قازاقستان حالقى اسسامبلەياسىنىڭ رمم «قوعامدىق كەلىسىم» تاپسىرماسى بويىنشا جامبىل وبلىسىندا «جاستاردىڭ التىن بەسىگى» اتتى «قازاقستاننىڭ 100 جاڭا ەسىمى» جوباسىنىڭ كانديداتتارى مەن جەڭىمپازدارى بايزاق اۋدانى سارىكەمەر اۋىلدىق وكرۋگىنىڭ جاستارىمەن كەزدەستى، دەپ جازادى Qamshy.kz اقپارات اگەنتتىگى. جاستار جىلى اياسىندا وتكەن جيىنعا جامبىل وبلىستىق ءماسليحاتىنىڭ ءۇشىنشى، ءتورتىنشى جانە بەسىنشى شاقىرىلىمدارىنىڭ دەپۋتاتى، قوعامدىق كەڭەستىڭ ءتوراعاسى سەمبەك سەيدازيموۆ ابەتايەۆيچ، جامبىل وبلىسى اكىمدىگىنىڭ دەنساۋلىق ساقتاۋ باسقارماسى جامبىل وبلىستىق قان ورتالىعى" شارۋاشىلىق جۇرگىزۋ قۇقىعىنداعى مەملەكەتتىك كوممۋنالدىق كاسىپورنىنىڭ ديرەكتورى، قازاقستان حالقى اسسامبلەياسىنىڭ مۇشەسى، جامبىل وبلىسى جامبىل اۋدانى اسا اۋىلىنىڭ "اينالايىن" بالالار-جاسوسپىرىمدەر ورتالىعى "جاستار كلۋبى" قوعامدىق بىرلەستىگىنىڭ ءتورايىمى رازاكوۆا ايگۋل اشيموۆنا قاتىسىپ، جاستارمەن جەتىستىككە جەتۋدىڭ جولى جايلى ويلارىمەن ءبولىسىپ، ءبىلىم باسەكەسىندە وزىق بولۋعا شاقىردى.

جانىنا راحات سىيلاماعان مەيرامحانادان باس تارتىپ، بالالارعا ارنالعان تەگىن مەكتەپ اشقان رازاكوۆا ايگۋل اشيموۆنا: - «100 جاڭا ەسىم تىزىمىنە كىرەمىن دەپ ويلامادىم. مەن تەك وزىمە باقىت سىيلايتىن جۇمىسپەن اينالىستىم. جانە سول ەڭبەگىم وسىنداي جەڭىسكە جەتكىزدى. جاس كەزىمىزدە 90-جىلدارى جولداسىم ەكەۋمىز 3 بولمەلى ۋيىمىزدەن بالالارعا ارنالعان تەگىن مەكتەپ اشتىق. مەكتەپتىڭ شىعىنىن ءوزىم كۋنىنە 4-5 شۇلىق، 1 جەمپىر توقىپ وتەدىم. سولاي مەكتەپتە بىرنەشە ۇيىرمەلەر اشتىق. قازىرگى ۋاقىتتا ورتالىعىمىزداعى 9-سىنىپ وقۋشىسى بي ونەرىنەن «قازاقستان رەكوردتار» كىتابىنا ەندى. مەنىڭ ايتقىم كەلگەنى سەندەردىڭ ءارقايسىلارىڭ وسى «100 ەسىمنىڭ» قاتارىندا بولۋعا لايىقتىسىڭدار. تەك جاس كەزدەرىڭدى بوس ىستەرمەن اۋرەلەمەي، قازىرگى كەزدىڭ وزىندە ۇلكەن جەتىستىككە جەتە الاتىندارىڭدى تۇسىنسەڭدەر دەيمىن.

وسكەلەڭ ۇرپاقتىڭ ساناسىندا الەۋمەتتىك جاۋاپكەرشىلىكتى، ءپاتريوتيزمدى نىعايتعا باعىتتالعان كەزدەسۋدەن جاستاردىڭ العان اسەرى ەرەكشە. № 3 بايزاق كوللەدجىنىڭ ستۋدەنتى مىڭجاسار نۇرقاسىم جامبىل ۇلى كەزدەسۋدەن العان تالىمىمەن ءبولىستى: - «بۇگىنگى كەزدەسۋدەن كوللەدجىمىزدىڭ جاستارى ەرەكشە اسەر الدى. جيىنعا قاتىسىپ، تاعىلىمدى دۇنيەلەر ايتىپ جاستاردى جىگەرلەندىرگەن قوعام قايراتكەرلەرىنە ەرەكشە العىس ايتامىز. الداعى ۋاقىتتا وسىنداي كەزدەسۋلەر ءجيى ۇيىمداستىرىلسا ءبىز تەك قۋانامىز!»

شارا ناتيجەسىندە جاستار ءبىلىم-عىلىم سالاسىندا جەتىستىككە جەتىپ، ءوز ىستەرىنىڭ شەبەرى اتانعان كەيىپكەرلەرمەن اشىق اڭگىمەلەسە وتىرىپ «قازاقستاننىڭ 100 جاڭا ەسىمى» جوباسى جەڭىمپازدارىنىڭ ناقتى جەتىستىكتەرىمەن تانىسىپ، بولاشاققا باعدار الدى.