مەملەكەتىمىز ەشقاشان جاستاردى نازاردان تىس قالدىرعان ەمەس. سونداي-اق مەكتەپ وقۋشىلارىنا دا قولدان كەلگەن قامقورلىقتى اياماۋدا. سونداي ىگىلىكتىڭ ءبىرى – «مەكتەپكە جول» اكسياسى. اكسيا اياسىندا جاڭا وقۋ جىلىنا دەيىن مىڭداعان مەكتەپ وقۋشىلارى دەمەۋشىلەر مەن مەكەمەلەر تاراپىنان وقۋعا قاجەتتى قۇرالدارمەن قامتىلسا، ءقازىر دە بۇل باستاما جالعاسىن تابۋدا، دەپ جازادى Qamshy.kz اقپارات اگەنتتىگى. 

ماسەلەن جامبىل وبلىسى قورداي اۋدانىندا وسى تاڭعا دەيىن باعدارلاماعا باس-اياعى 2372 بالا قامتىلعان. ونىڭ ىشىندە 700 بالاعا 32450 تەڭگەدەن جەرگىلىكتى بيۋدجەت ەسەبىنەن 22 ملن. 715 مىڭ تەڭگە بولىنسە، 1672 بالاعا بيۋدجەتتەن تىس دەمەۋشىلەر تاراپىنان 9 ملن. 310 مىڭ 590 تەڭگەگە كومەك كورسەتىلىپ، مەكتەپ فورماسى، اياق-كيىم، سپورتتىق كيىم جانە قاجەتتى وقۋ قۇرالدارى الىنعان. اكسيا بارىسىندا گۆاردەيسكيي قالاشىعىندا، قورداي اۋىلىندا اۋدان اكىمدىگىنىڭ ونەركاسىپ جانە كاسىپكەرلىك ءبولىمى جانە اۋداندىق قوعامدىق كەڭەسپەن بىرلەسە مەكتەپ جارمەڭكەسى ۇيىمداستىرىلىپ، وندا مەكتەپ فورماسى، وقۋلىقتار، سومكەلەر، كەڭسە زاتتارى، اياق-كيىم، كۇرتەشەلەر تومەندەتىلگەن باعامەن ساتىلعان.

جاڭا وقۋ جىلىنان باستاپ «اتامەكەن» قوعامدىق قورىنىڭ «مەكتەپكە جول» پلاتفورماسى www.atamekenim.kz پورتالى جىل بويى جۇمىس ىستەيدى، ياعني كومەككە مۇقتاج ازاماتتار اتالعان پلاتفورماعا تىركەلۋ، ال دەمەۋشىلەر اقشالاي قاراجاتتى ونلاين-اۋدارۋ ارقىلى كومەك كورسەتە الادى.

بيىلعى 2019-2020 وقۋ جىلى قارساڭىندا «جۇرەكتەن جۇرەككە!» ۇرانىمەن وتكەن «مەكتەپكە جول» اكسياسىنا بەلسەنە ارالاسىپ، بالا باقىتىن، قۋانىشىن ەسەلەي تۇسكەن اۋداننىڭ جەكە كاسىپكەرلەرى، شارۋا قوجالىقتارى، اۋداندىق ماسليحات ۇجىمى، اۋداندىق «Nur Otan» پارتياسىنىڭ فيليالى، اۋدان اكىمدىگىنىڭ بولىمدەرى، ءبىلىم ءبولىمىنىڭ كاسىپوداق ۇيىمى، ءبىلىم بولىمىنە قاراستى مەكەمەلەر، اۋداندىق مەملەكەتتىك كىرىستەر باسقارماسى، اۋداندىق پوشتا تورابى، «ۆەتەريناريالىق قىزمەت» كمم، اۋداندىق «قورداي شامشىراعى» گازەتى، ستاتيستيكا ءبولىمى، اۋداندىق مۇراعات، اۋداندىق قورعانىس ىستەرى جونىندەگى ءبولىمى، اۋداندىق توتەنشە جاعدايلار قىزمەتى، «قورداي سۋ» كمك، «تۇرعىن ۇي-كوممۋنالدىق شارۋاشىلىعى جونىندەگى كاسىپورنى» شجق كم، جاستار رەسۋرستىق ورتالىعى، اۋداندىق ورتالىق اۋرۋحانا، اۋداندىق مسەق، اۋداندىق پوليسيا ءبولىمى، «Central Asia Gold Production» ج ش س، بيولوگيالىق قاۋىپسىزدىك پروبلەمالارىن زەرتتەۋ عىلىمي-زەرتتەۋ ينستيتۋتى، 2038 اسكەري ءبولىمىنىڭ ۇجىمىنا جانە اۋداننىڭ جومارت وزگەدە ازاماتتارىنا ءبىلىم ءبولىمى شاراپاتىن كورسەتكەن.

ءسوز جوق، بالالارعا بازارلىق سىيلاپ، جۇرەكتەرىنە جىلۋ سىيلاعان بۇل مەكەمەلەردەگى قىزمەتكەرلەردىڭ تىرلىگى كوپكە ۇلگى.