مەركى اۋدانىندا جۇمىس قامتۋ شارالارى ءوز دەڭگەيىندە جۇرگىزىلىپ كەلەدى. سونىڭ ناتيجەسىندە كۇنى بۇگىنگە دەيىن اۋداندىق جۇمىسپەن قامتۋ ورتالىعىنا وتىنىشپەن قايىرىلعان 2208 جۇمىسسىزدىڭ 1603ء-ى تۇراقتى جۇمىس تاپقان، دەپ جازادى Qamshy.kz اقپارات اگەنتتىگى.
جالپى مەركى اۋدانىندا جۇمىسپەن قامتۋ سالاسىندا كاسىپكەرلىكپەن اينالىسقىسى كەلەتىندەر ءۇشىن دە جان جاقتى قولداۋ جاسالۋدا. ماسەلەن «بيزنەس-باستاۋ» جوباسىمەن «اتامەكەن» ۇلتتىق كاسىپكەرلەر پالاتاسىنىڭ اۋداندىق فيليالى ۇيىتقى بولعان كاسىپكەرلىككە دايارلاۋ كۋرسىنان 123 مەركىلىك جاس كاسىپكەرلىك نەگىزدەرىن مەڭگەرىپ شىقتى.بۇل كۋرستارعا ءقازىر بايزاق، ت.رىسقۇلوۆ اۋداندارىنىڭ دا استارى وقۋدا. وبلىستا جاستار جىلى اياسىندا قولعا الىنعان جوبا شەڭبەرىندە 106 ازامات 52،7 ميلليون تەڭگە قايتارىمسىز گرانتتى يەلەندى. جاستار جۇمىسسىزدىعى ماسەلەسىنە اۋدانداعى ءىرى اگروقۇرىلىمدار دا ءوز ۇلەستەرىن قوسىپ كەلەدى. مىسالى قانات شايحييەۆ جەتەكشىلىك ەتەتىن «سىپاتاي باتىر» جاۋاپكەرشىلىگى شەكتەۋلى سەرىكتەستىگى، سونداي-اق «نيەت»، «نوسەر-بەرەكە» شارۋا قوجالىقتارى جۇمىسسىز جۇرگەن 146 جاستى ەڭبەكپەن قامتىعان. «جاستار تاجىريبەسى» باعدارلاماسى اياسىندا 143 جاس اۋدانداعى مەملەكەتتىك مەكەمەلەردە جۇمىسقا تارتىلىپ، وزدەرىنىڭ قارىم-قابىلەتتەرىن كورسەتىپ، تاجىريبە جيناقتاپ جاتىر. ولاردىڭ 25ء-ى تۇراقتى جۇمىسقا ورنالاسسا، 61 جاس كەلىسىمشارت نەگىزىندە ءوز جۇمىستارىن جالعاستىرۋدا.
مەركى اۋدانىنداعى جۇمىسسىزدىقپەن كۇرەستىڭ نەگىزگى ءبىر باعىتى جۇمىسسىزداردى قايتا كاسىبي دايارلىقتان وتكىزۋ بولىپ وتىر. اۋداندىق جۇمىسپەن قامتۋ ورتالىعىنا جۇمىسسىز رەتىندە تىركەلگەن 247 ازامات قايتا كاسىپتىك دايارلاۋ كۋرستارىنا جىبەرىلگەن.ولار مەركى اۋدانىنداعى 6 ارناۋلى ورتا ءبىلىم بەرۋ ۇيىمىندا بىلىكتىلىكتەرىن جەتىلدىرۋدە. بۇل ازاماتتاردى كاسىپتىك دايارلاۋ كۋرستارىنا جىبەرۋگە جەرگىلىكتى بيۋدجەتتەن 45،7 ميلليون تەڭگە قارجى قارالعان. قايتا كاسىپتىك دايارلاۋدان وتكەن 238 ازامات وقۋىن اياقتاسا، ونىڭ 32ء-سى تۇراقتى جۇمىس ورنالاسقان.
جەكە كاسىپ اشىپ ءوزىن-وزى جۇمىسپەن قامتۋعا نيەتتى 103 مەركىلىك 423 ميلليون تەڭگە نەسيەگە قولجەتكىزدى. نەگىزىنەن سوڭعى 3 جىلدا «اتامەكەن» ۇلتتىق كاسىپكەرلەر پالاتاسى ارقىلى 481 ادام 923 ميلليون تەڭگە كولەمىندە نەسيە الىپ، جەكە كاسىبىن باستاعان.
پىكىر قالدىرۋ