ەلباسى نۇرسۇلتان نازاربايەۆتىڭ «پرەزيدەنتتىڭ بەس الەۋمەتتىك باستاماسى» اتتى حالىققا ۇندەۋىندە كوپشىلىكتى مازالاپ جۇرگەن، تۇرعىنداردىڭ ءال-اۋقاتىن جاقسارتۋعا باعىتتالعان وزەكتى مىندەتتەر قويىلىپ وتىرعانى قۋانتتى. بەسىنشى باستامادا ەلدى گازبەن قامتاماسىز ەتۋدى جالعاستىرۋ جايى ءسوز بولعان.

وسى ورايدا، ەلباسىنىڭ «ەلدى گازبەن قامتاماسىز ەتۋدى جالعاستىرۋ» الەۋمەتتىك ۇندەۋى شەڭبەرىندە وبلىستا بەكىتىلگەن ءىس-شارالار جوسپارى جۇيەلى جۇزەگە اسىرىلۋدا. ناتيجەسىندە، ءبىرقاتار ەلدى مەكەندەر كوپكەن كۇتكەن كوگىلدىر وتىنعا قوسىلۋدا.

جالپى، وبلىستا 377 ەلدى مەكەن بار. ونىڭ گازداندىرىلعانى 181، نەمەسە 48 پايىزى. بولاشاقتا 2019-2027 جىلدارى گازداندىرىلاتىنى 196 ەلدى مەكەن، نەمەسە 100 پايىز.

سوڭعى 10 جىل ىشىندە گازداندىرىلعانى 133 ەلدى مەكەن.

2019 جىلى ەلدى مەكەندەرگە گاز كەلتىرۋ قۇبىرىنىڭ قۇرىلىسنا رەسپۋبليكالىق جانە وبلىستىق بيۋدجەتتەن 6،1 ميلليارد تەڭگە ءبولىندى. بۇل جوبالار تولىق ىسكە اسقان كەزدە 5 اۋداننىڭ 81 ەلدى مەكەنىندە تۇراتىن 101 مىڭ ادامنىڭ جاعدايى جاقساراتىن بولادى.

اتاپ ايتقاندا، شۋ اۋدانىنىڭ 18 ەلدى مەكەنىندە 22 130 ادام، جامبىل اۋدانىنىڭ 13 ەلدى مەكەنىندە 12 631 ادام، جۋالى اۋدانىنىڭ 15 ەلدى مەكەنىندە 9 457 ادام گازعا قوسىلادى. سونداي-اق، سارىسۋ اۋدانى جاڭاتاس قالاسىنا دەيىن سالىناتىن گاز كەلتىرۋ قۇبىرىنىڭ قۇرىلىسنا 3 ميلليارد تەڭگە ءبولىندى. وسىلايشا، اۋداننىڭ 14 ەلدى مەكەنىندە 39 539 ادام كوگىلدىر وتىنمەن قامتىلماق. جاڭاتاس قالاسىنا دەيىن تارتىلاتىن قۇبىر قۇرىلىسىنا 2020 جىلى قالعان 4،7 ميلليارد تەڭگە جوسپارلانعان.

ونىڭ ىشىندە تەك قانا رەسپۋبليكاعا قاراماي، بايزاق اۋدانىنىڭ 21 ەلدى مەكەنىنە گاز كەلتىرەتىن قۇبىر قۇرىلىسىنا وبلىستىق بيۋدجەتتەن 1،3 ميلليارد تەڭگە 21 ەلدى مەكەنىندە 17 241 ادامعا گاز قۇبىرىن تارتۋعا ءبولىندى.

ەلدى مەكەندەردىڭ ىشىندە گاز تاراتاتىن قۇبىر قۇرىلىسىنا جوبالىق-سمەتالىق قۇجاتتاردى دايىنداۋعا 2019 جىلى وبلىستىق بيۋدجەتتەن 52 820 مىڭ تەڭگە ءبولىنىپ، 5 238 ادامدى ورتالىقتاندىرىلعان گاز تورابىنا قوسۋ قاراستىرىلۋدا. ناتيجەسىندە جامبىل اۋدانىنىڭ 5 ەلدى مەكەنىندە، جۋالى اۋدانىنىڭ 7 ەلدى مەكەنىندە، شۋ اۋدانىنىڭ 2 ەلدى مەكەنىندە گا جۇرگىزىلەدى.

جىل سوڭىنا دەيىن 9 ەلدى مەكەندى (تالاس اۋدانى – 5 ەلدى مەكەن، ساىرسۋ اۋدانى – 4 ەلدى مەكەن) ورتالىقتاندىرىلعان گاز تورابىنا قوسىپ، گازداندىرىلعان ەلدى مەكەن سانىن 190 جەتكىزۋ بويىنشا جۇمىس جۇرگىزىلۋدە، ۇلەستىك سانى 50 پايىزدى قۇرايتىن بولادى.