جاڭاتاس تەمىر جول ستانسياسى وبلىستاعى جۇك تاسىمالداۋ ىسىندەگى كوشباسشى ستانسيا سانالادى. ءارى ول وسى وڭىردەگى كەن ءوندىرۋ ىسىندەگى الپاۋىت كاسىپورىندارىنىڭ ونىمدەرىن تاسىمالداۋ ميسسياسىن ءمىنسىز ورىنداپ كەلەدى. مۇندا ءقازىر تاۋلىگىنە ءتۇرلى باعىتتار بويىنشا 128 ۆاگون فوسفور رۋداسى مەن فوسفور ۇنى ىشكى، سىرتقى نارىققا جول تارتۋدا، دەپ جازادى Qamshy.kz اقپارات اگەنتتىگى. 

نەگىزىنەن اعىمداعى جىلى ىرگەتاسى قالانعانى 50 جىل تولعان جاڭاتاس قالاسىنداعى تەمىر جول ستانسياسىنىڭ تاريحى ءارى دە جاتىر. بۇل ماڭدا كەننىڭ مول قورى بارلانعان ساتتەن ونى يگەرۋ ىسىنە بىلىكتى سىبانىپ كىرىسكەن كەڭەس وداعى بۇل جۇمىستى ولكەگە تەمىر جول جەلىسىن تارتۋدان باستادى. وسىلايشا 1963 جىلى قازىرگى جاڭاتاس قالاسىنا تەمىر جول جەتكىزىلدى. بۇل ءوندىرىستىڭ قالانىڭ قۇرىلىسىن جۇرگىزۋ، ونداعى كەندى يەگەرۋ، تاسىمال ىسىنە تىڭنان تۇرەن سالدى.

بۇگىندە ستانسيا الەۋەتتى تاپسىرىس بەرۋشىلەرى قويعان تالاپتىڭ ۇدەسىنەن شىعۋدا ماتەريالدى-تەحنيكالىق بازاسىن نىعايتۋعا يەك ارتقان. ءارى ولاردىڭ «قازفوسفات»، «ەۋروحيم قاراتاۋ» جاۋاپكەرشىلىگى شەكتەۋلى سەرىكتەستىكتەرىمەن ارىپتەستىك ورناتۋى جاڭاتاس تەمىر جول ستانسياسىنىڭ حالىقارالىق جۇك تاسىمالى سالاسىنداعى الەۋەتىن تانىتا باستادى.

–جالپى جاڭاتاس تەمىر جول ستانسياسى 2 كلاستى ستانسيا سانالادى. بۇل ستانسياسى تەمىر جولداعى جۇك تاسىلمالداۋ ىسىندە وبلىس بويىنشا كوش باسىندا كەلەدى. تاۋلىگىنە جاڭاتاستىق تەمىرجولشىلار 128 ۆاگون فوسفور رۋدا مەن فوسفور ۇنىن تيەپ، ءتيىستى باعىتتارعا جونەلتەدى. فوسفور رۋداسى تەمىر جولمەن اسا ستانسياسىنا، ال فوسفور ۇنى شايقورىق ستانسياسىنا دەيىن جەتكىزەدى. ودان بولەك وسىنداعى سوزاق ستانسياسىنان تاۋلىگىنە 50 ۆاگونعا حيميالىق قىشقىلدار مەن تابيعي ۋران جۇكتەلەدى. بۇل ونىمدەر وسى جەردەن رەسەي مەن قىتايعا قاراي جول تارتادى. سوڭعى جىلدارى بىزدەگى جۇك تاسىمالداۋ كولەمى 3 ەسەگە ارتتى. سايكەسىنشە ستانسيانىڭ كلاسس دەڭگەيىن 1 كلاسقا اۋىستىرۋعا نيەت ەتىپ وتىرمىز. سول ارقىلى تەمىرجولشىلاردىڭ جالاقىسىن كوبەيتۋ، شتات سانىن ۇلعايتۋعا قول جەتكىزەمىز. بۇگىندە ستانسيادا 123 ادام جۇمىس جاسايدى،–دەيدى ستانسيا باستىعى نۇربەك اسقانباي ۇلى.

ءقازىر ستانسيا ارقىلى «ەۋروحيم قاراتاۋ» كومپانياسى ءوز ونىمدەرىن سولتۇستىك كاۆكاز تەمىر جول جەلىسىندەگى بەلورەچەنسك ستانسيسى مەن وزبەكستان تەمىر جول جەلىسىندەگى وزودليك ستانسياسىنا جونەلتۋدە. وڭىردەگى حيميا ونەركاسىبىنىڭ الپاۋىتتارىنان بولەك ستانسياسى «جاراس» مۇناي بازاسى، مۇناي وڭدەۋ زاۋىتى، «ايانات» مۇناي ونىمدەرى، «اسىل تۇز» سەكىلدى كومپانيالاردىڭ دا ونىمدەرىن تاسىمالداۋ بويىنشا تاپسىرىستارىن تالاپقا ساي ورىندايدى.