جامبىلدىقتاردىڭ سىبايلاس جەمقورلىقپەن كۇرەسەتىن كۇشتىك قۇرىلىمدارعا سەنىمى نىعايىپ كەلەدى. بۇل مالىمەتتى وڭىرلىك كوممۋنيكاسيالار قىزمەتىندە وتكەن بريفينگتە قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ وبلىس بويىنشا دەپارتامەنتىنىڭ باسشىسى ءادىلحان اشىربايەۆ ءمالىم ەتتى، دەپ جازادى Qamshy.kz اقپارات اگەنتتىگى.
جىل باسىنان بەرگى قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ وبلىس بويىنشا دەپارتامەنتىمەن اتقارىلعان جۇمىستى بايانداعان دەپارتامەنت باسشىسى وڭىردە سىبايلاس جەمقورلىق سيپاتىنداعى قىلمىستار سانىنىڭ ارتىپ كەلە جاتقاندىعىنا باسا نازار اۋداردى.
–اعىمداعى جىلدىڭ 9 ايىندا سىبايلاس جەمقورلىق دەرەگى بويىنشا 6، كىشى جانە ورتا بيزنەس سۋبەكتىلەرىنىڭ جۇمىسىنا ارالاسۋ بويىنشا 14، لاۋازىمدى تۇلعالار تاراپىنان كولەڭكەلى بيزنەسكە قامقورلىق دەرەگى بويىنشا 7 جانە مەملەكەتتىك باعدارلامالار اياسىندا بولىنگەن قاراجاتتاردى ۇرلاۋ بويىنشا 14 قىلمىس تىركەلدى.
مەملەكەتتىك ورگاندار اراسىندا سىبايلاس جەمقورلىق سيپاتىندا جاسالىنعان قىلمىستاردىڭ سانى بويىنشا ءالى كۇنگە دەيىن جەرگىلىكتى اتقارۋشى ورگاندار كوش باستاپ كەلەدى. جەرگىلىكتى اتقارۋشى ورگانداردىڭ لاۋازىمدى تۇلعالارىنا قاتىستى 53 قىلمىستىق ءىس تىركەلدى. وتكەن جىلدىڭ ەسەپتى كەزەڭىندە بۇل تۇلعالاردىڭ قاتىسۋىمەن 34 قىلمىس ورىن العان ەدى. سونداي-اق 16 رەت سىبايلاس جەمقورلىق سيپاتىنداعى قىلمىستىق ارەكەتتەرگە جول بەرگەن ىشكى ىستەر ورگاندارىنىڭ قىزمەتكەرلەرى اعىمداعى جىلدىڭ 9 ايىندا 17 رەت ءتيىستى زاڭعا كوز جۇما قاراعان. مۇنان بولەك، ارنايى مەملەكەتتىك ورگانداردىڭ قىزمەتكەرلەرى، اسكەري شەندىلەر، قارجى مينيسترلىگىنىڭ قۇرىلىمدىق بولىمشەلەرىنىڭ قىزمەتكەرلەرى دە سىبايلاس جەمقورلىق سيپاتىنداعى قىلمىستارعا جول بەرۋدە،–دەدى ءادىلحان حاسىمحان ۇلى.
دەپارتامەنت باسشىسىنىڭ ايتۋىنشا بۇل دەرەكتەر وڭىردەگى سىبايلاس جەمقورلىق سيپاتىنداعى قىلمىستاردىڭ سانىنىڭ ارتۋىنان بۇرىن ازاماتتاردىڭ ارنايى ۋاكىلەتتىك ورگاندارعا سەنىمىنىڭ نىعايا تۇسكەندىگىمەن بايلانىستىرادى.
–جوعارى دا كەلتىرىلگەن ستاتيستيكاعا قاراپ وبلىستاعى سىبايلاس جەمقورلىققا جول بەرۋشىلەردىڭ سانىنىڭ ارتقاندىعىن اڭعارۋعا بولادى. الايدا شىنداپ قاراساڭىز بۇل جامبىلدىقتاردىڭ وسى تەكتەس ارەكەتتەرمەن بەتپە-بەت كەلگەندە ءتيىستى قۇقىق قورعاۋ ورگاندارىنىڭ كومەگىنە جۇگىنەتىندىگىن كورسەتەدى. سوندىقتان ءبىز سىبايلاس جەمقورلىقتى جويۋدا ۇنەمى حالىقتىڭ قولداۋىنا سەنىم ارتامىز،–دەيدى دەپارتامەنت باسشىسى.
جالپى جىل باسىنان سىبايلاس جەمقورلىققا قارسى كۇرەس قىزمەتى 93 قىلمىستىق ءىس سوتقا جولدانىپ، 89 تۇلعا قىلمىستىق جاۋاپكەرشىلىككە تارتىلعان.
