الماتى قالاسى اكىمدىگىنىڭ باسپا ءسوز ورتالىعىندا وتكەن بريفينگتە الەۋمەتتىك ءال-اۋقات باسقارماسى باسشىسىنىڭ ورىنباسارى دانيار الكەباي ۇلى اتاۋلى الەۋمەتتىك كومەكتىڭ 2020 جىلدىڭ 1 قاڭتارىنان باستاپ جوسپارلانعان جاڭا مەحانيزمدەرى تۋرالى ايتىپ بەردى، دەپ جازادى almaty.gov.kz سايتى.

قازاقستان پرەزيدەنتىنىڭ ااك- ءتى تولەۋ مەحانيزمدەرىنە تۇزەتۋلەر ەنگىزۋ جونىندەگى تاپسىرماسىنا وراي ق ر ەڭبەك جانە حالىقتى الەۋمەتتىك قورعاۋ مينيسترلىگى الەۋمەتتىك كومەكتىڭ جاڭا تاسىلدەرىن ۇسىندى.

ءبىرىنشى – كوپبالالى وتباسىلار جەكە ساناتقا ەنگىزىلەدى جانە ولارعا كەپىلدەمەلى كومەك كورسەتىلەدى.

اتالعان مەملەكەتتىك كومەكتىڭ وتباسىنىڭ تابىسىنا ەش قاتىسى جوق ءارى كامەلەتكە تولماعان 4 جانە ودان كوپ بالالارى بار وتباسىلاردىڭ بارلىعىنا بەرىلەدى.

بۇل كومەكتىڭ كولەمى بالا سانىنا قاراي سارالانادى، ءار بالاعا ورتا ەسەپپەن 10-11 مىڭ تەڭگەدەن كەلەدى جانە كولەمى 2018 جىلى توقتاتىلعان وسىعان ۇقساس كومەكتەردەن 4-7 ەسە كوپ بولادى.

ەكىنشى – ازاماتتاردىڭ از قامتىلعان ساناتىنا قولداۋ كورسەتىلەدى جانە ولار ەڭبەككە تارتىلادى.

ااك از قامتىلعان وتباسىلارعا، ونىڭ ىشىندە كوپبالالى وتباسىلارعا دا تولەنەدى.

ااك-تىڭ كولەمى جان باسىنا شاققانداعى تابىس پەن كۇن كورىس مينيمۋمىنىڭ 70%-ى اراسىنداعى ايىرماشىلىقتى قۇرايدى. سونىمەن قاتار، تابىسى جوق وتباسىلار بيىلعى جىلعىداي كومەك الاتىن بولادى.

ااك-تىڭ باستى شارتتارىنىڭ ءبىرى – وتباسىنىڭ ەڭبەككە جارامدى مۇشەلەرى جۇمىس ىستەۋلەرى جانە وتباسى ءۇشىن جاۋاپكەرشىلىكتى موينىنا الۋلارى ءتيىس. ااك شارتتى اقشالاي تولەم رەتىندە «ەڭبەك» ناتيجەلى جۇمىسپەن قامتۋ باعدارلاماسىن تولىق قولدانۋ ارقىلى تولەنەدى جانە ول از قامتىلعان وتباسىلارداعى جۇمىسسىز ازاماتتارعا باعىتتالعان.

مەملەكەت ارقىلى سۋبسيديا بولىنەتىن جۇمىستار ودان ءارى جالعاسادى، ولار: جەڭىلدەتىلگەن ميكرونەسيەلەر جانە بيزنەس اشۋ ءۇشىن بەرىلەتىن قايتارىلمايتىن گرانتتار.

ەگەر جۇمىسقا جارامدى وتباسى مۇشەسى ۇسىنىلعان جۇمىستان باس تارتاتىن بولسا، وندا ااك وتباسىعا بەرىلمەيدى.

ءۇشىنشى - ااك الۋشىلاردىڭ بارلىعىنا قۇرامىنا بالالارعا ناقتىلى قولداۋ كورسەتۋ ەنگەن كەپىلدەمەلى پاكەت بەرىلەدى.

پاكەتتە مىنالار بولادى:

- مەكتەپ جاسىنا دەيىنگى بالالار ءۇشىن: بالالار تاعامدارى جانە گيگيەنالىق زاتتار (323،4 مىڭ بالاعا 5302 تەڭگەدەن).

- مەكتەپ جاسىنداعى بالالار ءۇشىن: مەكتەپتە ىستىق تاماق بەرىلەدى، مەكتەپ كيىمى جانە قاجەتتى زاتتارمەن قامتاماسىز ەتىلەدى، جولاقىسىنىڭ شىعىنى تولەنەدى.