قازاقستان رەسپۋبليكاسىنىڭ تۇڭعىش پرەزيدەنتى ن.نازاربايەۆتىڭ «بولاشاققا باعدار رۋحاني جاڭعىرۋ» باعدارلامالىق ماقالاسى اياسىندا جامبىل وبلىسىندا جەمىستى جۇمىستار اتقارىلۋدا. مىسالى، 2018-2019 وقۋ جىلىندا سارىسۋ اۋدانىنداعى ءبىلىم بەرۋ مەكەمەلەرىندە 121 ءىس-شارا وتكىزىلگەن. «رۋحاني جاڭعىرۋ» باعدارلاماسى اياسىندا 32 ەكسكۋرسيا ۇيىمداستىرىلىپ، اۋدان مەكتەپتەرىنەن 1980 وقۋشى قامتىلدى.

اۋدانداعى 5 مەكتەپتەن ءۆيرتۋالدى مۇراجاي اشىلدى. اتاپ ايتقاندا: جاڭاتاس قالاسىنداعى م.اۋەزوۆ مەكتەپ-گيمنازياسى، توعىزكەنت اۋىلىنداعى تۇگىسكەن ورتا مەكتەبى، جايىلما اۋىلىنداعى ايتەكە بي اتىنداعى ورتا مەكتەبى، ءا.بۇركىتبايەۆ اۋىلىنداعى م.اۋەزوۆ اتىنداعى ورتا مەكتەبى، يگىلىك اۋىلىنداعى شوقاي داتقا اتىنداعى ورتا مەكتەپ. سونداي-اق، شوقاي داتقا اتىنداعى ورتا مەكتەپتە، تۇگىسكەن ورتا مەكتەبىندە مەكتەپ ىشىنەن «رۋحاني جاڭعىرۋ» اياسىندا ارنايى مۇراجاي اشىلدى. «رۋحاني جاڭعىرۋ» باعدارلاماسى اياسىندا اتقارىلاتىن جوسپارعا سايكەس تاربيە ساعاتتارى، سەمينارلار، كەزدەسۋلەر، بايقاۋلار ۇيىمداستىرىلىپ، بولىمگە قاراستى مەكتەپتەردەن 1-11 سىنىپتان 8665 وقۋشى (100%) قامتىلدى.

اۋداندا بالالاردىڭ شىعارماشىلىق قابىلەتىن ارتتىرۋ ماقساتىندا 10 قوسىمشا ءبىلىم بەرۋ مەكەمەلەرى جۇمىس جاسايدى وندا 3657 بالا قامتىلعان نەمەسە 42،3%-دى قۇرايدى. باسقا دا مەكتەپتەگى جانە سپورت مەكتەپتەرىندەگى ۇيىرمەلەرگە –1101 وقۋشى (12،7%) قاتىسادى.

ءبىلىم باسقارماسى باسشىسى مەن اۋدان اكىمى اراسىنداعى 2019 جىلعى ينديكاتورلىق كورسەتكىش بويىنشا قوسىمشا بىلىممەن قامتىلعان وقۋشىلاردىڭ ۇلەسى 58% جەتۋ جوسپارلانۋدا.

زاماناۋي وقىتۋ مەن تاربيە ءۇردىسىنىڭ نەگىزگى يدەياسى وقۋشىلاردىڭ بەلسەندىلىگىن ارتتىرۋ، ىزدەنىمپازدىققا ۇيرەتۋ، ءبىلىمدى ءوز بەتىنشە الىپ، كۇندەلىكتى ومىردە قولدانا بىلەتىن دارىن يەسىن تاربيەلەۋ. بۇل وڭاي ءىس ەمەس، سەبەبى، جاس جەتكىنشەكتىڭ بويىنداعى ەرەكشە قابىلەتتىن، دارىندىلىعىن تاني ءبىلۋ، ونى ودان ءارى دامۋىنا باعىت-باعدار بەرۋ ۇلكەن شەبەرلىكتى تالاپ ەتەدى. بۇگىنگى تاڭدا، قوسىمشا ءبىلىم بەرۋ مەكەمەلەرىندەگى وقۋشىلاردىڭ، ۇستازداردىڭ جەتىستىكتەرىن اتاپ وتۋگە بولادى. سونىڭ ءبىرى، جاڭاتاس قالاسىنداعى بالالار ونەر مەكتەبىنىڭ وقۋشىلارى وركەستردەن الماتى قالاسىندا وتكەن ءىىى حالىقارالىق «جەتى ونەر» بايقاۋىندا باس جۇلدەنى يەلەندى.

«بۇلاق كورسەڭ كوزىن اش» دەيدى دانا حالقىمىز. شىنىندا دا جاس شىبىقتاي جەلكىلدەپ ءوسىپ كەلە جاتقان جەتكىنشەكتەرگە دۇرىس تاربيە بەرىلسە، ولاردىڭ بولاشاقتا ورنىقتى تۇلعا بولىپ قالىپتاساتىندىعى داۋسىز. بۇل تۇرعىدا ەلباسىنىڭ «بولاشاققا باعدار: رۋحاني جاڭعىرۋ» اتتى مازمۇندى ماقالاسىنىڭ بەرەرى مول.