تۇرعىنداردىڭ تۇرمىس ساپاسىن جاقسارتۋ كۇن تاىرتىبىنەن تۇسكەن ەمەس. بۇل باعىتتا ازاتتىقتىڭ العاشقى جىلدارىنان اۋقىمدى جۇمىستار اتقارىلىپ، ايتارلىقتاي ناتيجەلەرگە قول جەتكىزىلۋدە. جىلدان جىلعا حالىق سانى وسۋدە. سوعان سايكەس سۇرانىستىڭ دا ارتا تۇسەتىندىگى تۇسىنىكتى. وسى ورايدا مەملەكەت دەڭگەيىندە جاڭا جوبالار مەن باعدارلامالار قابىلانىپ، جۇزەگە اسۋدا. مۇنىڭ بارلىعى دا الەۋمەتتىڭ الەۋەتىن كوتەرۋگە باعىتتالعان يگى قادامدار.

قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقايەۆ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا قازاقستاندىق، ياعني نازاربايەۆ مودەلىنىڭ نەگىزىندە وركەندەۋدىڭ جاڭا كەزەڭىنە شىعۋ جولىن ايقىندادى. بۇل قۇجات پرەزيدەنتىمىزدىڭ سايلاۋالدى باعدارلاماسىن ىسكە اسىرۋدىڭ وزەگى بولىپ تابىلاتىن بەس باسىمدىقتى بەلگىلەپ بەردى. وسى ورايدا بۇقارانى باسپانامەن قامتۋدىڭ ءتيىمدى تەتىكتەرى دە قامتىلعانىن ايتا كەتۋ كەرەك. بۇل باعىتتا جامبىل وبلىسىندا قىرۋار تىرلىكتەر اتقارىلۋدا. ءاربىر اۋداندا مىسال رەتىندە كەلتىرەتىن ىستەر جەتەرلىك. مىسالى، جۋالى وڭىرىندە دە جانعا جىلۋ سىيلايتىن جۇمىستار بارشىلىق.

اۋداندا تۇرعىن ۇيمەن قامتاماسىز ەتۋ باعىتىندا ماقساتتى جۇمىستار اتقارىلۋدا. باۋىرجان مومىش ۇلى اۋىلىندا «كوكتوبە» جاڭا تۇرعىن ءۇي الابى ينفراقۇرىلىممەن قامتاماسىز ەتۋ جۇمىستارى جۇرگىزىلىپ، اياقتالدى. بۇل ءوز كەزەگىندە الەۋمەتتىك نىسانداردىڭ قۇرىلىسىن جۇرگىزۋگە جانە كەزەكتە تۇرعان 170 ازاماتتى جەر تەلىمىمەن قامتاماسىز ەتۋگە مۇمكىندىك بەرەدى.

قاراساز اۋىلىنىڭ سۋ جۇيەسىنىڭ قۇرىلىسىنا رەسپۋبليكالىق بيۋدجەتتەن 2019 جىلعا جالپى سمەتالىق قۇنى 616،29 ميلييون تەڭگەنى قۇرايتىن قۇرىلىس-مونتاج جۇمىستارىنا قارجى ءبولىنىپ، مەملەكەتتىك ساتىپ الۋدىڭ اشىق كونكۋرسىنىڭ ناتيجەسىنە سايكەس «كدسم» ج ش س جەڭىمپاز بولىپ انىقتالعان. جۇمىستار مامىر ايىنىڭ ءبىرىنشى جارتىسىندا باستالىپ، سۋ جيناۋ عيماراتىنىڭ ورنىن دايىنداۋ جانە جول بويىندا سۋ قۇبىرى جەلىسىن تارتۋ جۇمىستارى جۇرگىزىلىپ، قۇرىلىس جۇمىستارى بۇگىنگى كۇنگە 70 پايىز ورىندالىپ وتىر. ءبىر سوزبەن ايتقاندا قۇرىلىس جۇمىستارى ءوز دەڭگەيىندە جۇرۋدە.

سونىمەن قاتار بيىل كەزەكتە تۇرعان از قامتىلعان كوپبالالى بەس وتباسىنا اۋدان كاسىپكەرلەرىنىڭ قولداۋىمەن «باۋىرجان مومىش ۇلى» قايىرىمدىلىق قورى ارقىلى باسپانا ساتىپ اپەرىلدى. جىل سوڭىنا دەيىن تاعى ەكى وتباسىنا پاتەر الىپ بەرۋ جوسپارلانىپ وتىر.