جامبىل وبلىسىنداعى الەۋمەتتىك نىساندار جىلىتۋ ماۋسىمىنا ساقاداي ساي. سونداي-اق قىسقى ماۋسىمعا جىلۋمەن قامتۋ جۇيەلەرىنىڭ 99،6 پايىزى، كوپ قاباتتى ۇيلەردىڭ 99،1 پايىزى دايىن، دەپ جازادى Qamshy.kz اقپارات اگەنتتىگى. 

وبلىس اكىمدىگى ەنەرگەتيكا جانە ءتۇرعىن-ۇي كوممۋنالدىق شارۋاشىلىق باسقارماسى باسشىسىنىڭ ورىنباسارى قۇدايبەرگەن قورعانبايەۆ وڭىردەگى جىلۋمەن قامتۋشى كاسىپورىندار وسىناۋ جاۋاپتى كەزەڭدە جامبىلدىقتارعا ەش اقاۋسىز قىزمەت كورسەتۋگە ءازىر ەكەندىگىن ايتادى.

–بۇگىندە وبلىس اۋماعىنداعى جىلۋ بەرۋ جۇمىستارى 437 اۆتونومدىق قازاندىقتار ارقىلى جۇرگىزىلەدى. ولار ارقىلى 786 ءبىلىم بەرۋ، 390 دەنساۋلىق ساقتاۋ، 494 مادەنيەت نىسانىنا جىلۋ بەرىلەدى. اتالمىش نىساندار جىلىتۋ ماۋسىمى باستالعان ساتتەن ءوز قىزمەتىنە كىرىسەدى. سونىمەن بىرگە وڭىردەگى 1593 تۇرعىن ءۇيدىڭ 1579-ىندەگى قىسقى دايىندىق ءتيىستى تالاپتىڭ ۇدەسىنەن شىعادى. قالعان تۇرعىن ۇيلەردىڭ جىلىتۋ ماۋسىمىنا دايىندىعى جىلۋ بەرىلگەنگە دەيىن قايتا قالپىنا كەلتىرىلەتىن بولادى،– دەدى قۇدايبەرگەن نۇرسەرىك ۇلى.

باسقارما باسشىسى ورىنباسارىنىڭ مالىمدەۋىنشە وڭىردە جىلىتۋ ماۋسىمىنا قاجەتتى قاتتى وتىن قورى دا جەتكىلىكتى كورىنەدى. بۇل ورايدا بيۋدجەتتىك مەكەمەلەر مەن بىرگە تۇرعىنداردىڭ كومىرگە دەگەن سۇرانىسىن وتەۋدە باستى نازارعا الىنعان.

–جىلىتۋ ماۋسىمىندا بيۋدجەتتىك مەكەمەلەر تۇتىناتىن 66،4 مىڭ توننا كومىر تولىقتاي ءتۇسىرىلىپ، ءتيىستى ورىندارىنا جەتكىزىلدى. ال ءوڭىر تۇرعىندارىنىڭ كومىرگە سۇرانىس كولەمى 254،6 مىڭ توننا بولسا ازىرگە وبلىس اۋماعىنا ونىڭ 58 پايىزى عانا جەتكىزىلدى. جەتكىزىلگەن كومىردى جىلىتۋ ماۋسىمىندا قاتتى وتىنعا تاۋەلدى تۇتىنۋشىلارعا جەتكىزۋمەن 30 جەكەمەنشىك كومپانيا مەن جەكە كاسىپكەر اينالىسۋدا. قازىرگى نارىقتا كومىردىڭ 1 تونناسى 11-14 مىڭ تەڭگە ارالىعىندا ساۋدالىنىپ جاتىر، –دەيدى باسقارما باسشىسى.

وڭىردەگى جىلىتۋ ماۋسىمىنا دايىندىق جايىندا ءسوز ەتكەندە مونو جانە شاعىن قالالارداعى احۋالدى اينالىپ وتۋگە بولماس. سايكەسىنشە 2019-2020 جىلىتۋ ماۋسىمىندا وبلىس اۋماعىنداعى مونو، شاعىن قالالاردى جىلۋمەن قامتيتىن ورتالىق قازاندىقتاردى وتىنمەن قامتاماسىز ەتۋ ءۇشىن 1،1 ميلليارد تەڭگە قاجەت ەتىلەدى. بۇگىنگى تاڭدا بۇل قارجىنىڭ 50 پايىزى ءبولىنىپ، ماقساتتى يگەرىلۋدە.

جالپى وبلىس ورتالىعىندا جىلىتۋ ماۋسىمىن قازان ايىنىڭ 15-جۇلدىزىنان باستاپ جوسپارلانىپ وتىر. تاراز قالاسىندا بيىل دا ءبىرقاتار كوشەلەردەگى نەگىزگى جىلۋ قۇبىرلارى اۋىستىرىلدى. ءوز كەزەگىندە بۇل جۇمىستار جىلىتۋ ماۋسىمىن ساپالى ءارى ەش اقاۋسىز وتكىزۋ ماقساتىندا جاسالىپ وتىر.