قالالاردا ورنالاسقان كوپقاباتتى تۇرعىنۇيلەردى جوندەۋ ماسەلەسى كوپ جىلداردان بەرى كۇن تارتىبىنەن تۇسپەي كەلدى. شاتىردان سۋ اعىپ، جەرتولەلەر ىستەن شىعىپ، جەرگىلىكتى جۇرتشىلىقتىڭ شامىنا تيگەنى جاسىرىن ەمەس. ال مەملەكەت جەكە يەلىكتەگى پاتەرلەردى قالپىنا كەلتىرۋگە قاراجات بولە المايدى. دەيتۇرعانمەن بۇل ماسەلەلەر تۇرعىنۇي-كوممۋنالدىق شارۋاشىلىقتى جاڭعىرتۋدىڭ مەملەكەتتىك باعدارلاماسى اياسىندا وڭ شەشىمىن تابا باستادى. كەيىنىرەك بۇل باعىتتاعى جۇمىستار وڭىرەردى دامىتۋدىڭ 2020 جىلعا دەيىنگى باعدارلاماسى شەڭبەرىندە قارقىن الا ءتۇستى.

بۇگىنگى كۇنى تاراز قالاسى بويىنشا تۇرعىن ءۇي قورىنا كىرەتىن 1298 كوپپاتەرلى تۇرعىن ۇيلەر بار. ونىڭ ىشىندە ءبىر قاباتتى باراك تيپتەس 151، ەكى قاباتتى 205، ءۇش قاباتتى 21، ءتورت قاباتتى 164، بەس قاباتتى 732، التى قاباتتى 2، جەتى قاباتتى 1، توعىز قاباتتى 16، ون قاباتتى 5، ون ەكى قاباتتى 1 ءۇي بار.

كوندومينيۋم نىسانى رەتىندە ادىلەت باسقارماسىندا 981 كوپ پاتەرلى تۇرعىن ءۇي تىركەلگەن نەمەسە 85،5 پايىزدى قۇرايدى. بۇگىنگى كۇنگە جالپى 166 تۇرعىن ۇيلەردى كوندومينيۋم وبەكتىسى رەتىندە ادىلەت باسقارماسىنا تىركەۋدى قاجەت ەتەدى.

قالاداعى كوپ پاتەرلى تۇرعىن ۇيلەرگە 939 قۇرال ورناتۋدى قاجەت ەتەدى. بۇگىنگى كۇنگە، جالپى 874 قۇرال ورناتىلعان. بۇل 93 پايىزدىق قامتىلۋدى كورسەتەدى. ونىڭ ىشىندە: «جامبىل-جىلۋ» مكك 90 قۇرال، «تەمىرجول-جىلۋ» مكك 19 قۇرال، «سوفيا» ج ش س 1 قۇرال، «ت.ي.باتۋروۆ اتىنداعى جگرەس» اق 8 قۇرال جانە «تارازترانسەنەرگو» مكك 756 قۇرال ورناتقان.

جالپى، وڭىرلەردى دامىتۋدىڭ 2020 جىلعا دەيىنگى باعدارلاماسىنىڭ تۇرعىن ءۇي قورىن قايتا جاڭعىرتۋ تەتىگىن ىسكە اسىرۋ باستالعان كەزەڭدە، 516 كوندومينيۋم نىساندارى كۇردەلى جوندەۋدى قاجەت ەتكەن بولسا، 2011-2015 جىلدارى رەسپۋبليكالىق بيۋدجەت ەسەبىنەن جالپى 2 ميلليارد 158 ميلليون تەڭگە قاراجات بولىنگەن. وسى قاراجات ەسەبىنەن جانە 748،0 ميلليون تەڭگە قايتارىم قاراجات ەسەبىنەن 2011-2018 جىلدارى ارالىعىندا 221 ءۇي جوندەۋدەن وتكەن. ونىڭ ىشىندە 114 ۇيگە كۇردەلى، 107 ۇيگە اعىمداعى جوندەۋ جۇمىستارى جۇرگىزىلدى.

ال، 2019 جىلى قالا بيۋدجەتىنەن 545،5 ميلليون تەڭگەگە 19 ءۇي جانە قايتارىم قاراجات ەسەبىنەن 5 ءۇي، ياعني 24 ۇيگە كۇردەلى جوندەۋ جۇمىستارى جۇرگىزىلەتىن بولادى. اتاپ ايتقاندا «جايلاۋ» مولتەك اۋدانىنداعى №2،5ا،9 ۇيلەر، «كاراتاۋ» مولتەك اۋدانىنداعى №14،29،33 ۇيلەر؛ «تالاس» مولتەك اۋدانىنداعى №12،14،18 ۇيلەر تولىقتاي جاڭعىرتىلادى. سونىمەن قاتار «سامال» مولتەك اۋدانىنداعى №31،49،25،50 ۇيلەر؛ «مىڭبۇلاق» مولتەك اۋدانىنداعى №51،53 ۇيلەر؛ «سالتانات» مولتەك اۋدانىنداعى №18،30 ءۇي؛ «اقبۇلاق» مولتەك اۋدانىنداعى №12،6 ۇيلەر، «قاراسۋ» مولتەك اۋدانى №6 ءۇي، «الاتاۋ» مولتەك اۋدانى №12،49 ءۇي، رىسبەك باتىر كوشەسىندەگى 9 ۇيلەر كۇردەلى جوندەۋ كورمەك.

2019 جىلعى 1 قىركۇيەكتەگى جاعداي بويىنشا پاتەر يەلەرىنەن قايتارىلعان قاراجات 1 ميلليارد 291،9 ميلليون تەڭگەنى قۇراعان.