وتكەن ۋيك-ەندتە ۇزدىك ۇشتىكتىڭ كاسسالىق ءتۇسىمى 606 ملن تەڭگەنى قۇرادى. كوپ قارالعان فيلمدەر قاتارىندا وتاندىق كارتينا "توميريس" تە بار.
Energyprom.kz سايتىنىڭ جازۋىنشا، ءبىرىنشى ورىندى 366،9 ملن تەڭگە جيناعان رەجيسسەر تودد ءفيلليپستىڭ "دجوكەر" ءفيلمى باستاپ تۇر. ەكىنشى ورىنعا 129،8 ملن تەڭگەمەن "ەۆەرەست" جايعاسسا، ۇشتىكتى اقان ساتايەۆتىڭ "ءتوميريسى" تۇيىندەپ تۇر.
كارتينا 3-7 قازان ارالىعىندا 110،3 ملن تەڭگە، ال پروكاتقا شىققان ەكى اپتادا 287،1 ملن تەڭگە جيناعان. فيلم العاشقى ۋيك-ەندتە ۇزدىكتەر كوشىن باستاعان بولاتىن.
كينوتەاتر بيلەتتەرى قاتتى قىمباتتاماعانى بايقالۋدا. قازاقستانداعى بيلەتتىڭ ورتاشا باعاسى 1223 تەڭگەنى قۇراعان. ەڭ قىمبات بيلەتتەر اتىراۋدا (1900 تگ)، ەلوردادا (1506 تگ) جانە شىمكەنتتە (1433 تگ) تىركەلگەن.
پىكىر قالدىرۋ