ميحال بيلەك: قازاق فۋتبولشىلارى شەتەلدە ويناۋ كەرەك قازاقستان - بەلگيا ماچى 0-2 ەسەبىمەن قوناقتاردىڭ پايداسىنا شەشىلدى. جەڭىلىستىڭ سەبەبىن باس باپكەر ميحال بيلەك ءتۇسىندىردى دەپ جازادى Qamshy.kz اقپارات اگەنتتىگى inbusiness.kz دەرەگىنە سۇيەنىپ.
– وتكەن جولى قازاقستان قۇراماسى بەلگيادان ءىرى ەسەپپەن جەڭىلگەن ەدى. ال بۇل جولعى ويىنعا كوڭىلىڭىز تولا ما؟
– مەن جەڭىلىسپەن اياقتالعان ويىنعا ەشقاشان كوڭىلىم تولعان ەمەس. دەگەنمەن فۋتبولشىلارىم تاپسىرمانى ورىنداعىسى كەلدى. الاڭدا جاندارىن اياماي ونەر كورسەتتى. مەن سول ءۇشىن ولارعا العىس ايتقىم كەلەدى. بەلگيا الەمنىڭ ۇزدىك كومانداسى ەكەنىن ۇمىتپاۋىمىز قاجەت.
– ازار، مەرتەنس سەكىلدى بەلگيالىق ويىنشىلاردىڭ دەڭگەيى قازاق فۋتبولشىلارىنا قاراعاندا اناعۇرلىم جوعارى. ءبىزدىڭ ويىنشىلاردىڭ دا دەڭگەيى ءوسۋى ءۇشىن نە ىستەۋ كەرەك؟
– ەڭ الدىمەن، قازاقستاننىڭ ويىنشىلارى شەتەلدىڭ بىرىنشىلىكتەرىندە ويناۋى ءتيىس. مىسالى، رەسەي چەمپيوناتىنا بارىپ ويناۋعا بولادى. سوسىن قازاق كوماندالارى ەۋروكۋبوكتە كوبىرەك ويناسا. سوندا دەڭگەيى كوتەرىلەدى، تاجىريبە دە جيناقتايدى.
– ويىننان سوڭ بەلگيا قورعاۋشىسى توماس مەنە "يسلامحان قازاقستان پرەمەر-ليگاسىندا وينايدى" دەگەنگە سەنبەيتىنىن ايتتى. "ول فۋتبولشىنىڭ دەڭگەيى ەۋروپا بىرىنشىلىكتەرىندە ويناۋعا جەتەدى" دەگەندى ايتتى.
ءسىز قالاي ويلايسىز؟
– ءيا، يسلامحان – ءبىزدىڭ قۇرامانىڭ ماڭىزدى فۋتبولشىسى. قازاقستانداعى ەڭ ۇزدىك ويىنشى. ول بۇگىن شابۋىلشىنىڭ قىزمەتىن دە اتقاردى. مەن ونىڭ ەۋروپانىڭ توپ ليگالارىنىڭ ءبىرىندى ويناعانىن قالايمىن.
ەرمۇحامەد ماۋلەن
پىكىر قالدىرۋ