مەملەكەت باسشىسى ق.توقايەۆ «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا سپورت سالاسىن دامىتۋعا باستى نازار اۋدارعانى بەلگىلى. بۇگىندە وسى ماقساتتا جاڭا نىساندار قاتارى دا كوبەيۋدە. قازىرگى تاڭدا جامبىل اۋدانىنىڭ ورتالىعى - اسا اۋىلىنداعى اباي كوشەسىنىڭ بويىنان امبەباپ زالى بار سپورت-ساۋىقتىرۋ كەشەنىنىڭ قۇرىلىسىنا جۇمىس جوباسى بويىنشا ۇستىمىزدەگى جىلى 166،7 ميلليون تەڭگە قاراجات ءبولىنىپ، قۇرىلىس-مونتاج جۇمىستارى 7 تامىزدا باستالدى.

بۇدان بولەك اۋداندا بۇقارالىق سپورتتى دامىتۋ بويىنشا كوپتەگەن جۇمىستار اتقارىلۋدا. بۇگىنگى كۇنگە تۇرعىنداردىڭ، ونىڭ ىشىندە جاستاردىڭ بۇقارالىق سپورتپەن شۇعىلدانۋى ءۇشىن سپورت نىساندارىنا قولجەتىمدىلىگىن ارتتىرۋدا 150 سپورت نىسانى انىقتالعان.

سپورت نىساندارىنىڭ تۇرعىندار ءۇشىن ارنايى كەستەلەرى جاسالىپ، بۇقارالىق اقپارات قۇرالدارىندا جاريالانۋدا. جالپى، قولجەتىمدى سپورت نىساندارىنىڭ سانى 2018 جىلمەن سالىستىرعاندا 62 بىرلىككە وسكەن. اۋدان تۇرعىندارىنىڭ دەنە شىنىقتىرۋ جانە سپورتپەن تۇراقتى تۇردە شۇعىلدانۋ ماقساتىندا سپورت نىساندارعا قولجەتىمدىلىگىن ارتتىرۋ ءۇشىن تۇراقتى مونيتورينگ جۇرگىزۋ جۇمىستارى جالعاسىن تابۋدا.

بۇگىنگى تاڭدا اۋدان كولەمىندە 2 سپورت مەكەمەسى جۇمىس اتقارىپ كەلەدى. اسا اۋىلىنداعى بالالار مەن جاسوسپىرىمدەر سپورت مەكتەبىندە 952 بالا سپورتتىڭ 12 تۇرىمەن شۇعىلدانادى. بۇل بالالارمەن 31 جاتتىقتىرۋشى-وقىتۋشى جۇمىس جاسايدى. ال تۇركسىب اۋىلىنداعى بالالار مەن جاسوسپىرىمدەر سپورت مەكتەبىندە 600 بالا سپورتتىڭ 7 تۇرىنەن جاتتىعادى. بۇل جەتكىنشەكتەرگە 16 جاتتىقتىرۋشى-وقىتۋشى ءتالىم بەرۋدە.

جالپى اۋدان بويىنشا بالالار-جاسوسپىرىمدەر سپورت مەكتەپتەرى مەن اۋلا جانە سپورت كلۋبتارىندا 7-دەن 18 جاسقا دەيىنگى سپورتپەن شۇعىلدانۋ كورسەتكىشى 11،9 پايىزدى نەمەسە 1 مىڭ 752 بالانى قۇرادى. ەندى بۇل كورسەتكىش جىل سوڭىنا دەيىن 12،1 پايىزدى قۇرايتىن بولادى.

سونىمەن قاتار اۋداندا ۇلتتىق سپورت تۇرلەرىنىڭ دامىتۋ ماقساتىندا اۋدان اكىمى الگوريتم بويىنشا سپورت قىزمەتكەرلەرىن قابىلداۋ كەزىندە اسا اۋىلىنداعى بالالار جاسوسپىرىمدەر سپورت مەكتەبىنە 3 شتاتتىق بىرلىكتەر قاراستىرىپ، كۇرەس كىلەمدەرىن الۋعا قاراجات ءبولدى.

جالپى، بيىل اۋداندا سالاۋاتتى ءومىر سالتىن ناسيحاتتاۋ باعىتىندا بارلىعى 202 سپورتتىق ءىس-شارا ۇيىمداستىرىلىپ، اتالعان ءىس-شارالارعا 20 مىڭنان استام ادام قاتىستى.

سونداي-اق اۋدان سپورتشىلارى ءارتۇرلى دەيگەيدەگى حالىقارالىق، رەسپۋبليكالىق جانە وبلىستىق سپورتتىق باسەكەلەردە جوعارعى سپورتتىق كورسەتكىشتەرگە قول جەتكىزدى، 2019 جىلدىڭ ءى - جارتىجىلدىعىندا تۇركسىب اۋىلىنداعى بالالار جاسوسپىرىمدەر سپورت مەكتەبىندە 3 سپورتشى «قازاقستان رەسپۋبليكاسىنىڭ سپورت شەبەرى»، 9 سپورتشى «قازاقستان رەسپۋبليكاسىنىڭ سپورت شەبەرىنە كانديدات» اتاعىنا يە بولدى.