جامبىل وبلىستىق توتەنشە جاعدايلار دەپارتامەنتى، تاراز قالالىق توتەنشە جاعدايلار باسقارماسى جانە «قازترانسگازايماق» اكسيونەرلىك قوعامى جامبىل وندىرىستىك فيليالىنىڭ قىزمەتكەرلەرى بىرلەسىپ، ءورت قاۋىپسىزدىك ايلىعىن وتكىزدى. اتالمىش ايلىق اياسىندا جەكە تۇرعىن ءۇي سەكتورىندا گاز ساراپتاۋىش قوندىرعىلار ورناتىلدى، دەپ جازادى Qamshy.kz اقپارات اگەنتتىگى. 

جىلىتۋ ماۋسىمىندا تابيعي گازداردان ۋلانۋ فاكتىسىنە جول بەرمەۋ ماقساتىندا ۇيىمداستىرىلىپ وتىرعان شارا اياسىندا تاراز قالاسىنداعى جەكە تۇرعىن ۇيلەرگە 1673 دانا گاز ساراپتاۋىش قۇرىلعىسى ورناتىلعان. ولار نەگىزىنەن كوپ بالالى جانە از قامتاماسىز ەتىلگەن وتباسىلاردىڭ تۇرعىن ۇيلەرىنە قويىلدى. ءوز كەزەگىندە بۇل قوندىرعى تۇرعىن ۇيدەگى گاز اعىمىن رەتتەپ ونىڭ مولشەرى ءتيىستى نورمادان اۋىتقىعان جاعدايدا اۆتوماتتى تۇردە ءتيىستى ورگاندارعا سيگنال بەرەدى.

–جىل باسىنان بەرى تاراز قالاسىنىڭ وزىندە تابيعي گازبەن ۋلانۋدىڭ 3 دەرەگى تىركەلىپ، اتالعان وقيعالاردىڭ سالدارىنان 1 ادام قازا تاۋىپ، 4 ادام زارداپ شەكتى. وسىناۋ كەلەڭسىزدىكتەردىڭ الدىن الۋ ماقساتىندا تۇرعىن ۇيدە اۆتونومدى بەلگى بەرگىش نەمەسە گاز ساراپتاۋىش قۇرىلعىلار ورناتىلۋى قاجەت. سونداي-اق تۇرعىندارعا ءوز بەتتەرىنشە گاز تاراتۋ، گاز جابدىقتارىن ورناتۋ، گاز قۇرالدارى مەن تىعىن ارماتۋراسىن اۋىستىرۋعا تىيىم سالىنادى. بۇل جۇمىستار بىلىكتى مامانداردىڭ كومەگىمەن ارنايى تەحنيكالىق شارتتار ساقتالىنعان جاعدايلاردا عانا جۇرگىزىلۋى كەرەك،–دەيدى تاراز قالالىق توتەنشە جاعدايلار باسقارماسى باستىعىنىڭ ورىنباسارى ومار تاكەيەۆ.

ارناۋلى قىزمەتتىڭ ماماندارى جىلىتۋ ماۋسىمى كەزىندە تابيعي گازبەن جىلىتىلاتىن جەكە تۇرعىن ۇيلەردىڭ تۇرعىندارىنا مۇراجالاردى ءجيى تازالاپ تۇرۋعا كەڭەس بەرەدى. ماسەلەن كىرپىشتەن جاسالعان مۇرجا توقسانىنا ءبىر، ال اك پەن سەمەنتتەن جاسالعان مۇرجالار 12 ايدا ءبىر رەت تازالانىپ تۇرعانى ءجون.سول سەكىلدى مۇرجانىڭ توبەسىن قۇستىڭ ۇياسالماۋى، جاۋىن-شاشىن سۋىنىڭ تامىپ كەتپەۋى سىندى جاعدايلارعا دا اباي بولعان ءجون. گازدان يىستەنبەۋ ءۇشىن كىرپىشتەن سوعىلعان جىلىتىلاتىن پەشتەر پەن مۇرجالاردا جارىقشانىڭ بولماۋى دا ماڭىزعا يە.

جىلىتۋ ماۋسىمى الدىندا ۇيدەگى گازبەن جىلىتىلاتىن پەشتىڭ ونىڭ مۇرجاسىن تەحنيكالىق تەكسەرۋدەن وتكىزۋمەن قاتار ۇيدەگى جەلدەتۋ جۇيەلەرىنىڭ دە قالىپتى جۇمىس جاساۋىن ەستەن شىعارماعان ابزال.