قازاقستان رەسپۋبليكاسىنىڭ پرەزيدەنتى ق.توقايەۆتىڭ قازاقستان حالقىنا العاشقى جولداۋىندا ءمان بەرگەن ماڭىزدى ماسەلەلەردىڭ قاتارىندا ينفراقۇرىلىمدى دامىتۋ جايى دا بار. وسى ورايدا پرەزيدەنت «الداعى ءۇش جىل ىشىندە تۇرعىنداردى تازا اۋىز سۋمەن جانە سۋ جەتكىزۋمەن قامتاماسىز ەتۋگە شامامەن 250 ميلليارد تەڭگە بولىنەدى.

اتقارۋشى بيلىك ورگاندارى «نۇرلى جول» باعدارلاماسىن تولىق جانە ساپالى ىسكە اسىرۋعا باسا ءمان بەرۋى كەرەك.

بۇل – ستراتەگيالىق جوبا. سونىڭ ارقاسىندا بۇكىل كولىك ينفراقۇرىلىمى جاڭعىرتىلادى.

وسى ماقساتقا وراي، مەملەكەت 2022 جىلعا دەيىن 1،2 تريلليون تەڭگەدەن استام ينۆەستيسيا سالادى.

ۇكىمەت بۇعان دەيىن دە كوپ قاراجات بولگەن بولاتىن، ءبىراق ونىڭ كوبى قۇمعا سىڭگەن سۋداي جوق بولىپ كەتتى. اشىعىن ايتساق، شەنەۋنىكتەردىڭ قالتاسىنا كەتتى، ال تازا سۋ، جول جانە باسقا دا ينفراقۇرىلىمنىڭ جاعدايى ءالى دە سول كۇيىندە.

بۇل جولى ۇكىمەت پەن پارلامەنت ەسەپ كوميتەتىمەن بىرلەسىپ، بيۋدجەت قاراجاتىن تولىعىمەن ءتيىمدى پايدالانۋدى قامتاماسىز ەتۋى ءتيىس» دەپ اتاپ ءوتتى.

قازىرگى تاڭدا تاراز قالاسىندا بۇل باعىتتا جۇيەلى جۇمىستار اتقارىلۋدا. جالپى بيىل قۇرىلىس جۇمىستارىنىڭ كولەمى 20 ميلليارد 9،4 ميلليون تەڭگەنى نەمەسە ناقتى كولەم يندەكسى 103،0 پايىزدى قۇرادى بۇل وتكەن جىلمەن سالىستىرعاندا 1 ميلليارد 321،9 ميلليون تەڭگەگە ارتىپ وتىر.

2019 جىلى مەملەكەت بيۋدجەتىنەن جالپى سوماسى 30 ملرد. 707،8 ملن. تەڭگەگە 101 نىساننىڭ قۇرىلىسىن جۇرگىزۋ قاراستىرىلعان. ونىڭ ىشىندە 22 نىساننىڭ قۇرىلىسى 2020 جىلعا وتپەلى.

اعىمداعى جىلى «وڭىرلەردى دامىتۋدىڭ 2020 جىلعا دەيىنگى» باعدارلاماسى اياسىندا ءبىرقاتار جوبالار جۇزەگە اسىرىلۋدا.

اتاپ ايتقاندا كيرپيچنيك، قانت زاۋىتى جانە بارىسحان اۋماعىنداعى القاپتارىن ۇزدىكسىز اۋىز سۋمەن قامتاماسىز ەتۋ ءۇشىن ساڭىراق باتىر كوشەسىنەن سوروكين كوشەسىنە دەيىنگى بايزاق باتىر كوشەسىنىڭ بويىنداعى سۋ تارقىشتىڭ قۇرىلىسى 2020 جىلى اياقتالادى.

ال «بارىسحان» القابىن ەلەكترمەن قامتاماسىز ەتۋ جوباسى اياقتالدى.

سونىمەن قاتار №8،9،10،11 مولتەك اۋداندارىن جانە "كوكتەم" القابىن ۇزدىكسىز اۋىز سۋمەن قامتۋ ءۇشىن ى.دۇكەن ۇلى كوشەسىندەگى ەكى سۋ جۇيەسىن قايتا جاڭعىرتۋ جۇمىستارى جۇرگىزىلۋدە.

بۇدان بولەك شالعاي قاراسۋ القابىنىڭ مولداربەكوۆ كوشەسى، مولداربەكوۆ كوشەسىنىڭ 2ء-شى بۇرىلىسى، سەنترالنايا كوشەسى، سەنترالنايا كوشەسىنىڭ 1ء-شى بۇرىلىسى سۋ جۇيەلەرىنىڭ قۇرىلىسى بويىنشا «تاراز سۋ» كمك-نىڭ جارعىلىق كاپيتالىن ۇلعايتۋعا 100،0 ملن. تەڭگە قاراستىرىلىپ، 2020 جىلى اياقتاۋ كوزدەلۋدە.