«جامبىل سەمەنت وندىرىستىك كومپانياسى» جاۋاپكەرشىلىگى شەكتەۋلى سەرىكتەستىگى رەسپۋبليكاداعى سەمەنت ءوندىرىسى سالاسىنداعى جەتەكشى كاسىپورىن سانالادى. جىلىنا 1،2 ميلليون توننا سەمەنتتى ءوندىرىپ، قىرعىزستان، تاجىكستان مەملەكەتتەرىنە ەكسپورتتايتىن ءوندىرىس وشاعى ءوزىنىڭ وندىرىستىك قۋاتىن ەكى ەسەگە دەيىن ارتتىرۋ مۇمكىندىگىن قاراستىرۋدا، دەپ جازادى Qamshy.kz اقپارات اگەنتتىگى. 

2010-2014 جىلدار ارالىعىنداعى ۇدەمەلى يندۋستريالىق-يننوۆاسيالىق دامىتۋدىڭ مەملەكەتتىك باعدارلاماسى اياسىندا 2010 جىلى ىسكە قوسىلعان كومپانيا ءوزىنىڭ وندىرىستىك قۋاتىن ەسەلەۋدە ەكىنشى تەحنولوگيالىق جەلىنى ىسكە قوسۋعا يەك ارتىپ وتىر. اتالعان جەلىنىڭ ىسكە قوسىلۋىمەن كومپانيانىڭ وندىرىستىك الەۋەتى ەسەلەنىپ قانا قويماي جاڭا جۇمىس ورىندارىنىڭ اشىلۋىنا مۇمكىندىك بەرىلمەك. ءقازىردىڭ وزىندە كاسىپورىندا 240 ادام جۇمىس جاسايدى. كومپانيا تاراپىنان جۇمىسشىلارعا وتە قولايلى تۇرمىستىق جاعدايلار جاسالىنعان. اتاپ ايتقاندا مۇنداعى جۇمىسشىلار بالقاش كولى جاعاسىنداعى «سامال» دەپ اتالاتىن قالاشىقتا تۇرادى. سوندىقتان دا ولارعا جۇمىستان بوس ۋاقىتتا ەمىن-ەركىن تىنىستاۋدىڭ بارلىق مۇمكىندىكتەرى قاراستىرىلعان. كومپانيا جۇمىسشىلارىنىڭ بالالارىنىڭ مەكتەپكە دەيىنگى تاربيەمەن قامتۋ ماسەلەسى تولىقتاي شەشىمىن تاپقان. سونداي-اق ولاردىڭ مەكتەپپەن قامتۋ، مەديسينالىق قامتاماسىز ەتۋ سەكىلدى تۇيتكىلدەر تولىعىمەن شەشىلگەن. مۇنداعى شاعىن ماركەت پەن كىتاپحانا، فيتنەس مەن بيليارد، كينوزالدارى مەن تۇرمىستىق قىزمەت كورسەتۋ ورتالىقتارى دا ءوندىرىس وشاعى قىزمەتكەرلەرىنىڭ جۇمىستان قولى قالت ەتكەندە ەمىن-ەركىن دەمالۋىنا سول ارقىلى ەڭبەك ونىمدىلىگىن ارتتىرۋعا جول اشادى.

كومپانيا باسشىلىعى وندىرىستىك نىساندارداعى ەڭبەك قاۋىپسىزدىگىن دە باستى نازارىنا العان. سايكەسىنشە ەڭبەك قاۋىپسىزدىگى مەن ەڭبەكتى قورعاۋ سالاسىنداعى جۇمىستار جۇيەلى جۇرگىزىلىپ كەلەدى. ءارى ءقاۋىپتى وندىرىستىك جاعدايلاردا جاڭا تەحنولوگيالاردى قولدانۋ ەسەبىنەن سوڭعى ءۇش جىلدىڭ ىشىندە «جامبىل سەمەنت وندىرىستىك كومپانياسى» جاۋاپكەرشىلىگى شەكتەۋلى سەرىكتەستىگىنىڭ وندرىستىك نىاندارىندا بىردە-بىر وقىس وقيعا تىركەلمەگەن.

جالپى سوڭعى جىلدارى جامبىل وڭىرىندەگى كاسىپورىنداردىڭ قۋاتى ەسەلەپ ارتىپ كەلەدى. وتكەن جىلدىڭ قورىتىندىسى بويىنشا رەسپۋبليكاداعى حيميا ونەركاسىبى ءونىمىنىڭ 30 پايىزىن بەرەتىن وبلىستا ءوندىرىس كولەمىن 39،2 پايىزعا ارتتىرعان.