بۇگىندە جامبىل اۋدانىنداعى تۇركسىب اۋىلىنداعى بالالار مەن جاسوسپىرىمدەر سپورت مەكتەبىندە 536 بالا سپورتتىڭ 7 تۇرىنەن جاتتىعادى. ال مەكەمەدە 16 جاتتىقتىرۋشى-وقىتۋشى بوكس، دزيۋ-دو، گرەك ريم كۇرەسى، قازاق كۇرەسى، كيكبوكسينگ، ەركىن كۇرەس، شاحمات بويىنشا جۇمىس اتقارادى. ارينە، مۇنىڭ بارلىعى دا ەلباسى ن.نازاربايەۆتىڭ سارابدال ساياساتىنىڭ ناتيجەسى. ويتكەنى، تۇڭعىش پرەزيدەنتتىڭ تاپسىرماسىنا سايكەس، بۇقارالىق سپورتپەن شۇعىلدانۋلارعا جاعداي جاسالۋدا.

«ءتانى ساۋدىڭ-جانى ساۋ» دەيدى دانا حالقىمىز. سالاماتتى ءومىر سالتىن ۇستانۋ باعىتىندا اۋدانداعى مەكەمە قىزمەتكەرلەرى مەن اۋىل جاستارى كەشكى مەزگىلدە اپتاسىنا ەكى رەت اۋىلدىق وكرۋگ ايماقتارىنداعى ورتا مەكتەپتەردىڭ سپورت زالدارىندا ۆولەيبولمەن، باسكەتبولمەن، اۋدان ايماعىنداعى ەكى بالالار مەن جاسوسپىرىمدەر سپورت مەكتەپتەرىنىڭ زالدارىندا، جاستار ورتالىعىنداعى ترەناجەر زالى مەن اۋىلدىق وكرۋگتەردەگى كىشى فۋتبول الاڭدارىندا جاتتىعىپ وتىرادى. كەستە بويىنشا بىلتىر 17 اۋىلدىق ايماقتاعى 88 سپورتتىق نىساندار قىزمەت كورسەتتى. ياعني، الدىڭعى جىلعا قاراعاندا سپورتتىق نىساندار سانى ادەۋىر ارتقان.

تاعى ءبىر ايتا كەتەرلىگى، وسى سالاعا بولىنەتىن قارجى كولەمى دە جىلدان جىلعا ۇلعايۋدا. جامبىل اۋدانى اكىمدىگىنىڭ دەنە شىنىقتىرۋ جانە سپورت بولىمىنە جەرگىلىكتى بيۋدجەتتەن 2018 جىلعا جالپى 12880،0 تەڭگە ءبولىنىپ يگەرىلدى. ونىڭ ىشىندە ۇلتتىق جانە بۇقارالىق سپورت تۇرلەرىن دامىتۋعا-2980،0 مىڭ تەڭگە، اۋداندىق (وبلىستىق ماڭىزى بار قالالىق) دەڭگەيدەگى سپورتتىق جارىستار وتكىزۋگە-2500،0 مىڭ تەڭگە، ءارتۇرلى سپورت تۇرلەرى بويىنشا اۋدان (وبلىستىق ماڭىزى بار قالالىق) قۇراما كوماندالارىنىڭ مۇشەلەرىن دايىنداۋ جانە ولاردىڭ وبلىستىق سپورت جارىستارىنا قاتىسۋى ءۇشىن 8900،0 مىڭ تەڭگە قاراستىرىلىپ، ماقساتتى جۇمسالدى.

بۇل تۇرعىدا سالاماتتى ءومىر سالتىن ناسيحاتتاۋ، بۇقارالىق سپورتتى دامىتۋ بارىسىندا 2018 جىلى 258 ءىس-شارالار وتكىزىلىپ، وعان 27218 ادام قامتىلدى.

ايتا كەتۋ كەرەك، اۋدان سپورتىن وركەندەتۋ بويىنشا ءتورت نىسانالى ينديكاتور بەلگىلەنگەن.

ونىڭ ءبىرى «جۇيەلى تۇردە دەنە شىنىقتىرۋمەن شۇعىلداناتىن بارلىق جاستاعى تۇرعىنداردىڭ سانىن ارتتىرۋ»، ەكىنشى نىسانالى ينديكاتور «اۋىلدى ەلدى مەكەندەردە تۇرعىنداردىڭ دەنە شىنىقتىرۋ جانە سپورتپەن اينالىسۋى ءۇشىن سپورت الاڭشالارىن (امبەباپ الاڭشا، ستريتۆوركاۋت، سپورتتىق كۇش قۇرىلعىلارمەن جابدىقتالعان الاڭشا جانە ت.ب.) سالۋ»، ءۇشىنشى نىسانالى ينديكاتور «تۇرعىنداردىڭ سپورت نىساندارىنا قولجەتىمدىلىگىن ارتتىرۋ» جانە ءتورتىنشى ينديكاتور «7-دەن 18 جاسقا دەيىنگى بالالار مەن جاسوسپىرىمدەردىڭ سپورت مەكتەپتەرىندە جانە دەنە دايىندىعى سپورت كلۋبتارىندا دەنە شىنىقتىرۋ جانە سپورتپەن شۇعىلداناتىن بالالار مەن جاسوسپىرىمدەردى قامتۋ» كورسەتكىشتەرى بەلگىلەنگەن.بۇگىندە بۇل ينديكاتورلار بويىنشا يگىلىكتى ىستەر جالعاسىن تابۋدا.