شاعىن جانە ورتا كاسىپكەرلىك دامىسا، ەل ەكونوميكاسى دا ەڭسە تىكتەيدى. سوندىقتان دا ەلباسى دا، مەملەكەت باسشىسى دا بۇل باعىتتاعى شارۋالاردىڭ جانداندىرۋدى نازاردان تىس قالدىرعان ەمەس. سونىڭ ناتيجەسىندە باتىل باستامالار قولعا الىنىپ، باياندى باعدارلامالار قابىلداندى. سونداي قۇندى قۇجاتتىڭ ءبىرى- "بيزنەستىڭ جول كارتاسى - 2020" بيزنەستى قولداۋدىڭ جانە دامىتۋدىڭ ءبىرىڭعاي باعدارلاماسى.

بۇگىندە اتالمىش باعدارلاما تاراز قالاسىندا دا ءوز دەڭگەيىندە جۇزەگە اسۋدا. مىسالى، باعدارلاما اياسىندا 2019 جىلدىڭ قاڭتار-تامىز ايلارىندا سۋبسيديا تەتىگى بويىنشا 1 ميلليارد 241،0 ميلليون تەڭگەگە 15 جوبا جانە كەپىلدەندىرۋ تەتىگى بويىنشا – 238،4 ميلليون تەڭگەگە 44 جوبا قارجىلاندىرىلعان. بۇدان بولەك، نەسيەلەندىرۋ «بەرەكە 3» باعدارلاماسى بويىنشا ەسەپتى كەزەڭدە 721،0 ميلليون تەڭگەگە 21 جوبا جانە ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسى بويىنشا 1 ميلليارد 143،3 ميلليون تەڭگەگە تاراز قالاسى بويىنشا 97 جوبا قارجىلاندىرىلدى.

بۇدان بولەك بيىلعى مامىر ايىندا وبلىس بويىنشا اتالعان باعدارلاما اياسىندا گرانت تەتىگىن قارجىلاندىرۋعا 15 ميلليون تەڭگە ءبولىندى. گرانت تەتىگى بويىنشا كاسىپكەرلەردەن بايقاۋعا قاتىسۋعا قۇجاتتار مامىر ايىنىڭ 4-نەن باستاپ 24 ماۋسىمعا دەيىن 18 جوبا قابىلداندى. جامبىل وبلىستىق ايماقتىق ۇيلەستىرۋ كەڭەسىمەن 29 ماۋسىم كۇنى بايقاۋ وتكىزىلىپ، ونىڭ ناتيجەسى بويىنشا تاراز قالاسىنان 8،0 ميلليون تەڭگەگە 4 جوبا ماقۇلداندى.

«بيزنەستىڭ جول كارتاسى-2020» مەملەكەتتىك باعدارلاماسى اياسىندا گرانت تەتىگى بويىنشا جاستار جىلىنا بايلانىستى رەسپۋبليكالىق بيۋدجەتتەن 21 ميلليون تەڭگە، وبلىستىق بيۋدجەتتەن 303 ميلليون تەڭگە، بارلىعى جامبىل وبلىسى بويىنشا 324 ملن. تەڭگە قاراجات ءبولىندى. سونىڭ ىشىندە 109،2 ميلليون تەڭگەگە 47 جوبا تاراز قالاسىنىڭ جاس كاسىپكەرلەرى ۇتىپ الدى.

زاڭدى تىركەلىپ، كاسىبىن جۇرگىزىپ جاتقان كاسىپكەرلەرگە ءوز بيزنەستەرىن دامىتۋعا قولايلى جاعداي تۋعىزۋ ماقساتىندا، وبلىس اكىمى ا.مىرزاحمەتوۆتىڭ حاتتامالىق تاپسىرماسىنا سايكەس، قالاداعى زاڭسىز ورنالاسقان جانە قۇجاتتارىنىڭ مەرزىمدەرى ءوتىپ كەتكەن 140-تان اسا دۇڭگىرشەكتەر مەن پاۆيلونداردار انىقتالدى. بۇگىنگى كۇنگە ونىڭ 109-ى الىنىپ، ءتيىستى جۇمىستار ارى قاراي جالعاسۋدا. زاڭسىز كونتەينەرلىك دۇڭگىرشەكتەر مەن ساۋدا نۇكتەلەرىنىڭ ورنىنا، تيپتىك كوممەرسيالىق دۇڭگىرشەكتەردى «تاراز» اكك ۇك اق-نىڭ تەتىگى ارقىلى كونكۋرستىق نەگىزدە ورناتۋ بويىنشا 5 رەت اۋكسيون وتكىزىلىپ، 26 جەر ۋچاسكەسى جەكە تۇلعالارعا بەرىلسە، 23 جەر ۋچاسكەسىنىڭ قۇجاتتارى دايىندالىپ اۋكسيون ارقىلى جەكە تۇلعالارعا بەرىلەتىن بولادى. مۇنداعى مىندەتتى شارتتىڭ ءبىرى، قاتىسۋشىلارعا ۇسىنىلاتىن ساۋدا نۇكتەلەرىنىڭ ەسكيزدەرى ءبىرىڭعاي ساۋلەتتىك ستيلدە بولۋى ءتيىس.