جامبىل وبلىسىنداعى جامبىل اۋدانى بۇقارالىق سپورتتى دامىتۋ بويىنشا ەلباسى ن.نازاربايەۆ ايقىنداپ بەرگەن مەجەنى تولىقتاي ورىنداۋعا تاياپ قالدى.

2019 جىلدىڭ قاڭتار-تامىز ايلارىنىڭ قورىتىندىسى بويىنشا اۋداندا دەنە شىنىقتىرۋ جانە سپورتپەن جۇيەلى تۇردە شۇعىلدانۋشىلاردىڭ قاتارى 29،4 پايىزعا نەمەسە 24 مىڭ 500 ادامعا جەتىپ وتىر. بۇل كورسەتكىش 2018 جىلمەن سالىستىرعاندا 0،4 پايىزعا نەمەسە 415 ادامعا ارتتى. جىل قورىتىندىسىمەن دەنە شىنىقتىرۋ جانە سپورتپەن شۇعىلدانۋشىلاردىڭ سانىنىڭ پايىزىن 30،0 پايىزعا جەتكىزۋ جوسپارلانىپ وتىر.

قازىرگى تاڭدا ستاتيستيكالىق مالىمەتتەرگە سايكەس اۋداندا سپورت نىسانداردىڭ جالپى سانى 158ء-دى قۇراپ وتىر.

ولاردىڭ قاتارىندا 1 ستاديون، 1 سپورت كەشەنى، 33 سپورت زالى، 84 سپورت الاڭشالارى، 8 اتۋ ءتيرى جانە 1 يكەمدەلگەن سپورت زال بار.

«اۋىل-ەل بەسىگى» جوباسى شەڭبەرىندە اۋىلدىق ەلدى مەكەندەردەگى الەۋمەتتىك جانە ينجەنەرلىك ينفراقۇرىلىم بويىنشا ءىس-شارالاردى ىسكە اسىرۋ ماقساتىندا بيىلعى جىلدىڭ تامىز ايىندا اسا اۋىلىنداعى ورتالىق ستاديونعا اعىمداعى جوندەۋ جۇمىستارىن جۇرگىزۋگە رەسپۋبليكالىق بيۋدجەتتەن 4 ميلليون 937 مىڭ تەڭگە، جەرگىلىكتى بيۋدجەتتەن 549 مىڭ تەڭگە ءبولىنىپ، اعىمداعى جوندەۋ جۇمىستارى جۇرگىزىلۋدە.

2019 جىلى اۋدان اكىمى مەن اۋىلدىق وكرۋگ اكىمدەرى اراسىنداعى كەلىسىمدەردىڭ ءتۇيىندى نىسانالى ينديكاتور كورسەتكىشتەرى جاساقتالىپ، بەكىتىلدى.

جالپى 2019 جىلى اۋداندىق ايماقتىق جول كارتاسى اياسىندا 12 سپورت نىسانىن سالۋ بەلگىلەنگەن. اتاپ ايقاندا 4 كىشى فۋتبول الاڭى اسا، قاپال، قىزىلشارىق، قىزىلقاينار اۋىلدارىندا جانە 8 ستريتۆوركاۋت الاڭشالارى اسا، شايقورىق، توعىزتاراۋ، كولقاينار، بەساعاش، بەكتوبە، ءايشابيبى جانە شوقاي اۋىلدارىندا. قازىرگى تاڭدا، 1 كىشى فۋتبول الاڭى جانە ۆولەيبول الاڭى اسا اۋىلىندا، 1 امبەباپ سپورت الاڭى شايقورىق اۋىلىندا، 3 ستريتۆوركاۋت الاڭشالارى اسا، قاپال، توعىزتاراۋ اۋىلدارىندا پايدالانۋعا بەرىلدى. ال، دەمەۋشىلەر ەسەبىنەن شوقاي جانە شايقورىق اۋىلدارىندا «ستريت ۆوركاۋت» سپورت الاڭشاسىنىڭ قۇرىلىسى تولىق اياقتالىپ، جەرگىلىكتى تۇرعىنداردىڭ يگىلىگىنە قىزمەت كورسەتۋدە. قالعان سپورت نىساندارىنىڭ قۇرىلىسى قىركۇيەك-قازان ايلارىندا پايدالانۋعا بەرۋ جوسپارلانعان.

مۇنىڭ بارلىعى دا ەلباسىنىڭ، مەملەكەت باسشىسىنىڭ تىكەلەي تاپسىرماسىنا سايكەس جاسالىپ جاتقان يگى جۇمىستار.