرىلۋىنا لايىقتى جاعداي جاسالىپ كەلەدى. مىسالى، 2018-2019 وقۋ جىلىندا جازعى كانيكۋل كەزىندە اۋدانداعى بارلىق مەكتەپتە مەكتەپ جانىنداعى لاگەرلەر جۇمىس جۇرگىزدى.

جازعى ساۋىقتىرۋمەن 2018-2019 وقۋ جىلىندا 1-10 سىنىپتاردان 8365 وقۋشىنىڭ 7779 وقۋشىسى قامتىلدى، ياعني 93،0- دى قۇرايدى.

24 مەكتەپتە تاماقپەن ۇيىمداستىرىلاتىن لاگەردە 1053 وقۋشى (12،8%) ساۋىقتىرىلدى.

قالا سىرتىنداعى دەمالىس ورىندارىندا جازعى ساۋىقتىرۋعا 706 وقۋشى قامتىلدى. سونىمەن قاتار، 24 مەكتەپتە اتا-انالار ەسەبىنەن 450 بالا، ونىڭ ىشىندە «كازفوسفات» ج ش س، «قاراتاۋ» تاۋ-كەن وندەۋ كەشەنىنە قاراستى «جۇلدىز» ساۋىقتىرۋ لاگەرىندە (3 ماۋسىم) ءار ماۋسىمعا 150 بالادان دەمالدى.

جوعارىدا اتالعان ءوندىرىس وشاعىنىڭ دەمەۋشىلىگىمەن اتا-اناسىنىڭ قامقورلىعىنسىز قالعان مەكتەپ جاسىنداعى قامقورشىلىق پەن قورعانشىلىقتاعى 15 جەتىم بالاعا تەگىن جولداما ءبولىندى.

2019 جىلدىڭ جازعى دەمالىسى كەزىندەگى لاگەرلەردەگى ۇيىرمەلەرگە (مەكتەپ، تەكتەپتەن تىس، اۋلا كلۋبتارى) 4266 وقۋشى قامتىلسا، مەكتەپ جانىنداعى ەڭبەك جاساقتارىنا 700 بالا، تۋريستىك ساياحاتتار مەن ەكسكۋرسيالارعا 1472 بالا قامتىلدى.